主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 22076    回應 : 14
敢說亮話
熔斷難斷
 
湯文亮博士
紀惠集團行政總裁
2016年1月18日

  我唔記得幾耐之前睇過一套戲,由柯德莉夏萍主演,叫「How to steal a million」,講柯德莉夏萍是一個女賊,要去博物館偷一件價值一百萬展覽品,但博物館亦有所防範,包括當時非常先進的警報器,能夠感應到有人走近展覽品,而且直通警察局,夏萍女賊搵到一把澳洲土著用迴旋刀,將刀擲向感應器後再迴旋至手中,現場不留痕跡,但感應器立刻發出警報,同時通知警察局,一大隊警員立刻到博物館搜查,當然搜不到什麼,於是拉隊離去,在警員離去後,夏萍又立刻再擲一次,又有一大隊警員到博物館搜查,一樣搜不到什麼,於是再次拉隊離去,在三次之後,博物館館長發覺警報器相當擾人,於是將警報器拆除,結果唔使我講大家都知道,而這條橋已經用過唔知幾多百次,我以為會失去效用,誰不知中國證監會在熔斷機制四日內兩次熔斷之後,立刻暫停熔斷機制,原來橋唔怕舊,最緊要受是真的。

  我相信中國證監會理解的熔斷機制與我的不同,我認為熔斷機制是一個警報器,四日之內有兩次熔斷,相當不尋常,我不敢說有人有計劃地衝擊中國股票市場,但熔斷機制的確發生效力,令到有意衝擊中國股市的人未能成功,本來中國證監會要開二窩頭慶祝,但我唔知點解,中國證監會竟然將熔斷機制斷熔,雖然話是暫時性的,但肖主席已經被委派去扶貧,即是熔斷機制恢復無望,我覺得提出暫停機制的團隊現在很難瞓得著,A股千祈唔好大瀉,如果超過兩成,又不能夠立刻熔斷,A股市場變成怎樣,我相信無人敢說,不過,最近肖鋼以主席身分評論A股市場監管不穩,莫非已經復職,這樣真的欲斷難斷,而我估計,熔斷亦難斷。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 占士 2016-01-18 08:40:30
Sofa ! ^.*
2. 望東樓 2016-01-18 08:49:11
祖國每隻股票都有10%跌停板機制,博士擔心嘅嘢『A股千祈唔好大瀉,如果超過兩成,又不能夠立刻溶斷』係唔會發生嘅。簡單啲講,佢哋係除褲放x。
3. 占士 2016-01-18 08:52:32

博士,一早看到您的文章,我的腦海就跳出下的歌詞:

欲斷難斷 難明白我心裡面怎麼竟掛念 由昨晚昨晚到白色的天 儘是念你想你未眠

忙完 頭再慢慢看的文章吧!  制止心內混亂。。。。

4. 真真薯片 2016-01-18 08:57:39
記得上年A暴跌, 都係每日跌8%左右, 有熔斷就7%放工. 跌幅差唔多, 不過冇熔斷就比人沽足成日, \浪費多好多彈藥救市, 而結果一樣, 咁睇熔斷都係有用既
5. 蕭峰 2016-01-18 09:07:04
a股有上下10%漲跌停板,曾出現過千股跌停令指數跌停的局面。所以熔斷機制是多此一舉。

6. 如是 2016-01-18 09:15:20
終歸一句,有質素的市場/股票何需要停板/熔斷機制。
8. 舍神 2016-01-18 12:13:09

股, 點跌咪點跌囉, 唔會因斷唔斷而停, 有溶斷只會gap down,連走都冇得走。

不過呢樣野, 唔想再花時間討論!

我想說, 想托市都好! 高明的話, 只會出手而不會明言!

君不見你老美救市, 只會暗地裡在期指市場買上去! 市場自然會hedge上去, 仲要口口聲聲話專重市場機制,等無形之手工作, 大大聲,站在道得高位, 仲可以對你呢d明目張膽的中國佬指指點點!

君不見人家每次強調 "強勢美元", 美元都一路跌!

9. 老餅 2016-01-18 12:50:03
絕對同意8樓所言,美國佬D財技,中國真係有排學(因美國佬騙財,搵笨,最叻)
10. Tony lam 2016-01-18 13:22:59
美國佬係陰濕暗器高手、學佢等於以己之弱撼敵之强 ! 實比佢馬騮咁玩、熔斷實際就係食咗两嘢應嘅、未倒地之時、拳證即時偷雞插入中間叫停、等你可以定一定神、扎番穩個馬再嚟過、打過拳都知連食幾嘢好難唔暈、但適時中間隔一隔真係可以敗部復活㗎!
新仔係自己地頭落場、主場茅多少好過比人打到一面血、全人類都係咁㗎嘞!唔好怕D奸細唱、勝者為王。
11. 真真薯片 2016-01-18 14:20:00
不過中式熔斷5-7%中間果2%基本上係秒殺又係真既
12. Tony lam 2016-01-18 16:11:04
你地真係信阿爺咁天真、蠢到跌5%收檔、之後開番檔2%上落係有効嘅?香港人太自大嘞!我地嘅思維係習慣咗跟人口水尾、阿爺呢D叫詐儍扮懵、好多老千座落枱時、扮到連砌牌都雞手鴨腳、等你以為自己古惑過佢、緊佢落疊、跳掣两次即時拆掣、之後又唔見有人夠胆再掟落去 ? 呢D咪叫默契囉!阿爺係想股市回番到有基本因素支持嘅水位、呢幾年好多lPO啲定價係隨口噏嘅,正常經營冇可能有合理回報!有良心能力嘅頭两年都仲撑住、撑唔住嘅都唔怕醜即爆煲、呢D始作俑者咪又係香港D所謂lBanker。
13. 十郎 2016-01-18 16:30:38


      老友,  5%至7%中間個2%,  會唔會係有心人,  拳證做架.


14. 真真薯片 2016-01-18 19:04:34
唔係好明5%同7%中間果2%如何有助股市回復有基本因素支持既水位, 阿爺太smart, 在下比較蠢, sorry
15. Tony lam 2016-01-18 19:53:08
有10%点解要叠多7%呢?真係冧10%先打掣好難收得停!一日跌一成老散真係會發癲㗎 !
跌5%打掣,再開比多2%走棧、2%係乜嘢概念 ? 即係實際默許值係5%咋,不過講明5%就實比人笑大鄉里、7%就合何尺多少、咁两日又拆掣?D大戶咁都唔明、点做大戶呀!再對着幹咪即係找死、即時又暴力對待都似,大陸D大戶唔玩嘢時、D老散就趕都唔走㗎!