地產博客 > 文亮言 返回
瀏覽人次:24732    回應:43
文亮言
穆迪太遲降香港評級
 
湯文亮博士
紀惠集團行政總裁
2016年3月16日

  有記者問CY同林鄭,對於穆迪降低香港評級有何意見,兩個人都沒有回答,對於CY不回答,大家都唔會有意見,費事佢講多錯多,至於林鄭,可能做官做到失去信心,都是選擇不回答,大家有少少意料之外,不過,如果有記者問我,我就會反客為主,話穆迪太遲降香港評級,最低限度一年之前就應該降,現在可以話是收成期,現在講不但太遲,而且講得咁肯定,話樓價會跌四五成,咁樣講就浪費了金管局陳德霖一番心機,推出了七次逆週期措施都是想保住香港樓價,如果唔係,樓價最低限度比最高峰時多三成,今次穆迪降香港評級,樓市就會即時轉勢,下跌四五成就真的有可能,穆迪點解唔調查清楚。

  做生意的人,在去年第一季就知道經濟環境轉弱,大家都持盈保泰,減少投資,希望可以捱過今次寒冬,穆迪又點會唔知,不過,如果當時穆迪降香港評級,大家就會聯想到與佔中有關,而事實上又的確有關,所以,為了政治任務,穆迪將香港評級下降的時間推遲一年,這個政治任務,害死了去年不顧一切上車的人。

  大家對穆迪降低香港評級過度演譯,香港評級在次高位置已經很多年,亦無法再上一級,最高級是美國,但幾年前亦被穆迪評為負面,不過,負面並不是真的降級,或者可以說是有機會降級,在過去很多年,穆迪評香港為穩定,因為上又不能,跌又冇份,今次評為負面,其實是警剔香港政府同香港人,雖然遲了一年,但遲到好過冇到,令香港人明白,幸福並不是必然,令那些睇數據的評論員明白,數據其實是滯後,評論是要前瞻性,令那些在去年質疑樓市唔會爆煲的人明白,原來,他們是不明白樓市。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 向飯民說不 2016-03-16 09:38:09
咩時間問題,根本都是政治原因,都是配合美國圍堵大陸的方式。
雷曼都3條a.扮客觀。
2. MT 2016-03-16 09:49:11
多謝博士,又上了寶貴一課
3. 同意一樓 2016-03-16 10:55:06
雷曼三條a呀博士,美國佬d野真係⋯
4. 十郎 2016-03-16 11:25:29
  

      量寬與零息

      對於樓價升定跌,各位心中有數,看好同看跌的人,都想說服對方,加入自己陣營,爭執由此而起。 但是你同我讀果本聖經,都唔同,點樣拗,所以我從不爭論樓價升定跌。

      日本經濟迷失20年,死因是匯率太高。舉個個人親歷的例子..........1994年,我有使用3呎乘6呎的PVC膠片,日本33元一張,台灣貨22元,我負責任人,用日本料。日元升值,日料漲到66元,我心諗:我做完一張料,都賺唔到33元。  從此改用台灣。

      日本經濟沉睡20年,雖然未有通縮,但是通漲似有若無,需知2至3%通漲,是正常和需要的,為了使經濟復蘇及活潑起來,就推出量寬同零息,目的刺激通漲。通漲大家容易理解,可能通縮就比較模糊。 說白的,就是蝕本生意,例如我今年入批貨100萬,通縮10%(跨大D),我就蝕咗十萬。

      做個比喻,我這個老人家,唔識做生意,唔夠錢做生意,或者無時間做生意。我將錢放去銀行,年尾收3%息口,我的純利是3%啊。 現在零息,我蝕咗本!!!!

      最近時常見到新聞,旅遊跌幾多個巴仙呀,零售跌8%呀(舉例),我們會覺得輕微啫,有冇諗下,這個8%就是老闆入袋嘅盈利呢。例子........有30%毛利的生意唔少,到頭純利都係10%左右,(如果想有暴利,早D瞓)。

      用算術計下.......營業額100萬,支出90萬,純利10萬。
      跌8%          .......營業額92萬,  支出90萬(人工,舖租,燈油火蠟,冇得減),純利2萬。


      



5. 歷史長河 2016-03-16 11:35:15
我信財爺,自己家底自己最清楚。不過我也理解穆迪的心情,哈哈。
6. dzodzo 2016-03-16 12:06:42
咩叫不能再上一級? S&P評香港AAA, 美國AA+

穆迪降展望「有利」博市評論樓市下行就值得信賴, 而S&P 冇負面表態就毫無參考價值?
7. 投資者 2016-03-16 15:27:27
To:長河兄

咁財爺叫大家唔好買樓果時,你有冇聽呢 ?

