地產博客 > 文亮言 返回
瀏覽人次:2227    回應:6
文亮言
可以不用捐錢給大學
 
湯文亮博士
紀惠集團行政總裁
2019年12月11日

  昨日很忙,中午在一間相熟的茶餐廳食午餐,見到一個奇怪現象,我以為睇錯,就是午餐每份減10元,如果冇生意的話,減價絕不出奇,但茶餐廳人頭湧湧,點解仲要減價,於是問老闆是否良心發現,平日賺得太多錢,現在回饋給顧客,老闆話不是他的主意,是老闆大娘話減就減,原因是老闆大娘每年都捐四五十萬俾香港的大學,雖然不是太多錢,但總算是一番心意,但在這兩個月見到大學生不斷破壞自己的大學,於是的起心肝決定這兩三年不再捐錢給大學,最低限度要在這兩年內畢業典禮能夠順利進行才再捐,亦不是將款項捐俾其他慈善機構,而是直接回饋給顧客,老闆大娘的確有見地。

  我有不少老友每年都會捐錢俾不同大學,今年都異口同聲話唔捐,除了無謂浪費金錢之外,在社運之下,生意的確難做,並不是旅遊,零售,住宿那麼簡單,而是影響各行各業,任何一個行業,除了少數經營者可能有錢賺,大多數都是蝕錢,而且是蝕得大大鑊,所以,他們需要留番一些資金守住本業,暫停捐亦可以理解,不過,大家又不用擔心缺少捐款,而政府又不批准大學維修費,大學的破壞是無法修復,因為每一間大學在過去十幾二十年收取了不少捐款,雖然在環球金融海嘯時損失不菲,但現在每間大學平均仍然有二十多億儲備,撥十億八億做維修是絕對沒有問題,大學應該希望捐款人是暫停捐款,而不是永遠停止捐款。

  中文大學在受到嚴重破壞之後,話咁快已經問政府攞十四億維修費,估計理工大學亦差不多,如果政府急急批准,激烈社運人士就可以話好彩他們搞破壞,現在政府出錢修復,大學外觀以及教材器具比以前更盡善盡美,變成搞破壞還攞埋頭彩,我認為政府應該要求大學只可以做最基本維修,只要能夠上課就可以,令學生知道他們做的破壞最後是由他們自己承受,包括畢業後所面對的困難,至於邊個找數,當然是由大學先付,政府慢慢同大學算清楚才找數。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2019-12-11 10:08:14
人類劣根性,佢地拎慣食慣…有一日托手踭,就罪大悪極,所以点解有人捐款唔落名…免得有日缩一縮…就比人圍住篤。
3. M 2019-12-11 10:42:19
香港無需要那麼多低水平的大學了,建議收回中大起公屋,收回理大起屋居
其餘大學要以國際排名起跌加減資助
5. 小島怡情 2019-12-11 13:04:07
我會捐啤馬會
8. 十一哥 2019-12-11 15:54:27
5樓  比馬會…話唔埋回饋可以興家㗎、但係捐比呢班垃圾…倒轉禍國殃民、咁嘅所謂社會楝樑真係....賠住嚟養。
就算學有所成都係佢自己家肥屋潤/光宗耀祖…關社會x事、乜C物師3師…收少個崩都冇交易…佢地都係間中頭暈身翳先交易。
毅進仔/學師仔…冇咗佢地嘅社會…就分分鍾落街冇飯食㗎…日日都冇佢地唔得…呢D先至真係社會棟樑。
9. 引刀一快 2019-12-11 17:09:20
其實大學唔應該依賴任何捐款,係應該政府負責,全面負責,依家所有領導人都有個學銜,全部都係從學校得來嘅,學校越好,學銜越靚,唔撥款俾學校,除非領導人帶頭放棄學銜,咁先講得通。
10. ~~ 2019-12-11 23:17:31
請校方先發動學生修復校園,否則免談.