主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 7303
地產新聞
樓市出更:居屋又癲過 迎白居二
(太陽) 2015年8月28日
近排二手樓市好似畀人點咗穴咁,就算係用家主導嘅居屋市場都好冷清,不過雖則成交唔多,但係口價仲好硬淨,最近又有新高價出現。其中沙田居屋愉翠苑三房自由市場賣咗728萬元,追平咗屋苑保持嘅售價紀錄,成為新界最貴居屋單位之一。至於北角健康村都有單位以468萬元自由市場價賣咗,實用呎價14,268元,相信係港島區居屋呎價次高。

劉Sir收到風,新界居屋王愉翠苑又做出新高價,今次單位係M座中層5室,實用面積663方呎,以自由市場價728萬元登記成交,計番實用呎價約莫10,980元。

月內註冊量值齊跌

今次呢口成交價,追平咗屋苑B座中層2室喺三月初以自 由市場價728萬元登記售出嘅售價紀錄,雙雙成為新界最高價居屋單位。

至於上述北角健康村康欣閣高層E室,實用面積328方呎,自由市場成交價468萬元,實用呎價大約14,268元,料為港島區居屋呎價次高紀錄。

香港置業報告就提到,今個月至今,二手居屋註冊量只有279宗,比上月同期少咗12%,總值暫錄10.8億元,按月同期亦少約13.2%。不過,該行伍創業預計,新一批白居二接受申請,相信可為市場注入新動力。

劉Sir同老友中原黃良昇傾開,知道最近公屋成交都幾淡靜,佢話今年七月份嘅公屋第二市場買賣成交只係得大約14宗,總成交額約莫2,788.1萬元。

公屋綠表買賣挫72%

對比番六月份錄得嘅51宗同埋1.04億元,足足減少咗大約72.5%同埋73.2%,宗數同總額仲創埋近五個月嘅低位。

黃良昇話交投減少,反映股市波動,二手樓市氣氛放緩,市民買樓意欲都減慢咗,所以公屋第二市場交投回落咗。用成交金額劃分,期間冇任何樓價250萬元以上嘅成交個案,而200萬元以上至250萬元嘅成交佔8宗最多,但按月比較都減少一半。

而上個月買賣成交金額最高個案係黃大仙竹園北邨一個低層單位,成交價齊頭250萬元,其次藍田德田邨中層單位就以234.3萬元賣出咗。

劉Sir