主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 10198    回應 : 34
陸振球文章
資產富貴 現金閉翳
 
陸振球
2016年6月13日

上星期獲邀去聽基金經理黃國英的2000人投資講座,場面確實墟冚,而當晚的講座主題為「財力覺醒」,說的是不少香港人除了懂得買樓,沒有其他的投資能力,如果樓巿不升甚至大冧,便不知如何是好,所以最好是學習除了物業以外,可如何投資。

黃國英在講座說了一個他自己的故事,甚有啟發。黃國英現住廣播道,其實他在薄扶林也有一間曾自住的單位,整幢四層高,只有8個單位,去年有發展商出價2.5億元收購,折合每伙可分約3125萬元,遠高於當時銀行估價約1950萬元,如此好機會,正常思考自然是立即應承。

殊不知到了開業主會之時,其中一伙說賣了單位,會不知如何是好,因在同區買新樓,隨時會細300呎,又沒有露台,於是提出一是要求發展商再加價,一是其他業主每伙少收幾百萬,然後補償給他。

另一戶的業主則說他的女兒快嫁人,要求發展商可讓他住多兩年,待女兒嫁人遷出後才交樓,但人家能給如此高價,正是因為想你早遷走,自然談不攏。

結果呢?樓價轉跌,收購也告吹,黃國英說除了白白錯過機會,更得到啟發,原來不少香港人只是在20年前剛在樓市低位,收入尚高而買了樓,算是「掹車邊」的做了「有錢人」,卻其實沒有投資能力,沒樓便沒安全感,有大筆現金也不知如何運用,變成了「資產富貴 現金閉翳」,如樓巿逆轉,便不知如何應對。

更為難的是,他們的子女看到屋企住在千呎豪宅,卻是原來父母手頭並不鬆動,要錢時,更可能游說父母去「輕鬆」加按物業,15分鐘可批,24小時錢到手,說是成功需「父按」!結果呢,父母又要供多廿年,卻早已要退休,自然閉翳!

不想資產富貴,現金閉翳,便要多學習投資知識和技巧,《明報》財經將在6月21日晚上於九龍站國際貿易廣場舉辦「股‧金‧匯‧樓大作戰」投資講座,邀得對冲基金經理陳德豪、天王國際金融行政總裁盧楚仁,以及《明報》投資及地產版資深主編陸振球,為大家分析最新投資形勢和部署,參加者更可獲贈盧楚仁的《投資36計》乙本。詳情及報名可登入link.mingpao.com/44491.htm

 
我要回應
我的稱呼
回應 / 意見
驗証文字
 
1. 西門吹雪 2016-06-13 16:56:33
"資產富貴 現金閉翳" 都唔係最緊要。最緊要係咩都唔識,卻以為自己好巴閉,以為自己係投資之神,其他所有既投資都係垃圾...  XDDDD
2. 引刀一快 2016-06-14 04:26:03
西門兄

最巴閉果位,依傢喺火星渡假。
3. 元朗人 2016-06-14 06:25:45
小弟認為今天如要比較各種投資,應該把所有物業投資剔除。政府為了幫人買樓,卻把所有類型物業都一併加辣招並抑制需求,正常人都知價格终要向下,那還須要拿它作比較


4. 香港土著 2016-06-14 09:13:57
二十年前買樓, 『「掹車邊」的做了「有錢人」』, 自住樓佔八成資產, 我相信哩個係上一代大多數人寫照. 

今日「掹車邊」買樓的人, 二十年後係咪可以『做了「有錢人」』呢?
5. 西門吹雪 2016-06-14 09:59:13
刀兄好似幾掛住佢咁喎~~ XDDD

其實我十分認同買樓投資,長線來講(重複必須係長線)係保本加上追上通脹的,對大部份人而言其實已經十分好了,這個我一直沒有反對過。但是有些人,竟然覺得這是唯一的出路,竟然覺得這是世上最賺錢既投資,并排斥所有其他東西... 其實,這只是無知而已... 
6. 元朗 / 引刀 兄 2016-06-14 10:45:32
細價樓真是價格向下嗎?今早食咗藥後,睇下地產資訊網頭版「平盤搶清樓價乾升」就會清楚!

