租售俱難切膚之痛張一鳴唱淡樓市

《星島日報》港府大力托市，大家都話樓市復甦有望，不過匯豐證券的地產分析員張一鳴就叫大家唔好過分樂觀。何解？因為有人辦你睇。

據佢老哥講，去年八月沙士剛過，他覺得樓價已相當低，於是以四百五十萬買入半山羅便臣道一個單位，以為每月可收租二萬五千元，回報率有七厘，都幾和味
所以買樓之後，他就同時放租兼放售，唔賺租都可賺價。點知人算不如天算，租客只肯出一萬七千到一萬八千元的租金，最高都不過二萬。至於放售，更是反應冷淡，他得到的出價是：十月份四百八十萬，十一月四百七十萬，十二月四百六十萬。

終於，在董特首公布《施政報告》前夕，一名唯恐樓價突然飆升的外籍買家，出價四百七十六萬八千，張一鳴想也不想，馬上成交；埋單計數，扣除其他使費，估計只是打和或者微賺。經此一役，他忠告投資者，樓宇供過於求，最低限度今年仍陪伴大家。