按現實經驗,好似信親佢嘅都失救喎。
8. 歷史長河 2016-03-16 15:47:50
投資兄,

買樓係自己的事,當然要信自己。香港經濟展望當然要聽財爺的,兩碼事。

記憶中財爺只是講量力而為,好似冇叫人唔好買樓;倒是記得家強局長讓人買股。

9. 十郎 2016-03-16 15:50:00


      魔笛.........格林童話

      有一個城市出現了一名自稱捕鼠男的神祕男子,他宣稱可以捕鼠,不過要收取一定的報酬。他吹着笛子,果然吸引了城中的老鼠,一隻不剩地跟着他來到河邊,跳入水中。之後市民不願支付酬勞,捕鼠男再度出現,吹着笛子,但這次吸引了全城的孩子,跟着他來到山中,不知所終。

      雷曼事件之後,美國已經有人撲出來指摘穆迪等評級機構失職,要求賠償,又想提出訴訟。後來好像不了了之。

      之前我有留言,唔好迷信大摩,我敢跨口,裏面一半嘅西裝友,比我們還不堪,(亞Lam口中嘅牛奶仔,牛奶妹),印象中他對某東西(股)出買入報告,過幾日竟然出負面。嚇得我!!!。我亦曾留言,我唔信美國出嘅數據,試過今個月出數據升2% , 第二個月出修正,變咗跌1.2% ,驚唔驚險?




10. 賓記 2016-03-16 17:37:34

美佬靠得住, 豬公也上樹!

我老細有個怪癖, 唔會同美國客做生意, 話佢地輸打嬴要, 不如唔做!

11. 引刀一快 2016-03-16 18:13:00
大摩又好,穆迪又好,信唔信已經唔係問題,捉摸到每次有咩人信佢、有幾多成人信佢,呢個先係正題。
12. 十郎 2016-03-16 18:31:20


      刀兄..........

      如果你跟佢數據做野,比佢知道,引用韓劇對白,“你死定了”。

      係呢........你有冇真係,引刀一快?




13. 40G 2016-03-16 18:32:25
引兄這次説得不錯
14. HM 2016-03-16 21:16:11

星岸將在本周末於深圳推介。至於新地於將軍澳海天晉昨日上載售樓說明書,有機會月底前開售。另外,嘉華於元朗朗屏8號落實在本周六發售338伙。

長實地產投資董事郭子威表示,維港.星岸於本月已售出近20伙,成交金額共約4億,內地客佔約一半。他稱,項目本周末將再到深圳舉辦超過15場推介會,希望可吸引內地客於復活節假期來港選購。該盤已累售128伙,套現32億元。

It is so interesting. Before, Mainland property developers come to HK to do marketing and look for HK buyers. Nowadays, Situation changed.  Now, HK property developers come to Shenzhen to look for buyers because there are tens of thousands of millionaires in Shenzhen around the street, especially those landlords in Shenzhen are potential buyers.  Any people in Shenzhen could be tens of millionaires... so sad for HK people!

15. 向饭民说不 2016-03-16 22:09:02
你老細果然系醒,看看匯豐,豐田,還有他的走狗,美國佬根本就是強盜。DNA根本就是強盜。他們有幾多電影將強盜形容成英雄,最拿命的連盜墓者也變成英雄。
16. 雲在青天水在瓶 2016-03-16 23:45:04
"魔笛" 一吹,中港信用評級由穏定轉為負面。這一結果本來沒有多大的爭議,但將其原因歸究於 "隨著中國內地的影響力增加,香港的體制長遠會失去部份獨立性",則理據明顯地有失偏頗,甚至牽強。

香港經濟從來都是與中國大陸息息相關的,並非始於今日。而香港經濟基本面跟隨大陸,貨幣政策跟隨美國,也是回歸前已經存在的現象。當大陸經濟增長放緩,香港也跟隨放緩是正常不過的。再加上香港必須跟隨美國加息,資產估值下降,信用評級下調也是情理之中。

但這與中國在政制上對香港的影響關係不大。中國現在的政體,是以經濟發展為中心而設計和調整的。在這一政體下,中國經濟高速發展了30多年,發展的效率有目共睹,高速公路從無到有,位居世界第一;高鐵也由一無所有到世界第一;43小時在北京閙市更換三元橋;一夜之間為土耳其架設100根高鐵電線桿⋯⋯。這樣的建設效率如果因為政制上的影響而引入香港,我們的西九文化區何需蹉跎近20年?我們的啟德發展區又何需荒廢10幾年?我們的土地供應又怎麼會捉襟見肘?

以我之見,香港經濟放緩及信用評級的下降,更多地是在民主化初期,受社會的紛爭和失序的影響更大。立法會的拉布對政府施政的阻碍,占中和旺角騷亂對經濟的損害,政客為一己私利而對整體社會的傷害等等,已令香港如小腳女人般,步履蹣跚。而此時,深圳、上海等這些被西方所指在 "專制" 制度下的內陸城市,正大步流星地趕上來。

政治和經濟是密不可分的,現時香港的政制及其發展方向,正在令香港社會逐漸地空乏其身。而大陸的政制及其發展方向,正在令國民走向富裕,國家羽翼豐滿。

中國是有5000年燦爛文化的國度,不論是哪一個皇朝,不論是哪一個政黨當政,都是中華民族生命的延續,現代中國的崛起是經過近代苦難之後的歷史必然。香港的網絡青年,如果看不清這一點,或者抱著自以為是的 "理想",想去中國化,沽空中國,將如同沙士時賣港樓一樣,只有下車,沒有上車。
17. 珍惜香港 2016-03-16 23:53:19
珍惜香港

博士話,穆迪太遲降香港評級,應該要一年前喎!我就話,呢單嘢,小事一樁。降唔降,幾時降,根本就冇分別。莫講話對樓市,一啲影響都冇,就算對股市,都傷唔到一條毛啦!點解?

