地產博客 > 敢說亮話 返回
瀏覽人次:27406    回應:36
敢說亮話
財務公司也被追數
 
湯文亮博士
紀惠集團行政總裁
2016年1月15日

  有經營財務公司的朋友同我講,非常多謝我的「細價樓爆煲論」,提醒佢細價樓隨時有機會調頭向下,適逢金管局收緊一二按,財務公司不能夠單獨做二按,如果只做一按,除了要降低利息外,更加需要大量資金,而金管局因為管不著財務公司,唯有管銀行,嚴格限制銀行貸款給財務公司,令財務公司難有鬆動資金做物業按揭,我老友見到這個情況,知道大事不妙,沒有銀行支持,生意是很難做大,雖然可以向外地借貸,但利息甚高,而且借貸年期很短,平均大多數是一年,雖然話到期可以再續,但主動權是在他人手中,如果到期唔續,而借入的款項又貸了出去,到時怎麼辦,如果由香港銀行借就唔同,不但利息低,而且沒有到期不續的煩惱,倒不如趁樓價高,要求債仔還錢或者轉按,今日就可以他他調調,否則就會很頭痕。

  在金管局收緊銀行借錢俾財務公司之後,不少財務公司立刻作出反擊,表示借出去的資金是從世界各地而來,國內就不在話下,連中東地區資金也有,香港銀行貸款只佔小部分,言下之意,金管局陳總出的招沒有效,當時,細價樓火熱,就算債仔冇錢還,只要將物業在市場放售,不但很快便可以賣出,而且價錢不俗,那時候根本不擔心債仔唔還錢,踏入2016,形勢完全改觀,不但細價樓樓價急跌,而且成交量偏低,除非大幅劈價,否則很難出售,但海外貸款又到期,本來話續期是沒有問題,但不少海外債主又轉口,要求到期的時候收回全部貸款,所以,現在經營財務公司的人都非常頭痕,想唔到他們都會有被追數的煩惱。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2016-01-15 09:26:24
沙發先!
2. 真真薯片 2016-01-15 09:27:01
但係財仔廣告仲係鋪天蓋地, 如果已經被人追數, 仲邊有心機賣廣告?
3. 知情人士 2016-01-15 09:39:02
相信博士講的是部份,並非全部。
4. 西門吹雪 2016-01-15 09:42:20

真真兄~

在下感覺的確係小左樓按廣告的,有些是Personal load的,是不同的 (e.g. XA NO SHOW 私人貸款)。不過我都認同情況可能未必咁嚴重,因此仍然有好多呢~~所以我又學到野了~留心看看廣告都可以找出樓市方向呢~~謝過師兄了~~

5. 無奈 2016-01-15 09:44:09
財仔被追數就向銀主盤埋手啦。
6. 玩完 2016-01-15 10:19:20
【on.cc東網專訊】上年樓市貴到癲,郁下成交都話創新高,搞到大家心慌慌,仲邊敢入市呀!但今年個情況就完全唔同,因為樓市頻頻出現冧價,冧價仲刺激到上年買樓嘅業主,今次真係有苦自己知喇!

早排嘉湖山莊有一個3房連套房以345萬沽出,但有網民上年要用406萬,先買到同屋苑一個2房單位。唔怪得佢嗌晒救命講:「依家我真係好想死呀!今次真係吐血身亡呀」。歌都有得唱「落錯車如離開了幸福的高速路,誰又保證我明天將更好」,之不過今次係「上錯車」。「上車」同「落車」都好考眼光,係錯時間入市就唔抵喇,入錯惟有當自己運滯喇。

對於買家嚟講,當然係樓價跌得愈多愈好,所以即使依家跌咗啲,個價就未合買家心水,「等到四千蚊呎再買先」,「2房1字頭的話就買得過」,「兩房球半,三房二球,呢啲先叫正常」,「兩房百二,三房百八,才是小市民能負擔的合理價」,「快啲跌穿喇!如果唔係供樓供到胃穿」。

學網民話齋,不如買多幾包花生,坐定定睇好戲。因為樓價係跌咗少少,對於我哋呢啲小市民,買樓依然係好難。
7. Desmond 2016-01-15 10:42:23
財仔被追數應只是剛開始,但如樓價繼續跌,就會產生骨牌效應而惡化。
8. Desmond 2016-01-15 10:54:06
回應6樓,去年傳媒訪問那些剛買樓的人士大部份都說是自住的,樓價跌亦無謂,所以現在就算樓價再跌,剛買了樓的人應該沒有問題。
9. 引刀一快 2016-01-15 10:57:14
To  2樓 真真薯片兄

