主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 20690    回應 : 14
文亮言
搞創科不如關注民生
 
湯文亮博士
紀惠集團行政總裁
2016年6月3日

  友人睇到報章報導,預計將會有兩成中小企結業,失業人數會增加26萬,非常恐怖,希望政府可以關注香港經濟,唔好獨孤一味,只識得打擊樓市,我對友人話,你又不用太擔心,那些預測通常以最壞的情況顯示出來,這叫做語不驚人死不休,如果唔係,邊度會有咁多人關心他們的預測,我亦曾經試過用同樣方式話細價樓爆煲,不過就同人唔同命,俾人將軍將到我唔甩得身,最後惟有擺酒認輸,至於經濟轉壞,的確令人擔心,無可否認,政府是不會支持做生意的人,有物業的人,甚至要置那些人於死地,不過,香港人經歷多次巨變,每一次我們又會向前邁進一步,大家要擔心也擔心不來,香港政府只會見死不救。

  有人非常唔同意,他們話CY搞了一個創科局,銳意將香港帶入高端科技領域,老實說,我唔知道創科局會起到什麼實質作用,或者,創科局創出一個局長及一班管治班子,以香港政府投入的資金,又沒有大企業支持,創科局實在難有作為,我們的所謂創新科技,在其他擁有高科技的國家眼中,是彫蟲小技,要稍有成就,必定要投入大量資源,十年之後,或者小有成就,而政府高姿態搞創科,但又忽略民生,如果兩成中小企結業,26萬人失業,就算創科搞到有國家級數都冇用,不如慳返一些資源,製造更多就業機會,亦有人話,搞創科,唔用得幾多錢,就當俾CY了卻心願,這點我明白,但近日從CY網誌所見,只有創科,其他就欠奉,就算失業人數增加,都是那些做生意的人不善經營,政府是沒有義務幫助他們,大家自求多福都冇用,一定要自己拯救自己,除非你的生意與創新科技有關。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 政策問題 2016-06-03 08:51:48
哩個係政策問題,唔關任何人事。
2. Please amend 2016-06-03 09:09:15
Admin 兄:大字標題應該是民生
3. Admin 2016-06-03 09:24:16
謝謝2樓, 標題已修改
5. 另一個角度 2016-06-03 11:10:42
要救 中小企 ,就要中央肯捭政策.

宜家港人連切割"港毒"都唔肯.......

仲妄想有著數可以攞,會唔會天真咗D ??
6. 狗頭貓 2016-06-03 11:40:00
前董可鑑,搞跨了經濟,只需輕輕一句賴外圍,不帶走一片雲彩。如今更會是無人需要問責。
7. 苦前業主 2016-06-03 11:48:49
其實政府再出招打樓巿話咁易~點都好,放長雙眼睇好戲,幾時都要自我增值,唔洗擔心咁多。

8. 長 2016-06-03 11:49:53
創科局只係用來出糧畀梁粉. 冇乜其他用途

9. 同意8樓 2016-06-03 13:47:26
創科局成立,疑似自己友出來講幾句令人啼笑皆非,
的說話,跟住就消聲匿跡,大大筆納税人嘅錢就個個月袋袋平安。爽 !


10. 精神分裂 2016-06-03 14:11:37
莫乃光 出海報 講 搞到 創科局 係佢功績!

一邊彈一邊讚 創科局

"港毒"係唔係 精神分裂 ??
11. 打工仔 Andy 2016-06-03 14:17:19
博士講得好, 狼凸簡直浪費香江時間!
12. 美的 2016-06-03 14:18:25
浪費時間 美的 就唔會 收購 德國機械人公司啦.
13. 富豪都是黃屍 2016-06-03 21:28:04
現在是有錢中產,無產都反政府,今天CY 所以野由切割地產霸權,搞基建,一帶一路,全是對香港經濟長遠有利,但你看地產富豪門就全是反政府,又要搵大陸錢又要反大陸
14. 浪子心聲 2016-06-03 23:38:52
蕭峰兄:

我真的看不到樓價和競爭力有絕對的關係,香港是可以在民生住房樓價不太高時仍然維持高競爭力。

我要強調香港未來樓價不會很低,而只不過是民生住房樓價會在大眾負擔能力之內,香港是人均收入高的城市,所以樓價不會很低。

當然豪宅和核心地區樓價依然會非常高,因為香港是中國維一有真正法治的城市、稅務簡單、言論自由、等等,競爭力是其他中國城市無法比較。
15. 閒人乙 2016-06-05 17:41:08
港能重獲全球競爭力第一,開得成新及科技局囉分唔少,之前就係比人彈香港欠缺創新科技香港在增加土地方面有成效,樓價和租金回落,解決房屋問題初現曙光又加分。

星島:
香港仍然是「可持續競爭力」榜首,於六個附屬分項裏面,香港於和諧城市、生態城市和全域城市三大指標均位居榜首。香港嚴格執法,社會公正、開放和廉潔;香港在增加土地方面有成效,樓價和租金回落,解決房屋問題初現曙光;創新及科技局的成立,改善香港過往在科技創新方面的弱點,也令香港的可持續競爭力仍有一定優勢。但報告指,香港社會存在分化,部分組織採取激進違法方式,影響社會和諧,令旅遊業和零售業等方面經濟表現受到一定影響。