話說,當一隻債券嘅評級被下調,債價就會下跌,而可槓嘅融資成數,亦會下跌。穆迪夠薑嘅,咪將所有香港企業債,包括長和果啲呢,一律下調囉!最好調哂做垃圾級別,叫啲基金佬沽哂佢,睇下有冇人睬你?

就咁降「香港」嘅評級,有 Q 用?家陣香港政府,有欠外債咩?哦!唔通喺 iBond

芳間啲評論員,真喺小題大做。我想問下大家,究竟穆迪大啲,定喺索羅斯大啲?你穆迪幾大,都只喺得把牙,人地索老伯,以前喺大鱷,依家就算喺細鱷,假假地,都叫有啲水;吹,都要有水架!索伯點吹,都吹唔走香港啲水,你穆迪,又有幾巴閉?想執死雞?算吧啦!

嗱嗱嗱!睇下美國,欠債已經超過十九萬億。舊年年底,話就話加息啫,實際上呢,根本就冇加過。唔好話我馬後炮,响真正嘅第十個人,最後揭盅嘅前一刻,我寫咗個小回應,唔知有幾多人睇過?不過既然話,揭盅之後,喺唔會再提,就唔會再提啦,哈哈哈!

所以呢,連香港評級,都可以降得嘅話,咁美國,就真喺要降到垃圾級啦!咦?美國降級,咪即喺要美債跌,債息升?呢啲先至喺「真加息」嘛!咁以後美國加息,仲使問耶倫嘅?搵穆迪咪得囉!唔好話我睇唔起穆迪,俾個天佢做膽,都唔敢亂嚟。想玩嘢?奧巴馬,真喺會出動無人機架!

其實,香港作為國際金融中心,萬水匯聚之地,對金融體系,監管嘅完善,甚至响美國之上。香港喺絕對有資格,成立一個獨立嘅國際評級機構,制定公認嘅評級標準,使乜睇穆迪面色?

博士响中段話,穆迪為咗政治任務,害死去年不顧一切上車嘅人。坦白講,「不顧一切上車」,莫講話去年,就算邊一年,都喺唔應該啦,關穆迪乜事?

仲有,我想奉勸,各位地產界人仕、樓市評論員,唔好以為,攞住啲咁少成交量嘅樓價數字,就可以叫金管局,放寬逆週期措施。人地唔放寬,就怪責其他人,唱得唔夠淡,或者怪責個 CCL。希望大家明白,金管局要睇嘅,唔喺呢啲冰山一角,唔好當陳德霖喺傻嘅!

關於呢方面,今日財爺曾,已經講得好清楚。
18. 向饭民说不 2016-03-17 00:07:51

譚惠珠:衣食住行靠內地 不知道學生認為有何條件獨立, 不過香港班廢青challenge 她,香港是用錢來買的,香港人可以買泰國米,日本和牛等等等等。

但是廢青又知吾知道,香港D錢系點來,大家都知道買來路貨,一定需要外匯。也就是說你就系有能力賺美金,賺日元,賺台幣,就是賺euro也可以。如果香港真系不賺人民幣,賺其他貨幣就可以養活大家,那麼香港還是有可能獨立,問題是今日香港人還有能力賺到美金,日元,台幣,euro嗎?

香港今日可以賺到的就是人民幣。也就是香港依靠賺了人民幣,先有外匯去買大陸日用品,巴西牛,泰國米。
19. 十郎 2016-03-17 01:24:56


      16樓......雲兄

      西九二十年,我有一些見解。 當年西九建設的時候,已經具備今日紛亂情況的鶵型,有人要有粵劇舞臺,有人要取銷代表曾X權的天幕,起一個這樣的文化中心,日日爭執咗十年,聽到都討厭。亞權禮邀有“橋王”之稱的許X仁復出,由他宣布“西九推倒重來”,即是說“你地爭啦,一拍兩散”。咁樣又十年。觀乎中國1982年改革開放,至今的成就,祇用咗30年。香港就算更不濟,都唔應該要用20年,還未曾完善這樣的工程。

      講開唔停得,亞仕仁另一傑作,就是拆解“政改炸彈”,當政改被泛民否決後,他即時淚灑當場,真係好戲!入去開香濱。


20. 十郎 2016-03-17 02:10:28


      十二金牌召岳飛?

      珍惜兄.....為什麼開始要出辣招呢?因為樓市初現失控啦,有病啦,之後再加雙辣,變成辣招三重彩。 由初辣至今,樓價起碼升咗一倍,任由留言版硬好話,佢都話跌咗一成,仲叫人入市買貨,唔好講回到初辣,二辣都未到啦,即係“未竟全功”,“未搗黃龍”。

      兄臺,要唔要召回岳飛?我睇都係早咗D,地代,等多一陣啦!


