地產博客 > 文亮言 返回
瀏覽人次:32730    回應:41
文亮言
游BB扑嘢論細價樓
 
湯文亮博士
紀惠集團行政總裁
2016年10月13日

  有老友開盤叫我寫游BB的扑嘢論,我話唔係幾好意思,話晒對方是小女孩一名,樣子又標緻,又即將貴為立法局議員,我唔應該評論,而且,游BB講扑嘢都是一番好意,目的是叫政府正視問題,誰不知老友加碼再加碼,答應請十多位大家都相識的老友食飯,主角是一條65kg黃旗鮪魚,配角是十四代同響,在老友開出盤口之後,我收到其他老友短訊,美其名是問候,其實是俾壓力給我。

  老實說,游BB用扑嘢來形容男女苟合之事的確並不適當,如果由游老爸講又可以,因為,扑嘢應該是男性專用,所以,游老媽都沒有講扑嘢,或者是講唔出口,亦會有人問,游老媽或者游BB應該點講,我認為用「開鑊」就最適當,這是女性專用詞,不過,有人就會懷疑,扑嘢就扑嘢,點會分男女,而事實上是有分別,如果大家去澳門,用葡語同對方講多謝,首先要知道自己是男抑或是女,男女講多謝都唔同,千祈唔好講錯,會俾人笑原來閣下根本唔識葡語。又有人話點解女性要講開鑊,我唔知道幾多年前,有女性告上法庭話遭人拉去開房,法官問,那人在房間對她做了些什麼,那名女子唔好意思,又知道一定要答,於是話開鑊,老一輩傳媒人應該知道這個故事。

  游BB今次講到咁明,其實是對那些買納米樓的年輕人提出警告,今日買納米樓可以叫做上車,但買了納米樓之後,扑嘢一定多咗,有可能要結婚,就算唔結婚都可能會生細路,有細路之後問題就開始浮現,到細路年紀稍大,做父母的想在納米樓扑嘢都唔得,游BB明察秋毫,預先提醒大家,在買納米樓之前定必要三思,確實盡了做立法會議員責任。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2016-10-13 08:48:26
十幾年前,我見過“七鑊英雄”日本仔,當時有個老師傅喺灣仔認出佢。
2. 占士 2016-10-13 09:01:54
博士,早晨! 早上本來有個會議要開,見您終於寫篇關於BB撲嘢論的文章,我叫同事等我一下,留言支持下先!回頭再聊!


刀兄,早晨!



3. 引刀一快 2016-10-13 09:04:03
到細路年紀稍大,做父母的想在納米樓扑嘢都唔得”

後續問題係,細路再大DD,同父母同妹妹姊姊扑嘢就大鑊,係倫常問題。咪話引刀危言聳聽,大陸北方以前發生好多咁嘅事,因為冷,一家人一齊瞓坑,瞓瞓吓就出事。
4. 引刀一快 2016-10-13 09:07:25
早安,占士兄
5. 真真薯片 2016-10-13 09:13:30
在下建議納米樓發展商可以賣樓附送名牌醫院結紮手術coupon, 咁就可以解決問題
6. 引二刀 2016-10-13 09:25:05
引二刀是亂倫得來的?。
7. 引二刀 2016-10-13 09:26:31
引二刀是否亂扑嘢來的?
8. Sam 2016-10-13 09:51:48
油BB又仆嘢又爆粗!
9. 人在天堂 錢在銀行 2016-10-13 10:03:12
其實問題唔大,香港人不嬲鍾意開放
首先開放左個廚房, 跟手開放埋變冇房, 再一步開放埋個厠所,

最後梗係開放埋自己, 大解放, 咩都唔需要隱藏,
咁既自由又自主, 又可在性方面教育下一代

而家見立法會個個豪情萬千, 仲有咩唔講得唔做得?
10. 香港土著 2016-10-13 10:03:21
我等緊發展商推太空艙樓盤... 一人一艙, 要扑嘢就落會所BOOK房...
11. 舍神 2016-10-13 10:57:48
雖然知道是指ML

但點解叫扑野, 同開鑊...........老實說, 真的一頭霧水!

同多年前開始聽人說.......咪咁"吋"

我都唔多明其來源!
12. 舍神 2016-10-13 11:03:16
For reference:

鑊︰除了指煮食器具,也作量詞使用,可解作「一次嚴重的事件」。本帶有不雅之意,現已淡化。語出香港1940至1950年代一宗輪姦案,當時的口供透露疑犯們每次強姦受害人時都會說一句「開鑊啦!」翌日報章即以「少女一夜慘被連開七鑊」作頭條,受害人更被冠以「七鑊之花」稱號。「鑊」此字正是由此而來。與此相關的有「大鑊」、「孭鑊」。[1]
  • 大鑊︰事態嚴重,形容一件事件發展到無法承受的危險地步。
  • 孭鑊︰普通話稱為背黑鍋。指找一個人或一小撮人為某一過失負責。此詞與祭旗意思相近。
13. 真真薯片 2016-10-13 11:10:32
原來如此, 學到野了
14. 舍神 2016-10-13 11:14:34
我仲以為大鑊.......是由 "大鑊飯"演化而來....!!
15. 一代中出師 2016-10-13 11:20:23
而家好似扑野大L哂
16. 一代中出師 2016-10-13 11:37:52
發展商好有遠見, 因為佢地知道新世代買樓唔係要黎住, 係要黎放雜物同扑野.
D 單位越起越細, 磨擦感就越強烈. So high to buy. 這種渴求游議員都反映出來了.
17. 浪子心聲 2016-10-13 11:43:38
世界運作及自然之道都有「物極必反」的特性,香港細價樓己細到得番180呎左右的納米樓,因為要將就樓價在400萬之下,納米樓的面積應己細到極限了,應不會劏到150呎以下?而呎價還有些空間上升到2萬元一呎左右以維持在400萬樓價之下,對市區納米應是極限,當這現像出現時應到了「物極必反」的來臨。
18. 七鑊之花 2016-10-13 11:53:54
女主角紅棉在酒店一晚被超人架仔插七次,架仔每次埋牙時都叫『開鑊』!
19. 寬敞 2016-10-13 12:22:12


梁振英又指,現在內地城鎮的居住面積,人均居住面積已經遠超香港,故特區政府除了要解決香港樓價和租金貴的問題外,長遠而言還要致力去做好提高香港人居住品質的問題,包括通過長遠、宏觀的規劃,令香港的土地供應足以給予香港新一代居民可以住得更寬敞。








20. 舍神 2016-10-13 12:25:01
150?

下......好似話有個俊和井財街新盤黎緊是得71實呎wor
21. 浪子心聲 2016-10-13 13:13:30
神舍兄:

71呎點只不能扑野,真係做洗手間都細啦!不可思意!!

24. 占士 2016-10-13 14:33:01
26. 狗頭貓 2016-10-13 16:57:02
三+幾年前,恆基起三百幾四百呎建築面積樓,頓時社會嘩然,有謂呎土吋金,民不潦生,人無立錐之地,及後越起越多,漸成風氣,市民