你要睇睇人家嘅廣告約係點簽法。

另外,財務公司家底有厚薄,薄嘅收斂,厚嘅就趁機擴大市場。

不過都係我嘅臆測啫。
10. 老餅 2016-01-15 11:10:50
本人用另一個角度看,冇生意就大賣廣告希望吸客,如大把生意不用比錢人賺,生活消費品生意除外好似惠記,百記,因要話比人聽今天有乜賣.
11. 引刀一快 2016-01-15 11:44:50
To 10樓 老餅兄

呢個又係道理,而且大家睇法冇抵觸,綜其情况,就係不利。
12. 西門吹雪 2016-01-15 12:02:15

回6樓~

小心啊~呢度D硬好極惡架~~上錯車都夠膽講,一陣比人圍,我唔幫拖架...

XDDD

13. Tony lam 2016-01-15 12:06:36
財仔資金極少直接來自銀行、甚麼大陸中東係有D、但好大部份嚟自上市公司、名目任選lPO、項目貸款/集資/批股用於日常營運等等、最緊要專業有型、得款之後点玩、大把位走、所以銀行迫財仔應該唔大事。
最大問題係租金下跌、呢两年買咗貴口嘢想甩身好難、早年買落個D實頂爛市、賣平D都重有對本對利、租平D都起碼有5-6厘回報、加埋呢幾年新樓管理費嗱脷、租金實際落袋又少噉D,個個月貼水供樓、又冇三年內升值20%以上嘅預期、冇底嘅点頂 !!!
14. 凝風 2016-01-15 12:16:12
講開追數,銀主盤~
小弟希望博士會講下銀主盤操作細節~

話說...好多師兄睇完數據,話有成1萬5千幾釘左,等變銀主,如果要變銀主,都要有人接貨。
睇睇所謂既銀主拍賣一D都唔平,唯獨無法得到銀主盤成交數據。

銀主咁開價都唔平,會唔會積貨太多,大家點睇~
15. Tony lam 2016-01-15 12:33:30
會否冧檔?咁又冇洗担心、呢幾年上車嘅,落咗咁重Part、未夠鐘離枱又抽咁重水、点都要睇多幾隻牌嘅!走唔郁、点都少咗D爭先恐後互踩傷亡机會。
加上沙士後大家都有咗個潛意識、大大有阿爺睇住、痛極都係鞭你两藤、實唔捨得打到你内傷、當真係死得時實撈番你上水嘅!

16. Tony lam 2016-01-15 12:36:13
大家估吓係邊處人呢?
17. 西門吹雪 2016-01-15 12:51:59

風師兄~

好似話唔係所有15000都會被人逼賣(網主話跟據統計只有45%),就算比人逼賣亦唔一定會變銀主的。因為銀主盤係銀行全權擁有的。呢D盤可以由一個甚至數個債主,逼個債仔賣樓還錢GA。

個人認為,呢D盤暫時應該未有被大量逼賣,因為始終樓市過去升左咁多,而家只係回左小小。因為暫時都係小數,暫時應該唔會有太大影響。只是一個未爆既炸彈咁存在著。話唔定樓市好似硬好們所講,高處未算高,咁呢盤有可能一直儲蓄下去

18. 西門吹雪 2016-01-15 13:07:14

坦白講,如果大陸真係出手救港樓,你想樓價跌都難...要救你香港還不像給粒糖個小朋友食? 就算大陸自己唔惦,都未至於買唔起粒糖吧~

不過,大陸對香港既"關心"有排都未數到樓市吧。

19. Tony lam 2016-01-15 13:39:38
大陸唔洗硬橋硬馬幫香港嘅!未洗去到救咁嚴重、出吓口術已經吃喝不盡啦!
好多人已被誤導、回歸以嚟係香港D有心人吓吓關心大陸在先、還是大陸主動搭手關心香港内事。心水清D啦!
20. 十郎 2016-01-15 13:57:29


      Simond 1 兄

      你講得合情合理,  但是我冇咁樂觀,  香港呢個反骨仔,  食碗面,  反碗底,  我係亞爺都唔救你,  苦頭一定吃梗了.


21. 西門吹雪 2016-01-15 14:17:23

十郎兄所言甚是。

如果你做老豆,個仔唔聽話,打少幾下已經俾面了,仲話比粒糖佢食~~

22. 十郎 2016-01-15 15:01:27


      Simon 1 兄

      中國崛起,  始自八十年代,  香港遷廠內地,  帶入去資金同技術,  現在情形180度反轉過來.  以我觀察,  內地存在感激之心(純屬靠估),  所以處處讓步,  處處維護.