21. 士旦 2016-03-17 07:00:25
癈青明知搞不成仍要搞原因只有一個,就是比美國有借口介入或制裁你中國。簡單D講,正如向飯所說,廢青流著中國人血,行是方式就是中國人,做漢奸幫洋奴是中國人特色
22. 現行體制是病灶 不適應香港管治 2016-03-17 08:22:49

【明報專訊】北京「兩會」曲終人散。本來在香港情勢危疑詭譎之際,許多人期望藉此觀察北京對香港現况的取態和應對,但是綜觀這次會期,香港事態被「冷處理」;從領導人到各級官員不是善頌善禱,就是重申對港既定方針政策,並未觸及當前事項。雖然說「冷處理」也是一種態度,但是香港需要的是解決問題和推進發展,而政治體制使管治趨向失效,政治生態惡化,在沒有對策之下,香港難望走出困局。

香港事務已現質變

北京公開淡然處之

今年「兩會」就香港事務的政治風向標作用,較諸往年更受重視,主要是農曆年初一深夜在旺角發生了一場30多年以來最暴烈、最血腥的暴亂,有參與者在街頭高呼「香港建國」。另外,參與暴亂被檢控的梁天琦,雖然在新界東議席補選未當選,但是獲得約6.6萬票;以梁天琦不諱言鼓吹暴力、認同港獨,竟然是高票落選。暴亂和補選結果與多數人認知的香港事務本質,有顯著落差。「香港怎麼了?」是許多人提出的問題,因此有不少人期望透過「兩會」能審視香港未來路向。

「兩會」會期內,全國政協主席俞正聲、主管港澳事務的全國人大常委會委員長張德江、港澳辦主任王光亞、總理李克強等官員,先後觸及香港事態,但他們對旺角暴亂並無嚴辭批評,甚至連「旺角」兩個字也未提及。而所謂「本土」轉趨分離,以至有人公然提出的港獨訴求,從官員們的平和語調,也看不出他們對香港事態出現質變的反應。近年北京對香港事務介入漸深,對情勢惡化不可能沒有研判和看法,現在各級官員都三緘其口,只能解讀為仍在觀察,未有具體對策。

兩三年前的「兩會」,有關香港事務,由於當時涉及特首普選辦法爭議,各級官員大多強調「一國」、「中央有全面管治權」等,擺出強勢領導架式,令港人感受到歷來最強硬的對港政策。今年發生旺角暴亂,其性質的政治意涵與背景,北京卻淡然處之,這與港人歷來認知有較大落差。北京對香港事態發展,設若仍在觀察階段,或許應該檢視近年的強硬政策是否招致「壓迫力愈大,反抗力愈大」的惡性循環;即是說,過去一段時間,特別是環繞政制爭議的對港政策是否出了問題。北京應以實事求是取態體待對港政策,讓香港事務回歸正軌。

李克強在記者會回答提問時,表示「我們相信,特區政府有能力、香港民衆有智慧處理香港遇到的各種複雜問題和局面」,他對特區政府和港人的信心和信任,港人理應感到寬慰。可是,香港要處理的並非單純的經濟周期下滑,現在出現的複雜問題和局面都與政治體制未能與管治相適應有關,使香港陷入政治不明確。如果單靠香港之力,根本不能解決,必須要北京參與,甚至主導操持,才有望把已脫軌的香港帶回正途。

現行體制是病灶

不適應香港管治

香港政治現况,是年輕人(主要是學生)由強調本土,進而提出港獨;有年輕人提出「二次前途安排」,「2047年成為獨立國家」。另外,有政團擺明不滿足於「高度自治」,要求「自立」等。這些提法已經不僅是主張,而是成為年輕人、政團的政治路線,預期他們將透過選舉爭取權力,推動和爭取達至目標。以香港目前景况,他們可以蓄發和調動的能量,恐非「幾個激進的青年人進入立法會也屬正常」那麼簡單,而是相伴着暴力的港獨訴求,香港前景堪虞。

香港情勢發展到現在的危疑詭譎,與沒有相適應的政治體制有直接關係。香港有充分自由、獨立的司法制度、社會相對富裕、高教育水平和已趨成熟的公民社會,但是其政治體制只有形式上的選舉,民意卻未能在權力結構反映出來。現實上,政策、利益向既得利益集團傾斜,出現不公平和不公義;這樣的體制格局,難以妥善應對社會問題,因而形成特區政府的管治困局。現在體制內與體制外是兩個不同情境,一個政治體制不僅未能消解矛盾,本身還是矛盾之源,則這樣的體制根本就是病灶。

香港面對的複雜問題和困局,與政治體制有關,而政治體制是否改動、如何改動,香港沒有決定權。港獨與反港獨的鬥爭初見苗頭,這是香港事態趨向最壞發展,現在若調整政治體制,讓香港有一個與實際情况相適應的制度,不一定可以全面消解港獨的訴求和挑戰,但是若堅持現行政治體制,可預見的是港獨與反港獨的鬥爭將會愈趨尖銳和激烈,香港前景更陷於重重迷霧之中。北京讓香港有一個與實際情况相適應的政治制度,此其時矣!以免為時已晚。

23. 引刀一快 2016-03-17 08:25:27
向飯

大陸夠有鬼吹燈系列喇,你講嘢淨係單側,唔公道嘅,Tomb Raider盜墓者,大陸仲美其名叫“古墓儷影”𠻹!

