新聞資訊 > 代理新聞 返回
瀏覽人次 : 4369
代理新聞
絲絲講場:代理行「假一賠百」搵真盤源
(東方) 2018年8月25日
物業代理利嘉閣地產早排先推出業界首個「真盤源」計劃,佢哋位總裁廖偉強(Willy)又同絲絲講,尋日再推出一個內部審查計劃,實行「假一賠百」。

Willy話,現時旗下所有放盤都要「真實委託」、「真實在售」、「真實價格」 同「真實圖片」,但都擔心有前線員工唔小心犯錯,所以希望透過新制度,履行專業地產代理嘅責任,而計劃暫時做到本月底。

鼓勵員工內部舉報

佢補充,若員工發現有違反「四大承諾」嘅放盤廣告,只需拍下有關照片,指出錯誤,電郵至內部審查部門,如屬實同事可以獲得100元作回報,當然該員工個人資料會絕對保密,而犯錯同事就要更正放盤資料,並接受再教育。

早前有指各大地產代理及搵樓網站嘅逾16萬個放盤,但大部分係俗稱「一盤多出」或「影子盤」,相信只有約1萬個先係真實。雖然係自己人篤自己人,但對樓市嘅發展都係好嘅!

余絲韻