主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28848    回應 : 14
文亮言
淡市中租樓便是好租客
 
湯文亮博士
紀惠集團行政總裁
2016年7月7日

  現在零售業情況惡劣,那些以收取會員的健身會亦有機會出現大型結業退租潮,業主是相當頭痛,有人話那些一定唔係好租客,我認為不能夠太武斷,現在經濟環境不佳,大型結業潮是很難避免,絕對不能夠說他們不是好租客,願意合作交回物業已經是合格,否則,繼續拖下去,對業主及租客都沒有好處。

  同事問我,什麼是好租客,我對他們說,現時環境不佳,零售業更加是惡劣,如果有人有興趣租樓做生意的大多數是好租客,與旺市開業做生意的人不同,他們必定計算清楚,甚至作出最壞打算,根據我的經驗,他們的生存率最高,所以,更加要積極面對那些人。

  有一些人或者唔同意我的見解,在市旺的時候,他們有一些租客根本連所租用的物業也沒有睇,便願意付出高於市值的租金,不過,那些業主亦知道,當市道稍為轉壞,租客便會要求減租或者退租,因為,他們在租用鋪位時未必會考慮得很清楚,或者認為經濟環境仍然上升,面對市況逆轉時惟有結業,業主所得到高於市值租金亦只不過是暫時性的,現時這個現象相當普遍,亦令到不少業主相當沮喪。

  但有不少生意人帶著賭仔性格,以贏左就要谷的心態在市旺時增加據點,倘若市況逆轉,他們輸了就縮,馬上撤離,尤其是那些在同一地區或者同一條街有幾個據點的租客,做業主的亦知道那些事,所以開價必定會開到盡,多收了的租金是作為日後租客離開後空置的補貼,當大家見到同一條街有相當多同字號的舖頭,並不是一個好現象,甚至是經濟轉壞先兆,當有新租客進駐,環境回復正常,經濟才有機會復甦。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Alan Pepper 2016-07-07 09:48:54
抽水先 :P
2. fx77 2016-07-07 10:28:31
包租婆就喺好!
3. N個老細 2016-07-07 10:28:46
"加州"間野最少轉咗2-3次手
4. 打工仔 Andy 2016-07-07 10:32:51
準時交租就是好租客!
5. Tony lam 2016-07-07 11:31:31
租樓 / 買樓 / 炒股都同一現象、摸頂友大部分都係冇跟尾、博座一轉順風車嘅 !
6. 引刀一快 2016-07-07 11:50:20
見過世面,識得同業主互相尊重,就係好客。
7. Small Potato 2016-07-07 14:21:34
見過兩公婆,老婆係大醫院做護士,老公係教書,以及係教會做牧師夫婦,都拖租做租霸,告到上法庭,有學識高收入人士,身光頚靚,都一樣可以咁無品。

我現時有個租客,老公成日都係大陸,真係吾知做乜工,當初亦無提供任何收入証明D野,老婆個時仲無做野(最近先係附近舖頭做份兼職)但見正常一家大細,都知道舊區亦不能太高要求,就租左比佢地。

依家租客兩個仔女係外國讀緊大學,另細女下年又話要讀大學,淨係三個仔女供書教學,就咁睇支出真係吾少野,但個物業係舊既平民區,多是收入不高的,佢地幾年都好準時交租,亦無任何野要你整呀換呀。之前佢地第一次打黎,原來要求續約,我都即時話吾加租拉,又主動問有無野要整呀,佢地先講,之後搵師傅整左小小野,佢地連聲多謝再多謝,客氣到我反而仲有D吾好意思,係平民區既租客,吾會老馮又有份尊重,呢D就係好租客喔,反而係藍籌屋苑D租客馮旨呢樣個樣,諗住比得起錢就洗死人喔。
8. 二少 2016-07-07 16:43:26
一句講晒,广州公公咪好租客囉!
9. 引刀一快 2016-07-07 17:25:03
二少,原來你阿公喺廣州呀?你阿爺呢?
10. CD ROM 2016-07-07 18:26:46
好租客好多時同好業主係相對的. 業主斤斤計較, 租客又點會好呢???
11. 打工仔 Andy 2016-07-07 18:32:52
To  7 Small Potato 師姐

其實香港嘅租客一般都好好, 就算有問题都大家有商有量可以解決, 唔好的都是極少數!
12. 望東樓 2016-07-07 18:42:53
一個一年大約五十萬,三個可能有economy of scale。一句到尾,富貴人家。
13. 六年前呢位牙醫嫌三嫌四上唔到車,唔知依家住緊邊個豪宅呢? 2016-07-07 18:49:22
上傳日期:2010年11月15日

香港貧窮問題系列


14. 待買樓 2016-07-08 10:45:16
博士講得有道理,謝謝分享。