美國强盜,大陸敗家,兩個都有問題。
24. 引刀一快 2016-03-17 09:29:09
既然超級高手雲兄今日都咁有雅興寫長文,我又發表下先。

"魔笛" 一吹,中港信用評級由穏定轉為負面。這一結果本來沒有多大的爭議,但將其原因歸究於 "隨著中國內地的影響力增加,香港的體制長遠會失去部份獨立性",則理據明顯地有失偏頗,甚至牽強。

呢點係必然嘅,亦係大陸做嘢一貫方針,雲兄否定,咪即係否定阿爺能力 

香港經濟從來都是與中國大陸息息相關的,並非始於今日。而香港經濟基本面跟隨大陸,貨幣政策跟隨美國,也是回歸前已經存在的現象。當大陸經濟增長放緩,香港也跟隨放緩是正常不過的。再加上香港必須跟隨美國加息,資產估值下降,信用評級下調也是情理之中。

當然係息息相關,就算唔講政治,單講地緣已經好大影響喇,但係講到兩地經濟出現正相關,應該係80年代後期先開始。

但這與中國在政制上對香港的影響關係不大。中國現在的政體,是以經濟發展為中心而設計和調整的。在這一政體下,中國經濟高速發展了30多年,發展的效率有目共睹,高速公路從無到有,位居世界第一;高鐵也由一無所有到世界第一;43小時在北京閙市更換三元橋;一夜之間為土耳其架設100根高鐵電線桿⋯⋯。這樣的建設效率如果因為政制上的影響而引入香港,我們的西九文化區何需蹉跎近20年?我們的啟德發展區又何需荒廢10幾年?我們的土地供應又怎麼會捉襟見肘?

1,以上所有大陸“成就”,都有兩個共通點,人多好辦事、大石責死蟹。
2,點解負面影響唔提?例如,低水平兼過度興建高速公路,造成生境嚴重碎片化,大量大型動物絕種或瀕臨絕種。三峽大壩仲係一夜敲定,當年鄧老反而肯花時間接受討論!長江有幾多動物絕種你知唔知?咪同我講係咪食都食到厭嘅中華鱘呀。
3,西九啟德呢D問題,係起自回歸初期,當時最强調嘅就係香港政治獨立性,董生曾生又兩面不是人。
4,最重要一點,點解從大陸引入嘅,一定係建設效率呢?再者,大陸一個基建搞十幾年都唔掂嘅例子亦唔少,你冇見過?
5,另一個重點,有效率亦必須有質量,今日社會,質量比效率更吃重,尤其是地方矜貴。大陸嘅規劃建設質量.....


以我之見,香港經濟放緩及信用評級的下降,更多地是在民主化初期,受社會的紛爭和失序的影響更大。立法會的拉布對政府施政的阻碍,占中和旺角騷亂對經濟的損害,政客為一己私利而對整體社會的傷害等等,已令香港如小腳女人般,步履蹣跚。而此時,深圳、上海等這些被西方所指在 "專制" 制度下的內陸城市,正大步流星地趕上來。

一隻手掌打唔嚮,如果香港唔係有呢種政治特殊性,上海深圳早就過香港頭喇,大陸人亦早就玩厭香港,唔係過嚟睇香港點樣好,係睇香港都有今日喇。

政治和經濟是密不可分的,現時香港的政制及其發展方向,正在令香港社會逐漸地空乏其身。而大陸的政制及其發展方向,正在令國民走向富裕,國家羽翼豐滿。

CCTV

中國是有5000年燦爛文化的國度,不論是哪一個皇朝,不論是哪一個政黨當政,都是中華民族生命的延續,現代中國的崛起是經過近代苦難之後的歷史必然。香港的網絡青年,如果看不清這一點,或者抱著自以為是的 "理想",想去中國化,沽空中國,將如同沙士時賣港樓一樣,只有下車,沒有上車。

無論大陸還是香港,千祁唔好敗家,真係千祁唔好。

25. 士旦 2016-03-17 09:31:26
明報專信結論就是支持港獨同支持犯民共產理念
26. 士旦 2016-03-17 09:41:08
這兩種勢力最終令香港變成敍利亞
27. 向饭民说不 2016-03-17 10:40:10
23樓,你究竟明不明白我的意思呢?大陸系有盜墓者,但是大陸的盜墓者,永遠被社會譴責,是犯法的。不同美國這些強盜DNA,將打劫變成英雄。

