地產博客 > 文亮言 返回
瀏覽人次:24315    回應:40
文亮言
樓市穩定,才是減辣好時機
 
湯文亮博士
紀惠集團行政總裁
2016年6月4日

  如果問人政府應該幾時減辣最好,答案當然不會是樓市上升的時候,一般人的答案應該是樓市大跌,或者在下跌某一個幅度之後,減辣就最適宜,其實,政府知道在設立辣招之後,要減辣的確是很困難,就算在什麼情況之下減辣,官員們亦不敢回答,現在連減辣都不敢提,可想而知,減辣的難度有幾高。

  政府雖然無意或者冇膽減辣,但坊間要求減辣的聲音不絕,甚至可以說聲嘶力竭,但官員們仍然無動於衷,如何解開這個死結,首先要了解當日點解要推出辣招,答案當然是樓價上升,經過幾年時間證明,樓價上升並不是因為炒家所引致,而是供應不足,在這方面,政府在三年多前亦將勾地改為招標,現在供應已經超過需求,未來是最佳撤招的時間,但政府官員擔心,一撤招後樓價反彈,政府又難辭其咎,這點我亦理解,但總不能撤辣無期,究竟幾時是撤辣最佳時機。

  雖然很多人認為在樓市大跌之後,就是最佳撤辣時機,但如果樓市唔跌,豈不是撤辣無期,其實,我認為在條件適合之下,樓市穩定反而是撤辣時機,如果分三至四個階段撤辣,所引起的反應不會很大,即使樓價唔跌,政府亦可以撤辣。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2016-06-04 09:23:08
我唔信會減辣!
2. 區區 2016-06-04 09:46:11
希望再加辣,令樓市迅速降溫
3. 區區 2016-06-04 09:48:08
經濟下滑,人人失業,港人放假,enjoy your life
4. SHUN 2016-06-04 09:50:31
呢道唔係好多托市怪、大好友話個市好好咩?減什麼?跌多幾成、等D負資產上升至過萬宗先啦………………銀行下個月又炒人Lu、老美加息已經唔再重要。
6. 引刀一快 2016-06-04 09:52:15
大家都睇住深圳嘅暴漲,點敢輕舉妄動,一郁BSD就會CCL180,都已經係非常審慎保守嘅睇法,大起大落就係深圳特色,2008南山區樓價可以跌一半。
7. 同意 2016-06-04 10:10:01
繼然加辣,加供應係為壓抑樓價,令其向下,現在未成功,當然係加辣,那有減辣之理?
8. 蕭峰 2016-06-04 10:22:26
政府目前騎虎難下,只怪當初睇錯市。


9. 香港土著 2016-06-04 11:10:33
如果減辣係希望增加需求以應對供過於求,發展商減價都有相約效果啦,。唔減辣又可以確保入市者都係自住需求,冇炒家、冇非港人,冇問題呀。(放鬆逆周期措施另計) 

我自己都有投資需求,冇得買港樓投資,咪揾其它野買囉。居住需求行先,幾好呀。
10. 十郎 2016-06-04 11:29:02


      星期六,等時間開枱,上來聊一聊。

      唔需要成日講辣唔辣嘅,我們做投資或投機,重要是早着先機,一早做好防風,就任憑風浪起,穩坐釣魚船。少時我老細話我,“未入山,先算定出山”。此諸葛也。

     我一生最怕的,唔係老虎,係“妻啼子哭”,孩時三兄弟讀書,每人二十蚊學費,當年平均工資,一百蚊唔夠,年代唔講喇,我讀私校,眼見書友冇學費交,打手板,後來仲唔見埋。我育三個孩子,一開學,校服,鞋襪,書包,校車,文具,書簿,旅行,膳食,交流生。猶幸俱往矣!回頭望都一身汗。

      講緊辣定唔辣,無非為搵多D啫,其實付出的勞力,非小的。唔夠駛嘅,三份工都嫌唔夠多,否則駛乜買幾層樓收租咁頭痛呢?現在大喊‘減辣’,上咗岸的除外。有冇諗下佛門,“色即是空,空即是色”,參透色空嘅,就安樂好多。

      我唔係醫生,我觀察左右,感覺癌症呢類病,同情緒性有關係的,有鬱結情緒的人,易招此病,大家保重啊!