真係佩服最巴閉個位,在過年後講實話,不離地反映當時平盤被消化、吸納的情況,力排眾議、如實反映,租盤、買賣等戰況!點都好過啲人坐在電腦前寫下夢想。事後証明,「在火星渡緊假」的仁兄,實事求是的專業態度值得各位網友專尊重!
7. 西門吹雪 2016-06-14 11:20:26
回6樓~~那位人兄不是過年後開始講的,舊年9月已經開始講不停講。事實係,佢只係不停重複相同既東西,只是3月咁岩撞中。相反我倒之前一直唱淡,3月頭說平盤開始被消化掉。白紙黑字,可以CHECK HISTORY。至於未來會點,3月時仍看不透,可謂55波。但現在已經十分明顯,本人亦不想多說....
8. 回 7 樓 2016-06-14 11:47:36
我沒有閑話你,題目已指示出一些人,冇 ﹝實際材﹞ 料扮四條!其實我都很喜歡睇公公同最巴閉個位,在此發生衝突火花,事後講者就知真與假,龍與鳳!
9. K 2016-06-14 11:56:32
偶像移民了,我最寂寞,hahaha.....🙈🙈🙈
10. LYC 2016-06-14 12:43:09
西門最喜歡歪曲事實,吹樓價跌了3成,扮股神,吹晒水,無料扮四條.
現在無晒盤,租金爆上,利息持續低迷,人人加人工,講中晒.
邊個有料邊個無料,大家有目共睹!
我年頭同博士都見議有實力唔怕買,可惜你幫人拱緊樓,唔抵得其他人有能力買樓,就不停唱跌,現在還好意思吹自己有幾勁,真係笑死人.
現在打好個底,爆上火星只不過是時間問題.
收租印印腳,收多幾年租,租客幫手還晒啲loan才爆上仲好!
11. 實踐是檢驗真理的唯一標準 2016-06-14 12:49:58
火星兄,難得你在渡假都咁關心市況,低你發嘅!Cheers!
12. 望東樓 2016-06-14 13:48:36
呢兩幅圖講左好多嘢、可以演繹好多嘢,特別係第二幅。
13. 望東樓 2016-06-14 13:49:03
14. LYC 2016-06-14 14:14:28
東兄:BSD稅收大幅爆升,反映全球精英來港掃貨,只計本地最高收入人士已經不合時宜了!
要計晒全球最有錢的一群!
要努力工作,搏命交租,否則遲啲租金持續爆升,只能越租越細,越遠了!
15. 西門吹雪 2016-06-14 14:15:38
東樓兄~~香港既大學越來越多~~TOP10%人工下跌亦很正常,因為TOP10%的人會因為大學生多左而多左~~唔知仲有無其他解釋? 小弟想請教~~
16. 西門吹雪 2016-06-14 14:24:40
如果我無記錯~~我係話當時有D細價樓跌足3成,中價跌十幾個巴仙,超級豪宅不跌反升。而主旨係讚博士估得準。甚麼3成,十來個巴仙都是隨口講的... 但之後因為被人攻擊,先引出一些跌3成既"個別例子"。從沒有說"樓市跌3成",請別老屈。

至於係咪扮有料,如果有可信既公證人,我可以提供今年既月結單~~到目前為止5個幾月,本人今年度既帳面投資收益係投入金額既75%~~當中做過十幾廿個TRADE,有做淡倉,有做好倉,幾乎全部賺錢(好像有一個半個TRADE輸過錢,但數目相對較少)。

我已經好耐無出來講過野~~一出來就比人質~~既然這裡小人當道,好吧~相信亦容不下我在這裡發言吧...
17. 望東樓 2016-06-14 14:30:43
西門兄,我第一個反應都係咁。但係印象中85年到95年間大學學位好似無大量膨脹。起碼一定未係只要你唔係智障就。。。。
18. 西門吹雪 2016-06-14 14:37:04
"起碼一定未係只要你唔係智障就。。。。"

呢句不小心笑了~~~XDDDD
19. LYC 2016-06-14 14:56:47
既然真係股神,又何必要吹跌樓市呢,話反彈後再跌。繼續做股神,何需理會樓價呢!
現在冇晒盤,買樓收租回報越來越高,利息未來100-200年都冇得加,樓價現已開始一個漫長的100-200年升浪。
你的亂吹只是害了一些你的無知信徒!

20. 西門吹雪 2016-06-14 15:04:12
我幾時有講過"話反彈後再跌"????

我2個可能性都有講。即使我心裡想是反彈後再跌,口裡亦不敢說。免得被小人圍攻....

理會樓價係因為要學多幾樣野,要賺錢豈可以固步自封。我就算做得再好,我亦相信有人做得更好。不像你只懂一樣就把其他都認為係垃圾。
21. LYC 2016-06-14 15:13:33
你唔認就算吧,我都無謂晒時間去找你之前的留言。
睇跌就係高人,睇升就係小人。
哈哈,你真係可憐,繼續去搶租盤,幫人供樓吧!
22. 西門吹雪 2016-06-14 15:33:04
白紙黑字,你唔CHECK,其他人可以CHECK。上面文章搜尋,打"西門吹雪"即可!!!