樓上,香港有人民解放軍,加上香港廢青無經過軍訓,好難真系發動戰爭。不過香港經濟真系會進入18層地獄輪迴。

在歐美台灣這些國家,年輕人不滿,可以透過選票更改領袖,雖然更改了之後,仍然是在18層地獄輪迴,不過心裡上比較好過。在香港年輕人一定會埋怨政府,希望更改政府來達到,但是其實他們正在自掘墳墓,破壞自己的競爭力,破壞自己投胎的機會。
28. 引刀一快 2016-03-17 11:53:06
向飯

你呢樣嘢係偏執,電影盜墓者係改篇自游戲Tomb Raider,Tomb Raider呢個game你玩過未?我就打爆咗1-5,同埋一個番外篇,如果連 TV game裏面嘅意念你都引申到國家民族品格,咁愛斯基摩人一定係最好,估計過多50年佢地都未開發電子遊戲,包冇邪惡念頭喇。

有冇睇過《水滸傳》?108個member,得十零個係好人,咁都成爲我國四大名著之一,點解你唔質疑下佢?
29. 士旦 2016-03-17 12:27:50
美國打中東,說成自己正義,大量平民傷亡;對中國就叫中央善待西藏新疆,喂中央其實對自己地方沒做過什麼啊
31. 長期糧尾 2016-03-17 22:38:38
引刀一快兄

博學多才,能言善辯。 佩服!
32. 向飯民說不 2016-03-17 23:48:12
28樓,所以水滸一直都是禁書啦。而且我覺得作者好變態,甚至是同性戀,英雄好喜歡殺美女。
盜墓者就是盜墓者,根本就是強盜。不要將問題歸納到甚麼遊戲機,成個大英博物館根本就是盜墓者的示範單位。
33. 向飯民說不 2016-03-17 23:54:47
29樓,有段時間我被基督教洗腦,接受了他們的所謂包容。
但是我現在覺醒了,所謂的包容就是你要包容他們,它们是永遠不會包容你。美國人受這些洗腦的,當然就是雙重標準。
長毛是共產黨,中共也是共產黨,因為長毛接受基督徒,甚至他也是基督徒,而中共不接受基督徒,所以基督徒不斷的挑戰不接受基督的中共和北韓。
34. 珍惜香港 2016-03-18 00:49:54
珍惜香港TO:20/F 十郎

由初辣到依家,最低工資、建築成本,呢啲嘢唔在講,成個「社會成本」,都已經升哂。今時今日,講話要個樓價,返到初辣果陣,先叫做竟全功,根本就不切實際。

社會、經濟嘅規模,喺與時並進,究竟乜嘢,先叫做「合理」樓價?好多年前,樓價曾經喺幾十萬,甚至幾萬一個單位,咁唔通要去番呢啲「曾經」價位,先叫做合理?有啲人呢,又好鍾意拋出乜嘢,唔飲唔食幾多年,啲咁嘅呃人理論出嚟,就話樓價唔合理。其實呢條數,任何年代攞出嚟計,個樓價都喺咁唔合理啦!

亦有人話,香港經濟唔好,就嚟出現通縮,所以樓價要大跌。我諗,通縮,都可以算喺一個,樓價跌嘅理由;但喺,香港家陣通縮咗咩?未噃,不過「就嚟」嘛!哦,咁就唔好講呢啲住啦,不如問下,最低工資,取消得未?

閣下話,要出辣招,喺因為樓市初現失控、有病。我諗有樣嘢,要搞清楚,樓市有冇失控、有冇病,唔喺單睇個樓價,而喺要睇,推動樓市嘅機制,運作得健唔健康,借貸水平,有冇過高。响香港,從來都喺,大部份人買唔到樓,只得少部份人,先至買到樓,呢個根本就喺,本地嘅市場現實。所以,好多人買唔到樓,唔喺問題,只要,買到樓果部份人,都喺量力而為,冇出現夾硬上車嘅情況,咁就算樓價幾高,都唔可以叫做失控、有病啦!

正如,港股升至兩萬八,再跌到萬八點,依家又上番兩萬零幾百,唔通港府,又要出招搞搞佢?香港對金融市場嘅監管,喺非常嚴格,而嚴格嘅監管,喺針對市場嘅「運作」,而唔喺針對個「價」。價,喺由市場決定,响槓桿受嚴控之下,那怕你升到三萬,跌到萬五?至於樓市,因涉及民生、涉及實體經濟嘅融資,監管嘅著眼點,自然喺有所不同,但針對嘅,都喺一樣,响個「運作」度,而唔喺响個「價」度

香港,曾幾何時,一張臨約可以攞嚟炒,N 間銀行做九成按揭,呢啲先叫做失控、有病,因為呢種樓市嘅運作機制,喺非常唔健康,成交價,唔喺真價,而喺炒價,反映唔到物業嘅實用值。曾政年代,推出咗 SSD,成立正面信貸資料庫,根本就唔喺針對樓價,而喺修正樓市嘅運作機制,而樓價,仍然喺由市場供求決定。可惜,到咗庸政年代,施政流於政治化,為搏取掌聲,不惜脫離市場現實。所謂,消極施政,已經講得太多,唔再重複。

