地產博客 > 敢說亮話 返回
瀏覽人次:24057    回應:5
敢說亮話
茶餐廳亂話(25)拆售車位
 
湯文亮博士
紀惠集團行政總裁
2016年11月30日

  今早去到茶餐廳,有茶客問我,他住的地方,大業主準備拆售停車場,要二百萬一個車位,現在租金是4,000元,他並不是打算買車位收租,因為只得2%回報,絕對不吸引,但如果用作自用又如何,不過,要大拿拿攞二百萬出嚟,不如將筆錢買港交所,除笨有精,所慳的每個月都夠食餐飯,條友咁識計數,抵佢發達,不過,他始終忘記計一條細數。

  我問究竟大業主攞幾多個車位公開發售,大約佔總數幾多成,佢話大業主一次過攞500個車位一起發售,一個不留,於是我話,暫時唔好買,租金一定下跌,因為以往是一個大業主擁有所有車位,可以囤積居奇,控制租金,在公開發售之後,最少有超過一百個業主,在互相競爭之下,租金一定向下調整,成交之後就立竿見影,我並且說,幾個月之後,當租金下跌到3,500元,就請我飲杯咖啡。

 
 
我要回應
我的稱呼
回應 / 意見