主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 30949    回應 : 14
文亮語
SSD現在才發揮效力
 
湯文亮博士
紀惠集團行政總裁
2016年2月23日

  在曾特首五年多前推出SSD時,我話出錯招,SSD是在樓市下跌的時候才會發揮威力,在樓市上升時則會鎖死供應量,反而會令樓價飆升,曾特首唔係唔信,而是他根本沒有留意我的言論,我亦自知人微言輕,所能夠做的就是不斷重複,希望有官員留意到在下言論,結果是沒有,或者有,他們不同意我的講法,認為曾特首的SSD辣招可以將物業投資者置諸死地,其實,是要他們休養生息,適逢香港經濟環境不俗,利息低迷,曾特首在不知不覺間養大了一批物業投資者,與他出招時的目的不同,現在,曾特首雖然不在其位,我相信他對於SSD未能取得預期效果,仍然耿耿於懷。

  現在樓價下跌,如果立刻取消SSD,供應量就會大增,加速樓市跌勢,任何人現在買樓,都要有心理準備最少持有該物業三年,換句話說,三年內所買入的樓宇都不會做成供應量增加的壓力,如果沒有SSD的話,那些新買樓的人感覺到樓市形勢逆轉,情願蝕讓都會將物業出售,對下跌中樓市做成壓力,現在當然唔會,因為他們考慮要付20%SSD,所以,沒有那些不守規則供應量,樓價就不會大跌,因為,新樓的供應量是有默契及規律化,是不會突如其來,沒有突如其來供應量,樓價就算下跌都只會是漸進式,所以,我說SSD現在才發揮威力。

  我估計曾特首當初有不同考慮,認為投資物業的人都是短線炒家,當樓價上升,他們便會出售圖利,其實,特首並不知道,物業投資者根本唔想做短線炒家,尤其是在利息低迷時,只不過是很多時逃不過物業代理甜言蜜語,以為賣走之後可以再買返,最後發覺賣走的物業價值愈升愈高,如果能力許可的話,早已打算長揸,政府出招合晒合尺,供應減少,樓價又怎能不升,所以話,曾特首沒有實戰經驗,以外行人管理內行人,當時,SSD沒有發揮效用,亦是意料中事。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 跌打佬 2016-02-23 11:52:43
有了 SSD, 今次的樓市下跌將會是緩慢的進行, 不會出現暴跌
2. 傍觀者 2016-02-23 12:08:17
任何的辣招都是破壞自由市場的規律,真正用家在樓市升或跌都不會有什麼影響。
3. natalieren 2016-02-23 12:17:43
但是緩慢下跌亦是跌勢
4. SHUN 2016-02-23 13:14:25
CY才不會取消SSD那麼蠢、係都是下任特首做、還要有日落條款、以免引發大量官司、況且樓價都未跌夠(起碼4-5成)你班商家佬越係支持唐唐、佢就玩鬥氣!吹咩!
5. 如是 2016-02-23 13:25:13
緩慢下跌正是政府想要的結果,放寬逆週期措施簡直是多此一舉。
6. 無奈 2016-02-23 14:39:21
記得引入SSD時,大眾恐慌,以為樓價會下跌,不少人賣走物業,有朋友公司一半人收到上頭消息,話樓價會跌50%,紛紛賣走自住物業,大部分至今仍在期待樓價回復幾年前。

將經濟學上的供求圖表應用在樓市,若加入稅項于圖表中,即成本增加,物業價格自然要上升。

又是好心做壞事!
7. 神祈小子 2016-02-23 14:55:18
香港市民常反應過敏(樓價貴就爭住買,樓價跌就想跌九成(看報紙有人咁講)),SSD能鎖住他們放樓,未嚐不是壞事。

 


8. 街市佬 2016-02-23 16:56:46
SSD只是政府其中一個政策邊有咁多天真無邪的業主只是有人説會冧市就把自住物業急急沽出單位
9. LYC 2016-02-23 18:02:37
真係好多人天真無邪架,當年啲業主真係自己住緊層樓都趕住賣俾你,然後去租屋住架,又唔係等錢洗,唔知驚啲乜,你幾年前冇買樓就未必知道,現在就越來越小這些傻人啦!
10. 蕭峰 2016-02-23 18:28:08
看新盤賣成點,映御有加推,看結果就好快知道個市。豪宅賣的唔錯,正如博士預期,豪宅會升。

跌市賣樓d心態係等跌50%再買個更好的單位,當然有風險,可能看錯市。

總之,自己做決定,覺得ok就買嘍。

11. SHUN 2016-02-23 21:43:39
中原城市指數全面報跌、記住係剛剛開始、千其咪信D托市怪誤導、買左就做負資產!
12. 真真薯片 2016-02-24 22:22:21
依家只係低成交下被逼賣既業主劈價成交做成既“乾跌”

望下地產鋪門口d價, 就知好多業主叫價仲係CCL 140水平, 證明大部份業主仍然強勢, 要確認樓市下跌, 起碼要大部份叫價回到130先算

依家放鬆樓按比率, 爆升機會有50%, 如果真係爆升, 又要用半年時間去確認, 到時689啱啱好要連任, 你係689你搏唔搏?
13. 真真薯片 2016-02-24 22:26:59
其實ssd限制買樓後要坐夠耐先可以放, 期望打擊短炒

點解唔改做樓價利得稅? 所有樓市交易, 如果買同賣有錢賺, 就抽90%利得稅(留返10%比你做交易費), 即係所有賺價歸阿公, 咁咪冇得炒囉, 又唔會令業主損手(唔賺唔抽稅), 又唔逼人坐貨鎖死供應, 豈不是更好?
14. Tony lam 2016-02-24 23:24:03
真兄   樓價利得稅冇做得嘅、到時真係一司法覆核實輸硬、發展商賣樓點計呢?而家最好乜都晤攪、等供應上咗先、呢幾年買新樓唔係個個自住、衹要25%買嚟投資就焗要出租三年、75%自住會减少咗部分原租客、出租單位必然過剩而令租金向下、但有低息扶持、樓價衹會有秩序回調、我估市區實呎平均9千左右會有支持。