主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 22668    回應 : 18
敢說亮話
CY不明白申請與認購的分別
 
湯文亮博士
紀惠集團行政總裁
2016年2月25日

  CY在財爺發表預算案當日發網誌,大讚政府資助房屋計劃成功,可以讓中產上車,實行與財爺爭取中產市場,CY並且舉例說,政府在2014年推出2,160個居屋,超額認購62倍,這証明需求量龐大,政府亦關心市民,哈,我唔知道是邊位撰稿,居然連申請和認購也分辨不到,CY應該炒那人魷魚,如果是CY自己寫,不如自費請多一個中文秘書,因為,習主席都有可能會睇CY網誌,亦可能會問CY,既然有62倍認購,點解黃遠輝又要求減價賣居屋,似乎邏輯上不能理解。

  CY提及這2,160個居屋,簡直是開玩笑,我夠膽講,今日問那些業主是否願意接受原價退回,十個之中有八個肯,老實說,那些業主現在後悔到癲,當中有不少已經變成負資產者,CY還說他們是幸運兒,根本不知道民困,又如何紓解民困,其實,CY真的是要多了解居屋市場,如果樓市低迷,一般市民是沒有興趣買居屋,買私樓都是差不多價錢,但如果樓價高企,政府出招打壓樓市,但同時又推出居屋,當政府打壓樓市成功,那班買了居屋的人就成仁,做了炮灰,換句話說,任何時間推出居屋都不是好時間,曾蔭權交左很多學費,最後的結論就是居屋已經完成歷史任務,CY暫時不會明白。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 如是 2016-02-25 08:39:27

政府可能預左打壓樓市是長久戰,以政策干預不能治本,推出居屋頂住先,以解大眾剛需之苦。
不過,推得出來往往已經是樓市頂位。


2. 路人 2016-02-25 08:54:57
關鍵是居屋就是政府賺(中介沒錢賺),只有私人新樓中介才有佣金。所以中介們打死都站在發展商那邊啦(還有發展商都多分幾隻佣呢)
3. Johnny 2016-02-25 09:08:58
舊年新居屋2球可以上樓住新樓,政府擔保9成甚至9成半,平均尺價都系6千銀咋。
而家新樓閒閒地都仲要過萬銀一尺,就算你話私樓抵買過新居屋又點話?一般小市民買得起先得架。
新居屋本來既資助對象就係夾心階層,佢地買唔起私樓,有居屋可選有乜唔好?就算從投資角度睇唔多抵買又點話? 要知道好多人上樓都唔系爲左賺錢,而系爲左有個安樂窩而已。
4. 凝風 2016-02-25 12:39:44
居屋仲有佢用處。
只要係買屋,都要講時機。
貴買左無得怨,只懂自己眼光唔好。

居屋圖則90%實用,又無窗台,管理費平好多。
香港人無寶不落,身體卻誠實(超額申請)。

低位再7折買到居屋,自己住又唔補地價,老實講每月供都好輕鬆。
5. Ca1on 2016-02-25 15:27:06
用市價訂價根本搵小市民笨, 梁特首當年上台時力主重推居屋, 咁就應該用返2012 市價再折去賣俾人, 老實說, 政府起的居屋, 質素、外貌、內籠同公屋極似, 根本唔應該用2015私樓高價去計折扣。如果樓價喺低位, 啲人直接買私樓咪得, 駛乜要居屋? 
6. RY 2016-02-25 16:18:43
以前住的那間居屋,落雨就煩。我哋被練得幾乖,一落雨,毛巾丶水桶全出動。鄰居間一到落雨打風就首望相助。

樓上發出嘈音,樓下發爛。諗起都怕怕。7折?我們賣都賣唔切。
7. 跌打佬 2016-02-25 18:19:15
好像屏欣苑其中一座, 一層34戶, 可以追得上劏房之城環海, 呢 d 一房戶都唔得賣唔賣得到

