主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 23560    回應 : 13
文亮語
不能夠以失業增加強迫政府撤招
 
湯文亮博士
紀惠集團行政總裁
2016年2月25日

  地產界與物業代理界在撤招問題上準備與政府開片,物業代理界話已確認樓市下跌,政府應該撤招,不過,他們亦知道,現在樓價指數距離政府出招時仍然相當遠,就算真的是要撤招,還要等一段長時間,所以,亦有聲音話如果唔撤招,就會更加多人失業,企圖以失業人數增加強迫政府撤招。

  我相信用這個方法就更加困難,因為,在最初推出SSD的時候,物業代理人數大約兩萬一人,現在是三萬七,政府一路加辣,人數一直增加,直至最近兩個月才回落,這與政府的期望不同,而人數增加亦代表業界仍然很容易搵食,現在人數稍為回落就要求撤招,如果政府話到人數回落至兩萬一才考慮,就永遠不用撤招,或者,物業代理界會大幅裁員,目的是符合政府要求,這就變成我雖不殺伯仁,伯仁為我而死,所以,對於業界的聲音,政府是置若妄聞,實在是有苦衷。

  或者會有人話我搞錯,以失業人數增加來要求政府撤招的並不是物業代理界,而是建築界,我相信搞錯的並不是我,大家都經常聽到建築界是如何缺乏工人,做普通地盤工作的人已經升至千三元一工,每個月搵三萬元絕對不是難事,那些稍具專業性的工作就不用說,而政府又唔准輸入外勞,建築業界正在為人手短缺而煩惱,而且,仍然留在建築業界的很多都是老弱殘卒,如果任由建築業界二選其一,撤銷辣招抑或放寬外勞,唔使我講,大家都知道答案。

  如果建築業界真的是以失業人數增加來壓迫政府撤招,政府就會打蛇隨棍上話,既然業界失業增加,就毋需考慮輸入外勞,所以,我認為無論是物業代理業界抑或建築業界都不能夠以失業人數增加來要求政府撤招,就算真的是因為辣招而令某個行業的失業人數增加,政府都不會撤招,因為,整體失業率只有3.3%,在某個行業難搵食,最佳辦法就是轉行,不少物業代理在行頭裡只不過是過客,可能從來沒有促成一單交易,那些人遲早會被淘汰,做成失業率增加,就算政府撤招都不能幫助他們,以失業人數增加來強迫政府撤招,我認為是一個下下之策。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 反AA 2016-02-25 08:37:22
地代為了錢咩都講得出,唔似湯博士,真心講實話
2. 疾風之痕 2016-02-25 09:16:02
Post 返昨日另一主題我提出的意見。
"每個行業有週期,醒目嘅係食正個浪。地產冇得做,地盤好世界。人工好又可以強身健體。啲地產仔與期係條街争客打交,精力冇處發洩,不如去做下地盤,賺多啲錢好過,好過坐係到等運到。行內人話地盤佢有幾年好景。"

其實做幾年地盤,知道樓宇點起,對地產人士第時再入行地產有大幫助,起碼吹水都有啲內容。幾十條西裝友,係條街齋企等客,又冇單,等運到,打牙交,真係唔係辦法。
3. 疾風之痕 2016-02-25 09:16:09
Post 返昨日另一主題我提出的意見。
"每個行業有週期,醒目嘅係食正個浪。地產冇得做,地盤好世界。人工好又可以強身健體。啲地產仔與期係條街争客打交,精力冇處發洩,不如去做下地盤,賺多啲錢好過,好過坐係到等運到。行內人話地盤佢有幾年好景。"

其實做幾年地盤,知道樓宇點起,對地產人士第時再入行地產有大幫助,起碼吹水都有啲內容。幾十條西裝友,係條街齋企等客,又冇單,等運到,打牙交,真係唔係辦法。
5. Kitty Ng 2016-02-25 09:46:39
Agent講真話,豬乸都識爬樹!
仲有,地產代理呢個行業,既唔使學歷,又唔使勞力,就可以入行。既然咁易入行,相對地,容易被市場淘汰也是應該。

