九七泡沫破滅 重塑樓市生態

新聞資訊 > 地產新聞 返回
瀏覽人次 : 5952
地產新聞
九七泡沫破滅 重塑樓市生態
(文匯報) 2017年6月1日
廿年來樓市高低起伏,另一本地龍頭代理掌舵人、美聯物業住宅部行政總裁布少明,對於1997年至2003年之間的樓市泡爆感受至深,當年樓價插水、新盤劈價、發展商委託銷售,均是樓市轉捩點的印記。

全民炒樓 泡爆現破產潮

1997年金融風暴樓市泡沫爆破,時為荃灣區主管的布少明,見證着地產界的轉變,並經歷種種新秩序的誕生。「當時樓價落得好深,做咁多年地產都未見過,都估唔到樓價會跌七成。?家睇返97當時嗰個樓價係非常之癲,當時啲人都仲覺得有得升,九成幾嘅供樓負擔比率,大家都仲覺得無問題㗎喎,甚至代理都炒埋一份。」惟及後樓市一轉向,銀主盤隨即湧現,並爆發破產潮。「今日個氣氛都似97嘅,就係大家都會覺得樓價係會繼續上升,幾大都要上到車買到樓。」不過,他補充,有賴近年政府出辣招,現時炒賣風氣不及當年瘋狂,令1997年每月逾千宗「摩貨」情況不復見。

對於布少明來說,1997年至2003年間亦堪稱是「一手盤新紀元」的誕生。他憶述,1997年前發展商無須委託代理賣樓,「 佢地揀支旗賣樓就已經排晒隊,唔使搵代理。」不過,樓市泡爆後,發展商搵客難,於是開始委託代理行全天候搵客促銷。其中,較早期委託代理銷盤有青衣曉峰園,布少明形容當時十分誇張,「晚晚賣樓賣到半夜兩三點, 雖然泡沫係爆破咗,不過發展商劈價兩三成,仲有人追捧,點知係仲未見底,發展商要不斷劈價,買一個輸一個。」

二手萎縮 代理賣新盤紀元

回想香港臨近回歸時,每月二手交投量均逾萬宗,但隨着樓市泡爆、交投萎縮,代理行轉向新盤市場。布少明憶述,「好多嘢要學習,日日同同事開會討論點樣做。亦於此時起出現『街霸』,於街頭邀客參觀示範單位,甚至衝出馬路攔車。有啲同事接受唔到,認為好似扮樹、咁鬼死瘀。隨着二手唔夠養,部分代理就逐漸被淘汰,有啲做到嘅,響呢行繼續做,甚至上位。」

展望新政府上台,布少明期望可盡快回應首置人士需求,「?家社會最大的怨氣在於上車難,我認同林鄭主張起『首置樓』,提供較優惠的價錢,讓首置客上車。」他又建議設限制,例如10年內不准轉售,避免資源遭濫用,從而令首置需求得以消化。香港文匯報訊(記者 蘇洪鏘)