地產博客 > 文亮語 返回
瀏覽人次:33842    回應:31
文亮語
米芝蓮糯米飯
 
湯文亮博士
紀惠集團行政總裁
2015年11月11日

  昨晚,在晩飯時,有一個租客打電話俾我,問我是否履行承諾,我話,請放心,我言出必行。我記得在大半年前,有一個經營小食店的租客搵我話要退租,我問是什麼理由,是不是租金太貴,抑或生意難做,如果唔夠生意,我建議他們將營業時間加長,因為他們一個月最多開門做二十日生意,我有多少唔滿意,原來兩者都不是,是相見好,同住難,這個小食店由幾兄弟姊妹經營,但各有家庭,不過,生意唔錯,出品亦唔錯,但經常有爭拗,所以,他們打算結業,各自出外打工,我知道之後就叫晒他們四兄妹上公司,省了他們一個鐘頭,大意是自己人的氣都不能受,怎樣能夠受其他老闆的氣,而且他們一個識煲粥,一個識煮糯米飯,一個識較醬汁,合則強,不合則弱,叫他們三思而後行,並且承諾,如果小食店能夠攞到米芝蓮,我立刻與他們再續一張租約,租金維持現狀,今日,小食店真的是攞到米芝蓮,大哥便口震震打電話俾我,他們真的是恐怕我會大幅加租,佢話報紙成日咁講業主,話業主知道租客攞米芝蓮,便大幅加租,甚至將租客迫走,業主自己做,我請他們放心,我言出必行。

  小食店的出品的確唔錯,尤其是糯米飯,米芝蓮的評論亦以糯米飯為重心,其他的出品亦唔錯,今年,紀惠應該有七個食肆租客攞米芝蓮,而這七個租客都是我試過他們的出品,覺得唔錯,主動叫他們成為我們的租客,有機會我會介紹他們,今次獲得米芝蓮的小食店叫強記,在駱克道與馬師道交界。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 歷史長河 2015-11-11 08:37:06
博士高明,以後食店要爭相租紀惠鋪頭啦,加送免費廣告,呵呵
2. 打工仔 Andy 2015-11-11 09:07:21
好味的糯米飯不易煮的, 多謝博士推介! 
3. 知人 2015-11-11 10:07:40
博士保住了小舖, 也保住一家人的親情, 真是功德無量!!
4. Small Potato 2015-11-11 10:20:29
博士好叻而且好心地,如果吾係得博士你咁醒佢地,佢地可能已經各散東西,莫講生意做吾成,不歡而散既兄弟親情都可能無嘞。我都好想,如果我有博士咁有見地同好心地既前輩提醒一下就好。
5. 真真薯片 2015-11-11 11:18:03
人地儲米之蓮星係食完當儲左, 博士儲星係將人收歸做租客, 果真唔同級數, 佩服佩服
6. 不明白 2015-11-11 11:32:35
佩服,博士做埋社工, 抵你發達, 得閒去試下先 !!
7. 望東樓 2015-11-11 11:41:41
對一般小食肆嚟講米芝蓮似乎係催命符多個獎狀。佢地要面對業主加租,大量生客嚟打卡導致食物質素下降及大排長龍。高潮過後,打卡潮退卻,老主顧流失但面對永恆嘅加租。

8. 支持博士 2015-11-11 12:13:19
支持博士,一定去試下.
9. Michelin Landlord 2015-11-11 13:15:09
The Michelin award should also go to the Landlord.
10. 地圖顯示 2015-11-11 17:42:28
11. 讀者 2015-11-11 17:59:22

博士, 你琴日話下篇會講...

誰是真正大贏家,下一篇文章才講。

點解今日講糯米飯?

好期待你的大贏家(下篇)

12. 脷伸 2015-11-11 21:41:18
一於明天去試食。
13. Kk 2015-11-11 23:20:59
係強記未有米芝蓮銜頭已經試過,好味但態度差,博士丙佢地係有道理,佢地對於顧客同自己家人都咁冇禮貌,點出打人工,雖然唔會再幫襯,費時受氣,不得不佩服博士連小租客的感受都顧及到。
14. 望東樓 2015-11-12 08:36:27
可能博士依家規劃緊一個米芝蓮食場,so long as你有星就八折收租,如果你比人搣星就加你五折租,不過可能入去食嘢要排幾粒鐘。
15. 強記.. 2015-11-12 15:42:50
十多年前已經開始有吃了, 他們"賣飯"的美女十多年後仍舊美麗。

那時年輕的我買個飯坐底, 或者買走去樓下打機。

此店可以說是很多人的回憶...