6. CY 2016-02-25 09:51:59
政府有一個通病 就係在不適當的時候做不適當的政策去干預樓市 而且往往出招後忘記了收拳 要去到焦頭爛額才急急收回 結果業主及整個香港社會經濟也受害了
樓市/股市 這些投資市場是不理性的 也大不同 
樓市過份干預會好心做壞事 


7. 怒婦炒魚柳 2016-02-25 10:06:34
2、5、6樓講得好
1樓廢文當睇唔到
但點解無3、4樓?
8. SHUN 2016-02-25 10:24:02
所以地代係D咩人入行吖?大家心中有數、著西裝、月入數萬或以上(好景時候)、現在又話要政府幫、賺大錢時有冇捐番D比政府、真係正PK。
9. 香港土著 2016-02-25 10:54:38
長遠嚟講,大部分買賣交易都走向直銷模式,即係唔需要中間人。股票自動對盤淘汰股票經紀、淘寶淘汰低增值實體店、Uber(可能)淘汰政府作為小型「公交」監控者角色… 同樣道理,地代就算唔係夕陽行業,都可能距離黄昏不遠啦。
10. daga1iu 2016-02-25 11:23:03
樓市成交少,很多人歸咎政府辣招,其實是想當然,有沒有嚴謹的分析支持?
試看內地北,上,廣,深,辣招下樓價仍然不停升,其他二,三,四線城市,政府撤招,但樓價,成交仍舊一潭死水,是否很有參考價格?
11. 123 2016-02-25 11:45:38
大部分地產代理同裝修公司差不多未完成文易會很着意之後就過海就神仙
12. 密食當三番 2016-02-25 12:12:23
其實三萬多個地產經紀實在是太多了吧!
現在是每個AA的生意成交量少, 而每單生意的收入高,
做成AA街頭搶客、打交的不合理現像.
理應減少從業人數、減少經紀費,而AA就密食當三番.
咁AA生意有穩定收入, 業主又減少支出.
係雙蠃 !
13. 并 2016-02-25 15:33:12
2015 年 9月 
https://www.youtube.com/watch?v=EgJfviDFUYA 

齊小姐: 抽到樓好開心好似中咗六合彩咁[bouncy] 
呢個樓盤唔會摸頂#no# 
九千幾蚊一呎渣麻 
你話九千幾蚊會唔會摸頂吖?[slick] 
買樓o既原則係你買入個一刻就已經要賺咗錢架喇[slick] [slick] 

2016年o既今日 

映灣園套三房海景戶劈價165萬沽[sosad] [sosad] [sosad] 

中原地產東涌區首席區域營業經理范偉康表示,成交為映灣園5座高層G室,實用面積809平方呎,建築面積1080平方呎,3房套房加多用途房,享機場全海景兼園景,原業主於1個月前開價750萬元放盤,見市況慘淡,曾多次落價,1周前最新叫價為688萬元,新近一口價再劈103萬元,今早將單位以585萬元沽出,實用呎價7231元,建築呎價5417元,1個月內共減165萬元;上月底同類單位以680萬元成交,不足1個月樓價下跌14%。 

http://ps.hket.com/content/1377148/%E6%98%A0%E7%81%A3%E5%9C%92%E5%A5%97%E4%B8%89%E6%88%BF%E6%B5%B7%E6%99%AF%E6%88%B6%E5%8A%88%E5%83%B9165%E8%90%AC%E6%B2%BD
 
14. 并 2016-02-25 16:45:39
《信報》「投資者筆記」作者、「金句王」曹仁超,近年來兩度成功抗癌,病癒復出後接受­本基金會訪問。對於時下年青人常慨嘆樓市瘋癲,無力置業,曾經窮得連「劏房」也住不起­的曹Sir認為,年青人應把目光放得更遠大,而非只著眼於那區區的500呎樓房。現在­就讓我們一起看看曹Sir對年青人置業的看法。

https://www.youtube.com/watch?v=e5oiaB4TuqI

 曹仁超過身 !