      但是最近形勢大改變,  佔中,  驅蝗,  反自由行,  噓國歌,  做盡剌激中國的能事,  1 哥,  你救唔救呢個仔 ?

      最近,  有心人又推D大學生去挑戰校長,  講到尾都係自大,  與自卑嘅混合體,  即係 " 你選校長,  冇問過我".




23. 十郎 2016-01-15 15:24:03


      奇怪...............向金融人仕請教

      美股星期三(香港星期四),  跌368點,  香港星期四開市升200幾點,  最終升百幾點.

      美股星期四(香港星期五),  升220點,  香港星期五(現在)跌267點.

      佢地兩個,  捉緊迷藏,  奇唔奇 ?


24. Tony lam 2016-01-15 17:13:04
一家咁多仔女、一個衰唔代表個個衰、不過通常衰果個會成日嘈、特別吵耳、引人注意、打佢實唔驚、佢地知老豆一定唔捨得真打,我地睇得自己太重要啫、阿爺亦唔覺得要哂時間招呼D儍仔、打佢都哂力、唔啋佢最高、一個衰啫!点會罸哂全部㗎!市場係市場嘅規矩、点會衰仔一嘈,老豆就生意都唔做吖!
比D信心、唔洗心急、袋足子彈、用自己感覺、等執順嘢!

25. 十郎 2016-01-15 17:32:57


      24/F

      接受,  唔會全部打沉.



26. 老餅 2016-01-15 17:52:41
自己身為香港人都唔幫部份D香港人,有事就求亞爺幫手,冇事就踢人走.
27. To 23 2016-01-15 21:09:13
這種情況就是證明外資同一些托市大鱷做市,托咗一段時間就交另外其他托市,如是者大回小漲,散戶不知不覺間做了點心,就像由28000陰下陰下跌至現在19500,大鱷唔知係外資定中資!
28. 十郎 2016-01-15 21:31:05


      多謝27/F,  又學咗野 !


29. 十郎 2016-01-15 21:36:35


      我原先以為美股跌成400點,  香港點都會跟下,  誰知佢反而升.

      美股升220點,  香港都會跟下掛,  但反而跌300點,  點玩 ?


30. 望東樓 2016-01-15 21:55:54
十郎,
呢幾日係班hedge fund 狂買HKD put。應該係非常十分大手個隻,啲一年vol比人由零點幾抽到三點幾。而家班友好醒,用最高槓桿嘅方法出手。HKMA就成手都係美金,而家每晚祈禱希望7。85可以出返啲貨。呢兩日MA周圍查數,早兩日啲人仔短息挾爆好明顯有同業出事。阿門。
31. 十郎 2016-01-15 22:05:27


     30/F

      哈哈,  你講得好好笑,  我係諗緊,  果D熊哥, 牛哥,  真係死得不明不白.


32. 十郎 2016-01-15 22:14:45


      30/F

      香港唔跟加息,  才會發生這個情形 ?  點解香港唔跟加息 ?


33. Tony lam 2016-01-15 22:36:03
而家嘅衍生工具花欵咁多、又加老表成日耍盲拳、以拙勝巧、好多專家都Hi嘢,今時市場点到佢地夾定、我睇大鱷而家似各自修行多D、散户都係唔好幻想自己醒目過人、懶有眼光咁玩短炒,真係手痕要頂瘾、回歸基本步、蠢蠢地買番D跌深咗嘅高息藍籌擺吓收息、多多noise嘅綽頭股就小心小心啦!
34. 十郎 2016-01-15 23:02:44


      To : 33/F

      買穩陣收息股,  我贊贊贊贊成,  3988得啦掛,  而家佢沖完52週新低再新低.


35. 望東樓 2016-01-16 00:00:10
你好似將啲因同果調轉咗。應為歷年嚟MA接咗好多美金(好似係一千億倒),間接放咗等值嘅港紙出街,所以加唔到息。依家似乎啲hedge fund 嚟幫佢出關。
36. Tony lam 2016-01-16 01:31:13
黃金磚頭咁硬、都會輸死人、落手時間定赢輸、我只係覺得而家要落注嘅話、就揀D跌深咗又高息嘅篮籌入手啫、今日我都入咗D#5,諗住長揸收息、短期上落唔睇喇!3988從來唔睇、2388就望過未買過、呢D輸價可以擺埋當收租、綽頭股就好似斬頭駁唔番、如烏溜溜。