地產博客 > 文亮語 返回
瀏覽人次:16049    回應:18
文亮語
晨早夜話(32)今晚會不會有祝捷會
 
湯文亮博士
紀惠集團行政總裁
2019年10月16日

  昨晚從台灣回來,一宿無話,今早知道美國眾議院通過「香港人權及民主法案」,至於有什麼影響,我相信大部分人都不會知道真實情況,特區政府以遺憾來回應,似乎是比較平靜,今次美國通過人權法案,可以說是社運人士一次大捷,因為在星期一晚,他們還舉行了一次集會,要求美國通過法案,今次可以說是求仁得仁,今晚應該舉行一個大型祝捷晚會,而且仲要唔好蒙面,話俾其他香港人知道他們得咗。
       

  我有小小奇怪,通過美國通過法案咁大件事,點解大狀四萬等人不親身到美國,只是由幾個後輩在美國聽政會發表演說,其實,這件法案一早已經內定通過,但這條不利香港的法案沒有香港人願意向美國提出要求,唯有由幾個後輩出馬,在法案通過之後,飽受摧殘的香港經濟將會雪上加霜,裁員潮將會陸續出現,大家要有心理準備捱一段長時間。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Fisherman 2019-10-16 09:41:27
特朗普䏲緊VAR,再作裁決。
2. 自作 2019-10-16 11:29:41
香港社會8成其實是泛黃,自尋死路。
3. O 2019-10-16 11:34:00
個人認為人權法實在係冇咪用,中國俾佢地搞左三十年都冇有怕。 
反而, 果班泛民同示威人仕以為自己贏左一戰, 會好似食左春藥咁發癲。今早立法會有板睇了。搞落去,最終香港都係會走向23條。
4. 自我陶醉 2019-10-16 11:37:27
好懷疑博士到底知唔知呢條法案內容係乜嘢? 為何在法案通過之後,會令香港經濟雪上加霜?

首先,呢條法例只係限制一少撮愛國愛港嘅人移民去美國, 令佢哋有機會更加擁抱香港,更加擁抱大灣區, 把這些精英留在香港,繼續服務香港,服務大灣區實在是好事。 至於聲稱充公愛國人士嘅美國資產,更會令佢哋將美國資產調離美國, 極可能全部回流香港, 美國人只是搬石頭砸自己隻腳,不是嗎? 

點睇都應該係對香港有利, 仲隨時可以將過去幾個月流出香港嘅資金全部填補 ,何以會對香港經濟雪上加霜?看來這法案只會對美國經濟雪上加霜才對啊!

5. 十一哥 2019-10-16 11:50:14
阿爺真可惡、吊住美帝嚟玩…見美帝就嚟冇牌…就審多少幫趁零食、橫掂食嘅嘢唔會嘥、班異員8婆冇乜好玩…唯有團埋玩煑飯仔家家酒、阿爺早預咗…就劈香港喺門口嘔…睇下邊個有本事拎去使。

6. 祝捷會 2019-10-16 12:00:57
意思大概係本土作為中轉站踏腳石的角色開始終結。
7. 自稱路人 2019-10-16 12:37:25
由香港美國商會發表對「香港人權及民主法案」的意見 , 最受影響的就是在香港做生意賺錢的美商 !
8. 十一哥 2019-10-16 13:33:48
C正報告擺明玩嘢冇極限、已經就馬上風…再啪多幾劑偉哥、開路比大錢袋散水、香港人就體驗…折蕩前嘅風流…極樂。

9. 引刀一快 2019-10-16 13:39:49
大暴動,樓價升

法案過,樓價升

樓價唔升,世界末日

世界末日?樓價升!
10. 十一哥 2019-10-16 13:58:53
尾班單程直昇機運班寒士上高山絕壁、風光冇限好…食就揾唔到、除咗跳…冇回頭路、真惡毒 !

11. 引刀一快 2019-10-16 14:15:53
祝捷嘅,另有其人。

今次真係吊軌。

黑衫人,遮面難辨鬼與神
大頭綠,變臉掀出局中局
准裸官,商撤我留鬱寡歡
陳妹妹,屍骨未寒已成灰

12. 引刀一快 2019-10-16 14:51:19
自我陶醉兄

唔去美國,大把地方去,根本唔成問題,費事益咗美帝㖭啵!

可以預期,未來幾年大把人去大灣區,香港已經向世界展示咗無限嘅可塑性,大灣區樓價準備冧,三四線打折新樓逐漸推出,美國?邊個得閒去吖!

我扮向飯似唔似?
13. 自我陶醉 2019-10-16 15:34:53
12樓 引刀兄

你梗係唔似喇!

1. 冇用簡體字
2. 冇乘機鬧十字邪教
3. 掛得推廣大灣區
4. 欠缺一份發自內心嘅仇美情懷
5. 忘記了散播虛假訊息

所以,零分。

其實我都唔明,個個都話自己愛國,點解呢班友咁緊張冇得移民去美國? 冇得投資美國? 莫非係精神分裂? 哈哈哈!


14. 真真薯片 2019-10-16 16:43:44
今晚變左地代祝捷會, 地代必須多謝抗爭者
15. 引刀一快 2019-10-16 18:45:21
零分?!!!!

謝天謝地。好在,未潛移默化。
16. 自我陶醉 2019-10-16 21:03:22
引刀兄, 

直頭要恭喜你啦! 心裡充滿仇恨,說話冇句真嘅人,俾你學得到都唔係好事。 哈哈哈!
17. e_kam 2019-10-16 22:37:22
博士琴日咁擁護一國一制, 佢直情想加自己入去嗰制裁名單度啦
18. 引刀一快 2019-10-17 07:59:40
自我陶醉兄

依家香港人嘅內心,要麼充滿仇恨,要麼意粉填膺,講句真話都危險到死,學向飯,可能係生存之道喎。