我從來認為,金管局,只喺做好監管嘅角色,同庸梁嘅加辣,基礎上,喺兩碼事。不過,庸梁辣招,當然會令到樓市,產生結構性嘅變化,間接影響金管局嘅決定。當樓市,失去咗流動性,咁樓價,亦自然失去指標,而金管局,就惟有趨向保守,調低槓桿比例,降低借貸風險。呢個就喺,我以前多次提及過嘅,金融扭曲

曾氏好多政策,唔喺俾庸梁濫用,就喺俾佢 band 咗。好一個焚化爐計劃,埋門一腳,俾庸梁一句話就攞嚟泡咗湯。曾氏將樓價,引導返去供求主導嘅正軌,庸梁就打斷換樓鍊,破壞市場流動性,令樓價失去指標。

所以你話,未竟全功、未搗黃龍,套用响庸梁度就啱。至於金管局,會唔會放寬,或者調節逆週期措施,喺唔會單睇樓價,呢樣嘢,財爺曾已經講得好清楚。我响 17/F,叫各位地產界人仕、樓市評論員,唔好以為,攞住啲咁少成交量嘅樓價數字,就可以叫金管局做嘢,喺因為,要放寬逆週期措施,一定要先打通換樓鍊,令市場回復流動性,咁金管局,先至有條件對樓市風險,作出較近乎現實嘅評估。

即喺話,個波,喺响庸梁度,而基於政治考慮,庸梁喺唔會隨便拆自己個生招牌嘅!

既然喺 MISSION IMPOSSIBLE,咁啲地產界人仕、以及樓市評論員,出盡九牛二虎之力,有咁衰講到咁衰,仲有乜嘢意義?攻擊弱勢屋苑,恐嚇銀行,令銀行調低估價,令銀行向本來差少少,就過到關嘅生意人開刀,就喺為咗,要令金管局做嘢?良心,過意得去咩?十郎兄,好多嘢,喺一環扣一環,唔喺你想像中咁簡單。

講到地代,都喺果句,政府要做嘅,喺監管市場嘅「運作」,而唔喺監管個「價」,更加唔應該為咗地代有冇生意而做嘢。任何行業,都一定要與時並進,適應環境,先可以生存。可惜,好多地代,唔喺托價,就喺鋤價,用嘅手段,層出不窮,我只能奉勸佢地,做好自己嘅角色。成就交易,喺要了解買賣雙方嘅差異,拉近差異,同提供客戶相關嘅服務,而唔喺淨喺識得,死鋤死托。

至於你話,啲留言版硬好,仲叫人入市買貨。我之前都話過,呢度冇人,會好過份咁,斗膽叫人冇能力,借財仔都要迫上車。呢度喺地產網,响地產網,鼓勵人買樓,喺冇問題,唔通鼓勵人買股?樓市買賣,門檻高,過程複雜,所以成功買咗樓果啲,一定喺自己嘅決定,關啲「硬好」乜事?所以呢,唔使咁上心嘅!
35. 十郎 2016-03-18 04:37:38


      珍惜兄 :

      拜讀鴻文兩遍,我想作一些解釋。

      贊成毋須“竟全功”,不用“搗黃龍”,我疏忽。 我諗為政者會識做。

      買咗樓,升值賺咗,不論投資或自住,我是恭喜的,冇眼紅症。不竟投資有危險的,有代價的,猶如賭場買大細,非贏即輸,賺咗值得恭喜。賽馬有獨贏,位置,連贏。位置賠率最平,樓宇這樣穩陣的投資,應該值“位置”,撇開深圳年升52%,就香港年升20%,在下認為有些過份,所以提出小心的提議。

      我贊成經濟不干預政策,但民生除外,即如黃金由2002年二千元一両,升到2010年二萬元一両,政府無能力亦無須干預。近一兩年,老友碰頭都話“D野貴咗好多”,一頓午餐都要50元。究其原因,最低工資是其一,樓價大升是其二。樓價升帶動租金升,樓價大升帶動租金大升。好多老店都要摺埋,可知一二。業主加租,餐廳加價,打工仔就加人工,這種“狗追狗尾”式的無了期下去,最終影響香港營商成本,削低競爭力,所以引來干預,必矣。

      香港政府干預樓市,不是新事物,1997年樓價狂插,佢有出來干預,出鈎地表,停建居屋是也。現今樓價狂飈,出干預,彼此啫。樓市關乎民生,港英時代都出過不短時間的租管,對業主的苦況,不足亦不想道。即如食米,剛需掛(我遁俗用“剛”字,其實“鋼”都可以發“剛”音),政府有管制,衣食住行,佢都管咗食同行,管埋住就唔出奇,況且樓價狂插,影響大經濟,巨矣,不得輕心。

      有關硬好一段,我並非指摘硬好,我是說好友一方面說跌輕微啫,快些入市,一方面就叫撤辣,我笑佢地自打嘴巴啫。

      最後,高興與閣下交流。不過有投訴:閣下的文章好長,讀得好辛苦。(講笑)。




36. 引刀一快 2016-03-18 07:51:59
To  31樓 長期糧尾兄

唔敢當唔敢當。
37. 引刀一快 2016-03-18 08:07:32
To 32樓 向飯

你係咪成日諗住潘金蓮呢?水滸幾時係禁書呀?邊個國家禁呀?你係咪講緊《金瓶梅》?