那時唔明點解成日唔開門...
16. 丸子 2015-11-13 08:01:30
人間有情。幸好博士提醒,否則一家人可能散了。超級喜歡博士,俾個like👍👍👍
17. 丸子 2015-11-13 08:15:22
如果個個業主好似博士咁明白事理便好了。幸好我是自己物業,我們還可以抗辯,可憐是同大廈的租戶,就算是樓上餐廳,都因大業主方便管理,連別人做生意要門面的基本常識也不理,不許租戶掛招牌做生意,結果搞到快結業做不下去了。殺雞取卵的業主實在愚不可及。

現在他連我的店也不許掛招牌,請問各前輩,是否大業主不許小業主掛招牌,我們便無計可施了?
18. 安全駕驶 2015-11-13 10:34:41

丸子兄,

不一定是大業主不許你們掛招牌,可能是物業管理公司認為你們的招牌佔用了公用地方,所以要你的移除。

如果你的招牌是安裝在你的物業上,沒有佔用公用地方,那麽管理公司和其他業主是無權干涉的。


19. 望東樓 2015-11-13 11:52:15
丸子君,如果大業主揼得你,應該係基於公契內某些條款。如果我係你我會搵個律師同佢慢慢玩,睇吓佢有冇選擇性執法,有無大細超,問佢點解有其他人『又或者大業主自己』有違反其他公契嘅地方佢唔理等等。咁當然如果牽涉到安全問題你就應該快快攪掂佢。
20. 打工仔 Andy 2015-11-13 12:44:25
丸子師姐

PN兄及安全兄提及的都好值得留意! 
你說的掛招牌, 如佔用公共空間時, 物業管理人會引用公契及建筑物條例344來處理, 所以你可以問下管理人(包括大業主)跟據什麼來阻止你掛招牌? 再見招拆招。
21. 打工仔 Andy 2015-11-13 12:51:04
補充: 要睇睇公契, 有些情况在没有佔用公共空間時, 管理人有權引用公契來阻止你在建筑物上賣廣告來招商的。
22. 丸子 2015-11-13 13:22:20
多謝呀!想不到大家會回覆我。大業主單位有掛,我們卻不行。我們是樓上寫字樓格局,一梯4伙。好明顯有選擇性執法,但我人微言輕,無計😭😭
23. 丸子 2015-11-13 13:24:23
我自己單位外牆都唔得(不是大廈外),但有10幾個違反卻得,唉!
24. 打工仔 Andy 2015-11-13 13:53:27
丸子
試下打游擊囉! 將 d 廣告噴上百葉簾道, 可隨時收起又放落泥, 實吹漲佢! 哈哈哈! 只是講下笑!
25. 丸子 2015-11-13 14:20:37
😂😂😂原來我搬入來之前做過大維修,她不想破壞d牆身,但大佬,各自生意有各門面需要,點可以全部冇招牌架?只可掛在門上,客人見到都奇怪啦!她専做收租,所以身為大業主的她,一點生意常識也沒有。佢d租客都租唔長啦,難怪租值比同區差,我現在才知原因,佢還以為自己管理得好好先死😂
26. 丸子 2015-11-13 14:24:11
所以我今天見到湯博士篇文,真的好感慨,眼光,視野完全不同级數,有這種大業主實在太正了👍👍👍
27. 打工仔 Andy 2015-11-13 14:38:17
博士係個良心業主又係大好人, 做到佢租客真幸福!
28. 望東樓 2015-11-13 16:50:12
如果佢驚破壞裝修,咁你可以放低按金俾佢咪得囉。
29. 丸子 2015-11-13 18:24:14
現正協商緊,我都係咁唸,看看他願不願意了。
30. 引刀一快 2015-12-09 03:16:36

獲推介惹瘋狂加租 米芝蓮甜品店被逼搬店

2015年12月08日 (02:36 PM)

又一「米芝蓮」推介食肆難抵加租被逼搬遷!在佐敦開業40年,上月獲《米芝蓮指南2016》「街頭小食推介」的中式糖水店「佳佳甜品」近日遭業主大幅加租120%,由原本月租10萬元加至22萬元。該店在門外貼出告示,指「敵不過業主瘋狂加租」,明年將遷至附近新舖繼續營業。

 

20151208_CR_佳佳甜品_

 

佳佳甜品第二代負責傳人招永鏡接受傳媒訪問時斥業主「加幅離譜」,並估計加租或與獲「米芝蓮」推介有關,形容它是一把「雙面刃」,既可讓更多人認識,但被迫搬遷後,客人憑《米芝蓮指南》卻不能找到糖水店,認為很諷刺。

 

20151208_CR_佳佳甜品_通告

 

幸該店有熟客願以月租9萬元出租出位於寧波街的舖位,雖然新店面臨比現時小約三成,店外通道又較窄,但招永鏡直言這絕對是友情價。

 

「米芝蓮」成加租藉口並非新事。曾連續五年摘一星的「阿鴻小吃」,其北角總店去年因不敵業主加租近倍,店主黎偉鴻遂將店舖遷至觀塘。

31. 引刀一快 2015-12-09 03:18:29
無論從商場策略,還是個人胸懷,呢個亂加租嘅業主真係同湯先生冇得比。