地產博客 > 敢說亮話 返回
瀏覽人次:25447    回應:5
敢說亮話
茶餐廳亂話(8)左上角
 
湯文亮博士
紀惠集團行政總裁
2016年11月5日

  今早返工前先去茶餐廳飲杯鴛鴦,食件蛋治,有個唔太熟識茶客突然間坐在我對面,問我,今次特首選舉,有沒有心水,我話有冇都冇用,我又沒有投票權,我知道條友show quali,佢一定有投票權,果然,佢話今屆特首選舉很熱鬧,但又不太了解參選人,最穩陣是投那一位,問題似乎很複雜,其實很簡單,我話左上角,佢當然不明白。

  大家如果去日本想食拉麵,但是買票的機器全部都是日文,究竟怎樣選擇,答案就是左上角,因為,這是一碗標準拉麵,有蛋有叉燒,如果買其他票,結果可能會非常意外,所以,如果對特首參選人不了解,就揀海報上左上角的參選人,這是世界性標準,條友表情,多數唔信,不過,他目的已達,就是話俾我知佢有選舉權,以為我一定很羨慕,其實,我一定唔會,佢慢慢就知道有選舉權的煩惱。

 
 
我要回應
我的稱呼
回應 / 意見