11. 向饭民说不 2016-06-04 11:50:17
經濟可行,政治不可行。減辣唯一可能性就是經濟崩潰,民意需要托市。

還有我成日話香港人真系廢材,無道德,民建聯的treegun又證明了,香港人真系養唔熟。所以CY肯定可以在做5年。

中央政府點會相信班食碗面,反碗底,手指咬出,唔咬入的香港人。
12. 十郎 2016-06-04 12:24:26


      To 11樓

      如果經濟崩潰,就減辣都冇用,祇會增加走難的人,祇有置之死地而後生。火鳳凰,劫後餘生。


13. 蕭峰 2016-06-04 13:01:28
之所以最近減辣呼聲漸高,係因為眼見經濟轉差,政府為打壓樓價按兵不動,到負面因素出晒來,再減已經太遲。大家又唔好以為樓價跌殘自己可以上車,sars時試問幾個夠膽上車?因為低處未算低,今天低明天仲低!都唔知自己份工可以保到幾時。

希望政府做野唔好成日慢2拍,到驚醒時,俱往矣。


14. Larry 2016-06-04 14:13:40
請問樓市穩定有何參考指標嗎?
15. 向飯民說不 2016-06-04 14:49:30

11樓,廢青當道,政治上點減辣。


這裡有錢人又要包容廢青,又要減辣,世上邊有甘好的事。
16. 引刀一快 2016-06-04 14:53:34
To 10樓 十郎兄

重要是早着先機,一早做好防風,就任憑風浪起,穩坐釣魚船

知易行難也。

平均工資未夠100蚊嘅孩提時代,睇怕該改口叫聲十郎爺,色即是空,空即是色,我慧根不足只勉強理解一半,心想:領悟都係時間累積出嚟嘅。


17. 引刀一快 2016-06-04 14:55:19
向飯

你叫我做廢柴就多,乜原來全香港都係廢柴?

TreeGun事件你睇得極端咗。
18. 向飯民說不 2016-06-04 15:17:58
雖然好多人不願意接受,但是只有獨裁政權先有機會作出經濟上正確決定。
19. 狗頭貓 2016-06-04 16:00:44
直覺感到時移世易,當政府賣地收益減,開發成本高,迫於大眾壓力,不單止不會減辣,還會以獨裁者正義向業主和收租佬埋手,香港自取滅亡此其時也。
20. 浪子心聲 2016-06-04 16:02:00
什麼是樓市減辣的好條?

這是一個非常值得討論的題目,湯博士認為是樓市穩定時,我有點不同的睇法,我認為是在「香港政府擁有足夠土地儲備時」,才是減辣的好時機。

雖然我在其他的回應中談到,現今香港己進入「穩定土地供應年代」,其主因是我認為香港從政人士及港府內部己有共識和決心以提供穩定土地供應去解決香港住房問題,但現時土地開發還未完全到位,由其是土地儲備不足,底牌不夠大,要以辣招減少需求是必須的。 當土地開發到位,而港府擁有足夠土地儲備,就不怕突然其來的需求,因為可以多賣地,辣招就可以減,但可能只是減SSD,DSD和BSD還看整體形勢再作考慮。

我的結論是減辣不會在短期內發生,因為等待港府擁有足夠土地儲備需時多年,大家對減辣都係死咗條心好啲!!
21. 請教 2016-06-04 17:44:56
"雖然好多人不願意接受,但是只有獨裁政權先有機會作出經濟上正確決定"
若所言屬實,為何最富裕的國家永遠都不是極權國家呢?反而極權國家餓死人無數呢?
22. 認錯問題 2016-06-04 18:59:25
除非有一日 泛民本土派 肯認錯.
話3D辣招係錯, 地產霸權 係子虛烏有.
停止係BBC CNN 亂扣政府帽子.

否則......

辣招係永遠唔會取消
23. 獨裁富國 2016-06-04 19:02:28
亞洲最富裕2個國家
卡塔爾 新加坡 都係獨裁國家
24. 向饭民说不 2016-06-04 21:23:24
樓上,民主會令經濟慢慢消耗,西方國家開始證明了,還有西方國家開始變成伊斯蘭國家,敗亡無可避免。

獨裁國家不保證繁榮,但是如果有真正强人出現,經濟發展是會非常强勁。
25. 向饭民说不 2016-06-04 21:36:56
引刀,我就不知道極端不極端啦,但是看到treegun,dreanbear 還有二世祖 tt,又無用,又唔輸得。

在中央眼中,可以放心比變個做特首,難道真系比鬍鬚曾。

在世界政治上,美國一步一步的圍堵中國,幾年前美國佬開始了他的重反中國,先是將日本比較親中的首相換上安培,繼續幫民進黨取代國民黨,看民進黨一上臺,就可以感覺到,點解國民黨被民進黨攻擊的時候,完全無力反擊,估計很多國民黨的高層有很多痛腳被CIA掌握。

