主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 8107    回應 : 19
文亮言
優化了的單擋戰術
 
湯文亮博士
紀惠集團行政總裁
2016年6月30日

  在上一次世界盃,我將單擋戰術應用於自住樓宇買賣方面,在2014年至2015年中,有不少人買了新樓,我對他們說,在新樓入伙時會發覺很難借錢,因為新樓屬於第二個物業,最多可以借樓價三成,如果將舊樓賣走,就可以借足六成,甚至可以申請按揭保險,當然有人信,他們在收樓時就很輕鬆,亦有人不信,新樓入伙時就因為借不足六成按揭貸款而非常閉翳,但若果現在賣舊樓,一定會被買家壓價,賣新樓更加唔得,因為要付SSD,真的是行不得也哥哥。

  不過有一些人,將我認為僅次於“逢三退一”的單擋戰術優化,先講歐洲國家盃賽事,單擋戰術如何被優化,就是當一個帶波球員見被對方球員阻擋去路便轉身將波回傳至一個沒有人mark的隊友,然後立刻走位,擺脫糾纏他的球員,而他隊友在接到他的回傳後,很有默契將波傳去他準備走位的位置,而有機會做成一次攻勢,這種優化單擋在今次歐洲國家盃出現了很多次,但很可惜,沒有評論員特別指出這種優化了的單擋戰術。

  在物業投資市場又如何優化單擋戰術,一位業主有一層欠債不多自住物業,而他購買了另外一個新單位,亦準備好四成首期,但他知道在申請按揭時,很難獲得六成按揭,舊樓又不能夠加按買樓,於是他打了一個單擋,預先將舊樓賣走,新樓便可以申請六成按揭,然後,再買入一個價值與舊樓差不多的單位,打算將賣走舊樓所得款項做首期,最多借樓價三成便可以,現在更加適逢其會,因為樓價下跌,他只用了賣走舊樓所得的款項,毋需補任何差額,亦不需要按揭便可以多買一個物業,就是因為他懂得優化單擋戰術,現在仍然持有兩個物業,欠債比以前還少。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 小讀者 2016-06-30 09:11:06
防守方先叫單檔, 進攻方叫 one two.

賣走舊樓既錢比完新樓首期, 仲夠錢買多層, 聽落原居質素比新樓更高.
2. Newton 2016-06-30 09:15:28
當擁有第二個單位時,這技術更易發揮出來
3. Small Potato 2016-06-30 09:23:10
4. Small Potato 2016-06-30 09:25:57
5. Small Potato 2016-06-30 09:32:33
Sorry 似乎link 吾到去單新聞到,但如果有睇開新聞既,應該會睇到,除博士本人熱心幫小店外,原來博士兒子都一樣有顆咁善良嘅心,太好。其實講緊既係銀杏館被結業單野
6. CD ROM 2016-06-30 12:29:55
題外話,單擋一詞多用於藍球,英文叫pick, 性質上同博士講既有d唔同。

博士所講既一般叫one two, 如一樓師兄所言。印象中比較悦目既運用要數曼聯黑双刹。
7. CD ROM 2016-06-30 12:35:48
以此戰術,處於下降曲線當然是“優化”,但如果係上升曲線呢?
9. 引刀一快 2016-06-30 14:54:39
簡單D講就係鎖定利潤,有膽有行動力。


用呢招嘅,唔知會俾人定義為好友定淡友呢?話好友,但係佢賣樓喎。
10. 四少 2016-06-30 15:07:51
引刀完全不得要領,真係乜都唔識.
11. 引刀一快 2016-06-30 15:34:22
唔識架,真係乜都唔識架。

要寫到你呢種人睇得明,點識呀。
12. 引刀一快 2016-06-30 15:41:30
日日有人吹:千祁咪賣、賣咗買唔番.......

原來賣咗可以買番有凸。

唔知五少幾時岀嚟媾嗡呢?
13. 香港土著 2016-06-30 15:41:57
資産階級們,唔好成日縮埋個龜頭玩匿名得嘛?越係龜縮,比人感覺越陰險低劣。比少少骨氣先配合到有料資産階級身份架~~~
14. 香港土著 2016-06-30 15:48:07
成功「優化」資産,前題就係上年相信博士爆煲論,然後身體力行……
15. 引刀一快 2016-06-30 15:48:39
香港土著兄

佢地依傢觀望緊,睇下樓市會唔會回彈,回彈就恢復舊筆名繼續稱霸,樓市淡就繼續玩匿名放暗箭,一日出五十個名,六少話你唔啱,七少就話六少夠中肯,八少又岀嚟話有道理,九少就話你唔及六少有風度,十少支持九少。

十兄弟出完,就出十二生肖、,跟住三十六天罡七十二地煞都會出齊!
16. 鄭成功 2016-06-30 16:01:31
文章買又好賣又好,說說無妨,大家炒家當傾下偈,無傷大雅。當年乜股票都升嗰陣,中人壽一役四叔曾被封股神,日日有人叫佢預測,年尾又問來年會升幾多。後來大陸公司股價跌到今時今日已經無人再問四叔點睇股市了。
17. CD ROM 2016-06-30 17:24:15
唔知我算好友淨淡友wor??? 

其實我提出 "優化" 呢個詞, 係指博士提出呢個單擋既呢段可能一年之內既時間, 當處於樓市下調之勢, 第3層樓比第1層樓比的話係upgrade左. 但以剛過去一年為例, 我算樓價跌左15%計, 一買一賣既成本打埋入去, 如果再無埋個H+0.7 plan, 其實可優化既空間有限...

當然博士提出呢個狀況, 呢個單擋係一定要打既, 但係咪真係咁jetso我有保留.

假如樓市處於上升之勢的話, 呢個單擋更要閒閒地硬食一間房.............
18. 引刀一快 2016-06-30 17:47:00
CD ROM兄

你梗係好友喇,認淡友會俾人批鬥,咪攞苦嚟辛,有得認好友,我都認。

當中妙處在于,一賣一買係兩個機會,賣就儘量long D,買就唔筍唔食,兩個機會都捉得好的話,就可以喺按揭成數走位之餘,進一步鎖定利潤。

前提係有行動力,天道醻勤,肯多行就有機會搵出適合自己較佳賣買組合。 
19. 黑馬 2016-07-01 01:34:28
二手市場萎縮。說得輕巧,但難以成功實施
20. Eric Wong 2016-07-01 13:49:47
博士,你好,煩你評論一下迷你倉/迷你寫字樓的發展