睇升唔係小人~~係度無的放矢,老作屈人,還攻擊別人的才是
小人
23. 回西門吹雪兄 2016-06-14 16:25:56
你話"我已經好耐無出來講過野~~一出來就比人質~~既然這裡小人當道,好吧~相信亦容不下我在這裡發言吧...", 其實係否講自己呢?你响一樓一出現就攻擊別人嘛。

係否以為賺七成自己好巴閉?如果只係以一個細價樓未到的資金來玩真係勿好以為自己好巴閉。
24. 西門吹雪 2016-06-14 16:40:14
回23樓,我0係一樓并無指名道姓攻擊誰。我係覺得"咩都唔識,卻以為自己好巴閉,以為自己係投資之神,其他所有既投資都係垃圾... " 既人好無知,好攪笑。這亦是對陸先生文章既回應。如果你係要對号入坐,先說句對不起。這不是PERSONAL的,我只是取笑這種行為而已,難道這種行為不值得取笑???

BTW,我唔覺得計一種投資手段既成效,係要計算投入多少資金...咁你投入1000萬賺10萬叻D,定投入10萬賺10萬叻D? 即使用100蚊賺100蚊都要比1000萬賺10萬叻。連這麼簡單既道理都唔明,可見你亦不太懂計算之人,難怪上面要對号入坐了。
25. 回西門吹雪兄 2016-06-14 17:11:45
7樓你係否攻擊火星人先?
咁計法我估今日過大海的賭友中有好多人巴閉過你呢。
26. 西門吹雪 2016-06-14 17:56:59
回25。7樓是回6樓的。意思是指某人只是一直説同樣既話說,並不像6樓說得這麼神。這是說事實,點可以算攻擊?!不信可以check 某人舊年的言論,不用教怎search 了吧?説事實是攻擊嗎?哪那些老作屈人算什麼??!!

至於過大海的人,我不相信佢可以半年日日賺。買廿舗大小中19舖。如果是真的可以,而且可以一直做下去,哪就對,他是比我巴閉。而且如果佢肯教,我可以交學費學。
27. 回西門吹雪兄 2016-06-14 18:24:49
本人新手,不清楚你們之間過往之事。從本篇回應來講,觀感係你㗌人在先,又自認巴閉。難道你十幾年如一日地賺七成?咁你好快超過超人,需知道文章中俾你睇唔起的老人家真係贏足二十幾年,你又怎知佢只得一層僂?有三層已可有上億資產,你估佢會放一億去股市嗎?。朋友,人生好長,誰人有大智慧要俾點耐心來睇。
28. 西門吹雪 2016-06-14 22:34:15
回27樓。我從没有0室哪些投資樓市而致富的人。賺了一億的人不值得專敬嗎?你没看5樓的回應嗎?你沒看見我請教河兄如何做好槓桿買樓嗎?

我所取笑既吾係買樓致富既人,而且我自己亦都學習中,請别屈我。問題係把這些看成唯一的投資手段,把别人的智慧和能耐都看成是垃圾,不知天高地厚的人。這是品的問題,和你的財富多少有關嗎?你幾時見過打工兄說這些?我吾想信打工兄資產少得過你講既,对号入座既人…學下人家點樣有錢得來又有品啦。
29. 西門吹雪 2016-06-14 22:50:30
仲有,可能你目的只係入來攻擊我吧,沒看陸先生的文章吧?我的回應,除了給人攻擊自衛的那些,都係同偏文章有關吧?!反倒是你們走入來,指明道姓的攻擊我,這是正當的嗎?大家都沒有分别善悪的能力嗎?
30. 回西門吹雪兄 2016-06-14 23:12:54
朋友,請冷靜,我無意攻擊任何人,也不知誰是何兄打工兄,所以以資產論人品更是不知從何說起。不過最好勿好隨便話人小人當道、無品。你我素昧平生,我絕勿敢僅憑幾篇回應斷言你的人品如何。

不過從整篇回應來睇,果個被你哋攻擊為最巴閉的仁兄之修養倒是在你哋之上。
31. 西門吹雪 2016-06-14 23:50:42
噢,你看了整偏回應,難道你没看回應10了?給人指名道姓的説什麼吹水,無料之類。我更加無不停唱跌,三月起我連一句唱跌都沒有。原來咁様老屈,鬧人係品格高尚?!咁樣話人吾係小人,無品是甚麼?
32. 香港土著 2016-06-15 11:54:54
不知道為甚麼, 有幾個天文學會朋友是好很敏感的, 對號入座快但唔準, 人家講一, 他們就講到去二、三、四、五、六、七... 就是不會回到一號座.

對於上一代香港人來說, 買樓自住變投資, 盲拳打死老師傅, 過去三十年確是真實寫照. 未來十年再重複耍同一套盲拳, 結果會怎樣? 真的很有興趣知道......
33. 盲拳 2016-06-17 11:02:08
打聰明拳的竟然輸給打盲拳的.......!未來會怎樣?濤聲依舊,請再等十年.
34. 香港土著 2016-06-17 11:48:46
雕~~~ 咁有自信, 仲要吟曬詩咁有雅興...... 就唔使匿名啦.

近期比較奇怪, 樓市企穩返, 反而班天文學會會員就齊齊縮埋曬玩匿名.