地產博客 > 敢說亮話 返回
瀏覽人次:19645    回應:14
敢說亮話
一戴一露之割蓆
 
湯文亮博士
紀惠集團行政總裁
2016年5月31日

  某個一帶一路訪京團因夜蒲出事,報章用割蓆來形容珠姐,芬姐與訪京團斷絕關係,我覺得用割蓆未免太嚴重,雙方又唔係深交,此行目的亦只不過是聯誼,既然唔想被訪京團拖累,用劃清界線便可以,而且,割蓆多少有些曖昧成份,能夠唔用就最好唔用。

  其實,割蓆情況經常會發生在「天上人間」,話說在「天上人間」做小姐的都是萬中選一,國色天香不在話下,而且善解人意,當有不少貴客飲得過量,或者詐癲納福,在小姐身旁睡著,有意無意之間,身體壓著小姐的衣裳,令小姐不能離開,在那時候,做丫環的不慌不忙,攞出刀片小心割開小姐的衣服,令小姐可以離開,又不會即時驚動貴客,埋單時一定嚇到彈起,這個行動是叫做割蓆,古時的名字就比較優雅,叫斷袖,有同性相戀的意思,所以,我話今次事件用割蓆來形容並不恰當。

  今次之後,有關人士的政治前途亦到此為止,他們雖然有所損失,但結果其實是正面,因為會令到以後那些訪問團,研討會團,一帶一路團在日間開會之後,晚上的最佳娛樂仍然是開會,越多會開,效果一定會更加顯著,我認為他們的犧牲是值得的。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 無識之士 2016-05-31 09:33:01
多謝博士的分享,真係聞所未聞,好一招金蟬脫殼,而且還可收回殼價。
2. 十郎 2016-05-31 09:59:04


      博士 :‘ 割席’ 成語,出自‘管寧’與‘華歆’,並不曖昧。


3. Tony lam 2016-05-31 10:19:01
咸濕冇罪 ! ! !  男女唔咸點有你我存在、何謂風流而唔下流 ?就係你情我願、兩情相悅下婚外情亦可以係風流、中國人比道德縛死自己、壓抑咗本能、美國佬就醒嘞、睇下克林頓/甘迺迪。
割蓆者我衹覺矯揉造作、邊個夠膽大聲講唔鐘意男歡女愛 !
4. 真真薯片 2016-05-31 10:41:04
斷袖+開會

有呢兩招, 一帶一路想唔成功都幾難
5. Desmond 2016-05-31 10:49:48
我們的首長說一帶一路這條水可以食35年,如果35年都日夜開會恐怕捱不住。
6. 山高雲低 2016-05-31 11:02:08

世說新語

「管寧、華歆共園中鋤菜,見地有片金,管揮鋤不異,華捉而擲去之。又嘗同席讀書,有乖軒冕過門者,寧讀如故,歆廢書出看,寧割席分坐,曰: 子非吾友也!」

7. 博士 2016-05-31 11:46:10
我的文章是「𥱊」,不是席,或者蓆
8. 十郎 2016-05-31 13:28:38


      席地而坐

      古時的中國,是席地而坐的,現在沒有了。日,韓的席地而坐,學自中國,現在尚能保存。有人以為他們跪在地上,其實是坐,跪同坐係有分別的,‘跪’是要挺直腰板,而‘坐’是屁股放在腳跟位置。

      中國在五代北宋時候,高腳坐具由胡人傳入,由於垂足坐比較舒服,又健康,所以中國改革了,改得好!我們睇歷史劇,留意坐凳或席地,同時間有冇沖突,約莫知道製作有多嚴謹。

      管寧和華歆並排坐在蓆上讀書,華歆不專心,暮虛榮,管寧就將蓆割開,用意即係‘絕交’



9. 引刀一快 2016-05-31 14:55:19
兩個女嘅,為呢班男人夜蒲而“割蓆”,曖昧就曖昧喺呢度。
10. 十郎 2016-05-31 15:26:01


      刀兄:早晨,啱啱瞓醒?(講吓笑啫,唔好嬲,哈哈.......哈哈,今日第一次見)。

      刀兄你說得對,所以以後呢D交流團,唔好受女人玩。