政府應該停建居屋, 將 d 地推比發展商去起樓就岩了
8. 太多不明白 2016-02-25 20:46:09
去你的辣椒AM730

預算案沒提減辣,但一宗業主在買一賣二物業中成功追回印花稅的個案,則帶出了行逾5年的樓宇印花稅機制漏洞多多、矛盾處處,當下已非單純討論幾時減辣的問題,而更應檢討這套離地兼失敗的印花稅機制是否有從速下架的必要!
專門對抗炒風的住宅印花稅分三大類,其一是特別印花稅,分3年時段定出10%至20%的懲罰稅率;其次則是針對非首置者的雙倍印花稅,但若在買入半年內將舊物業賣出則可獲豁免,若買入的為一手物業,更可將賣出原物業的限期,拉長到相當於兩、三年的買賣契約正式簽署日;其三則是向非香港居民的買家徵收15%買家印花稅。
樓價確實回了,但絕非因為辣招奏效,辣招只方便政府出師有名,純粹屬於回應民間怨氣的離地掩眼法而已,從來壓抑樓價只有提供長期穩定供應才可奏效,而非反過來打遏抑買家需求,在整體供求曲線沒大變下,遏抑需求只會將購買力延遲,遇著過去數年供求失衡及經濟好景之時,辣招更進一步令供應收緊,形成火上加油。
至於今次一換二引發的仲裁風波,已盡顯港府當年只顧急於推招的粗疏態度,李慧琼表示業主「買一賣二」可增私樓供應更屬信口開河,一換二騰出的單位只來自二手,怎會增加了供應?事實上,雙倍印花稅更只益了地產商蜂擁散貨,再加上一手物業首期遠較二手樓寬鬆,更令機制全面向地產商傾斜,完全起不到活化二手樓以增流通的作用!
新加坡及香港壓抑炒風所定的樓稅機制相若,但背景不同,星洲公、私樓量大概為八與二之比,亦同向海外買家徵收15%額外印花稅,連同其他懲罰性稅項計,最高稅率34%;香港公、私樓比例大概為五五分,但外國買家支付的最高稅率最高可達43.5%,趕客味濃,無疑進一步削弱香港小龍的魅力。
祖國近期為了挽救經濟,已開始將外國人買樓限制及民眾買樓按揭放寬,而一向緊貼內地步伐的港官則一味只說不,但又講不出一個為何堅持的合理道理來,只進一步顯示辣招徒屬敷衍市民、及有欠周詳的權宜之計,完全欠缺解決問題的真正誠意!逢交易日刊登


9. 惜緣 2016-02-25 23:56:30
To 5樓 Carson兄

同意Carson兄, 其實以市價提供折扣賣居屋, 就等於用私人樓的價錢去賣質素較差的居屋, 雖然以七折買居屋睇上去好似平咗,其實只是買了七成的業權, 始終有朝一日需要補番嗰三成折扣, 才會變成完整的業權,隨著通脹, 需要換樓的補地價金錢只會越來越多,所以我叫兩個仔女將來千祈千祈唔好買居屋。
10. 引刀一快 2016-02-26 00:02:01
放BSD,我買CCL上180!
11. 引刀一快 2016-02-26 00:02:08
放BSD,我買CCL上180!
12. 惜緣 2016-02-26 00:27:36
引刀兄

嘩……引刀兄比在下還牛!

如果放寬BSD, 對成交量應該有幫助。
13. 蕭峰 2016-02-26 00:52:12
目前看,新盤賣的唔錯,意味着市場還是有一定的購買力,只要價格合適。未上車的人或有意入市的人應該把握機會。重點是,內地在托樓市,如果香港樓價真平過上海、深圳,你估冇人來搶嗎?


14. Ca1on 2016-02-26 09:55:07
放BSD, 梁特首立即會被標籤為「媚共」、「放強國人入嚟炒樓」、「官商勾結」,此乃政治自殺,特首再蠢都唔會做。
15. 引刀一快 2016-02-27 02:05:04
To 13樓 蕭峰兄

大陸有錢嘅人好多,如果真係放BSD,買香港樓會係一個選擇。

香港嘅真正價值喺邊度呢?喺人度。

放BSD之後,過幾年就唔喺度。
16. 蕭峰 2016-02-27 07:55:36
to 引刀兄

近年很多聲音指香港優勢已無,我唔係好認同。淨係法律一項,已經跑贏大陸啦。實在頂唔順大陸法律的朝令夕改,亦都令到好多國際大企業將總部設在香港,就是為尋求法律上的保護。

金融市場開放,大陸已經講左十年,到今時今日仍然得個講字。匯率改革,更是碰都碰不得。大陸從來唔缺少人才,但缺少比人才發揮的空間同製度!好位置、好公司從來都是官二代的後花園。

總之,我對香港有信心,最少相對公平、公正、關愛弱勢社群。係大陸,如果大吉利是生左重病,例如cancer,可能會拖死一家人,醫療費用高的嚇死人!係香港,你係可以得到最基本的保障!

仲有好多.....

that's why 好多人願意來香港買樓、生bb,最少係有一份最基本的醫療人權。


17. Ca1on 2016-02-27 15:04:01
其實香港的好位置好公司又何嘗唔係富二代官二代嘅後花園呢?之不過香港啲官富階級識得將仔女啲CV整得好睇啲,點都送佢哋去外國「深造」幾年,擺間野雞大學落去嘅。仲有,如果喺香港患重病,住公立醫院一樣係好大鑊的,不過大陸仲衰咁解啫。香港最好係資金真正自由進出,冇乜管制,司法系統比較專業同真正唔受干預。
18. 無奈 2016-02-27 16:17:59
香港公屋規模已是經濟發達地區之最,政府的沉重負擔。再加一個居屋計劃參與市場運作,尾大不掉,再次淪為笑柄。今日之難堪,是當日做救世主的代價。