在此情況之下,大陸會不會眼白白比美國佬顛覆。不要無知啦,香港人。
26. CY Laugh 2016-06-04 23:20:47
博士, 我知你班有錢佬唔喜歡联。
但此时此刻, 中央是不会批准减辣的!
你同你老友陳得女唔好係度夫唱婦随!
28. 真真薯片 2016-06-05 10:19:08
向飯兄,

既然民主咁屎, 獨裁咁勁, 點建閣下又講到民主美國可以對獨裁中國做成咁大威脅? 中國咁勁, 美國照計應該不值一提

話時話, 睇美元走勢, 王弼可以book定枱請博士食飯了
29. 你有你的你想‧‧‧ 2016-06-05 11:56:33
http://orientaldaily.on.cc/cnt/finance/20160605/00202_001.html

二手業主咬貴150萬

美國就業數據差,加息恐推至年底,二手樓業主更狼過息魔,各區均有收窄議價空間、甚至加價個案。當中,荔枝角美孚新邨有業主勁加150萬元,以1,300萬元放售三房大戶,高市價逾13%放售。細單位加幅亦「好狼」,將軍澳居屋廣明苑有兩房銀主盤,加價近兩成放售。

息魔有排不會重臨香港,二手業主即時企硬叫價,甚至反價。美聯吳志輝指出,美國仍未再加息,美孚新邨業主認定樓價短期內下跌的機會甚微,心態淡定,就算不反價,議價空間亦進一步收窄。

美孚放盤高市價13%

美孚新邨3期就有一個中低層B室三房大戶,實用面積1,066方呎,今年三月份開價1,150萬元,便已經反價150萬元,至1,300萬元放盤,比起同類單位目前成交價約1,100萬至1,150萬元,貴市價逾13%。吳氏續指,美孚新邨成交價漸趨穩定,五月份成交呎價按月升約3%。

利嘉閣劉浩勤則指,將軍澳廣明苑廣昌閣低層6室兩房銀主盤,實用面積432方呎,原叫價210萬元,亦加價40萬元,至250萬元,反價達19%。他續指,天晉II期亦有反價個案,當中1B座低層D室,實用面積551方呎,由720萬元加價至760萬元,反價逾5%。

另世紀21日昇地產黃文龍指,北角區業主有見美國短期勢難加息及樓價回穩,近一成業主議價空間由5至8%,降至近日的2至3%。

城市花園健威齊反價

城市花園及健威花園均有業主加價,當中城市花園7座低層D室,原叫價低市價3%,以1,260萬元放盤,現反價90萬元,至1,350萬元放售,加幅約7%。

美聯李紹聰指,小西灣藍灣半島早月已消化不少放盤,現時盤源「嚴重萎縮」,有業主乘機反價放盤。其中1座高層B室,實用面積610方呎,上星期仍開價830萬元,現反價30萬元,至860萬元放售。

美聯表示,沙田第一城4座低層B室三房戶,實用面積819方呎,昨放盤即以850萬元易手,比兩個月前同類成交單位高約6%。

盤源勁縮20% 價企硬

美聯住宅部行政總裁布少明指出,二手業主反價雖未算普遍,但「肯定會企硬」,加上整體盤源比二月、三月少約兩成,刺激中、小型住宅樓價反彈,升3至10%,惟料二手成交量會進一步放緩。

30. 無奈 2016-06-05 12:58:38
28樓薯片兄:
博士話常輸給弼兄,今次應該贏。
博士以政治角度分析,所以勝算高。
弼兄以經濟角度看美國,而美國經濟一直都不太樂觀,有造數據之疑,上次加息乃在一個非常季節性的環境下免強一試。龜速的加息步伐對港樓影響極之有限。

如果是業主,即使經濟環境轉差,長期低息預期也是一件好事。
31. 向饭民说不 2016-06-05 13:58:06
28樓,其實系人都知道真正統治美國的是背後金權政治,所以先會出現,父親做完仔來做,或者哥哥做完弟弟,或者老公做完老婆做。

中國政府其實非常之事是求是,不像當年日本仔甘on9,被美國圍堵之後,要發動偷襲珍珠港。牌面可以見到美國步步進逼,而中國步步爲營。南海問題,可以見到的是美國佬是進攻一面,而中國是屬於守。我越來越相信,日本換上反中國的首相,臺灣換上反中國的總統,占中的發生,CIA在背後一定有角色。

中國政府搞的一帶一路,真正目的就是破美國佬的圍堵,當年日本仔鋌而走險去炸珍珠港,而中國實行一帶一路,其實是不是更加高招呢?