中國自古盜墓者更多,但凡有工程掘出古墓,幾乎都係一輪哄搶,屍首一片狼藉。人家Tomb Raider故事內容,我敢講你一無所知,文革式挑剔,唔係好事。
38. 向飯民說不 2016-03-18 11:51:44
引刀,水滸是不是禁書,如果不清楚,可以google下,不要+下+下。
還有你又概念搞錯了,盜墓者,在中國文化永遠是犯罪,受譴責,西方基督徒將盜墓者顛覆成英雄。
39. 珍惜香港 2016-03-18 12:38:57
珍惜香港TO:35/F 十郎

真喺唔好意思,長氣,喺我嘅陋習。

其實,直接針對個價,干預市場,而非以修正市場為目標嘅手段,通常都喺失敗收場。唔喺重創經濟,就喺適得其反,就好似租管咁。以三辣為例,BSD,根本就阻撓唔到內地資金投入香港樓市,只喺為本地公司持貨,添上阻力。DSD,打斷換樓鍊,令本來緊拙嘅供應,更緊拙。雖然無法證實,但我認為,冇庸梁辣招,樓價反而唔會升到依家咁高。

政府喺應該相信,市場嘅自我調節能力,控制供應,已經喺最有效嘅辦法。如果控制唔到,樓價上升,租金上升,只要唔喺因為市場機制出問題而引致,就應該由得市場自己發展。因為市場,喺會自己回復,市民、生意人,亦會自我調節,唔好睇少人類,尤其香港人,與生俱來嘅求生能力。所謂,一雞死,一雞鳴,市場運作,喺生生不息。而政府,極其量只可以推出,舒緩或鼓勵措施,為樓價、租金降溫提供誘因,而唔喺撐一方,打另一方。果種消極施政,會令階層之間決裂,引發嚴重社會問題,呢味嘢,我响庸梁上場果陣,已經預言咗。

至於金管局,已經盡哂佢嘅責任,控制金融市場、借貸市場嘅風險。而樓價,只喺間接受到影響,或者應該咁話,逆週期措施,唔喺控制樓價嘅高低,而喺壓抑樓價嘅波動

BY THE WAY,尋日,長和系又有記者會啦!都喺果句,首富講嘢,一定要睇 Original,睇足本。香港啲媒體,好多時都斷章取義,如果唔睇哂,真喺會俾人誤導。

長和系集團業績記者會


首富一開始,就提到穆迪(00:03),佢同我 17/F 嘅睇法,基本上喺一致。而佢特別強調,穆迪針對嘅,喺香港政府,咦?唔通喺俾我果句包括長和果啲呢嚇親?哈哈哈!

呢度好多朋友都認為,買賣物業,TIMING 好重要。不過,Victor(01:20) 就話,根本冇 PERFECT TIMING,而香港過往買樓長揸嘅,九成都喺 NO PROBLEM,多數人都喺 DOING QUITE WELL 喎!

講到百佳(05:04),原來首富呢位大地產商,都會頭痛租金嘅問題。唉!都喺香港好啲,百佳可以放番响自己商場度嘛!咁歐洲呢(06:03)?英國搞公投,一樣有政治風險,歐洲做生意,又有匯率風險(06:58)噃!

總之,環觀四周,都喺香港最好啦!
40. 向飯民說不 2016-03-18 13:33:26
首富其實講了一個重點,也是我經常說,香港正迅速失去競爭優勢,不能夠依賴財政儲備,坐食山崩。
但是香港人又選擇性失明。
41. 十郎 2016-03-18 14:54:24


      飯兄........唔好這樣勞氣!我對香港,已經打定“輸數”,從樂觀出發,最好呢舖係“火鳳凰”啦。內地每日來150人,2047年,香港已經“普通話”了。


42. 向飯民說不 2016-03-18 15:52:59
樓上,首富也說了現在香港的問題是年輕人出路問題,但是事實是要解決年輕人出路,唯一的辦法就是將700萬人市場融入12億人的市場裡,問題廢青又害怕。
至於150個新移民對飯民其實影響不大,香港的下一代都是在黃屍的教育之下,最終都系黃屍。飯民領袖有幾多系新移民。最搞笑的就是本土派也有很多是新移民
43. 引刀一快 2016-03-18 16:22:38
向飯

唔好夾硬嚟,水滸已經拍咗N個電視電影版,各版本嘅水滸週街有得賣,禁?如果你係話清朝禁過都叫禁書,唔該你剃個清裝先好出街,小心冇辮俾人殺頭呀。

“盜墓者”一個遊戲名稱都上綱上綫,你真係嚴重偏執。
44. 士旦 2016-03-18 16:34:18
美國佬係係戶口閲乒叫維持航道自由,中國自己家裹閲乒做比人恥笑辱罵