中國政府現在做的事情,其實就是不要讓中國人包括香港人不要做美國人的奴隸。不過可能香港人已經做慣了白鬼的走狗,所以不領情。
32. 真真薯片 2016-06-05 14:40:56
無奈兄, 

其實美國一日冇真通漲, 一日都冇真加息
33. 真真薯片 2016-06-05 16:56:53
向飯兄,

美國d盟友大部份都係民主國家, 講信用, 中國一帶一路d目標國家大部份都係流氓, 一時一樣, 今日比係起高鐵隔幾個月就將你叫停

獨裁政府話做就做既發展模式係自己國家之內的確係好有效率, 但係一涉及其他國家, 有多過一個獨裁者/話事人, 似乎就失去作用, 你吹雞修橋鋪路, 人地當你臭四, 地盤係人地度, 你又吹佢唔漲
34. 向飯民說不 2016-06-05 17:19:44
樓上,又講呢d。講真,中國搞一帶一路,很多時問題其實就是美國人背後玩嘢,很簽了合同,跟住美國佬背後玩野,令那些國家改朝換代,無論台灣,日本都有這個影子。

投資當然有風險,難道有困難就不去接受挑戰。

所以我話香港人系廢材,個個不敢面對風險。
35. 向飯民說不 2016-06-05 17:43:04
講到破美國佬圍堵,當年日本仔其實非常不自量力,無論經濟,科技都非常差,竟然夠膽去打美國。
講真,當你日本坦克真系好不過鐵皮屋,蘇聯的t34一打下來,關東軍馬上崩潰。
36. 真真薯片 2016-06-05 18:20:55
大家有冇發覺, 自然地代見金管局前後, 地代一面例唱淡

近幾日好似唔見左地產網首席天文學家LYC兄?
37. 民主有信用?? 2016-06-05 22:03:39
又搬龍門??

民主國家講信用.....點解仲會有歐債危機??
38. 向饭民说不 2016-06-05 22:23:07

樓上,不要自欺欺人啦,什麽民主,臺灣總統,沒有美國CIA的祝福,是不可能登上總統寶座,越來越相信臺灣民進黨根本是美國的傀儡。

美參議員要求蔡政府維持承諾  國防預算佔GDP3%

當年的陳水扁的一顆子彈,美國佬甚至講一句什麽子彈可以轉大彎,就一錘定音。
39. 向饭民说不 2016-06-05 23:14:36
39樓,所以話香港人廢咯,被白鬼洗腦,甘愿做美國佬的走狗,什麽民主講信用,如果真正講信用,就唔使用賴昌星那樣利用他人的犯罪記錄去控制人啦,估計臺灣總統,日本安培,德國人等等,CIA都控制了很多秘密。

什麽信用,其實都是利益,還有美國佬的信條就是朋友出賣的。無恥就是無敵。

中國人講義氣所以好多時外交方面經常處於下方。因爲所謂民主的美國是最無恥。
40. 真真薯片 2016-06-05 23:42:40
或者民主國家講唔講信用唔係重點, 重點係美國同佢既盟友係長期合作, 有track record, 而中國出去搵盟友既對像, 大部份都長期冇同其他國家合作, 從往績睇, 美國聯盟係一個由冷戰到依家既組織, 中國就想另外砌一個聯盟出黎而目標國家歷來幾乎冇同任何國家合作過, 所以睇低一線到好正常

話時話菲律賓新總統好似想親中, 到底係美國CiA漏蕉定係叫佢扮下野先, 然後先好似印尼咁咁野斷你米路? 其實菲律賓人冇大志可言, 中國咁有錢, 只要出1000萬億美金, 黃巖島應該可以雙手奉上, 唔洗打官司
41. 向飯民說不 2016-06-06 00:51:27
40楼,你真系不知道乜叫威逼利诱。日本,台湾,还有西欧那些国家领导人有几多痛脚被美国佬拿住啊。点解德国突然话黄金放在美国比较安全啊。用下脑啦。

讲开印尼50年代初期是非常之亲中的,这违背了美国人的利益,当时第一任总统亲中,同时也好色,所以CIA在日本找了个美女比他,结果他疏以朝政,最后先会被苏哈托发动政变推翻,苏哈托上台之后,马上排华,同时变成反共总统,屠杀华人。

其实同台湾228事件一样,当时国民党为了避免被共产党颠覆,发动了228事件,杀害了很多台湾人,同时根绝了共产党,不过228事件竟然被亲美的民进党平反,真系几搞笑。CIA在228事件上肯定有角色。

by the way, 64事件相对228事件,印尼排华事件,根本就是小事。
42. 黑馬 2016-06-07 20:20:10

朋友,我都想減辣 à 反彈 à 加租。

不過,今時今日,地產商搶去大部分需求,所謂按揭成數已經名存實亡。

所謂穩定,不過係地產商可以穩定去貨。