地產博客 > 資深會員專欄 返回
瀏覽人次:50163    回應:35
資深會員專欄
港燦式茶餐廳 趕客喎!!?
 
引刀一快
2018年9月3日
尋晚睇新聞,睇到目瞪口呆,話如果境外人士每年住大陸超過183日,就要全球收入打稅,我當堂打個凸,咁即係大灣區趕客啫,半夜三更用齊兩隻W去通知朋友,大灣買屋且慢且慢。

之後定神一想,世界性收稅,即係米貴大圍事喇,咁就即係“世界事件”喇。做人真係唔好太自我,好多時候,項莊舞劍,唔係想懟你,原來意在沛公,然後意在張良,跟住又意在樊噲,意多幾十人,連虞姬意埋都未輪到你。

中美貿易戰開打,筆者唔清楚箇中細況,不過,好肯定好多美國細作一年到晚住大陸,今後佢地要報稅,亦即係佢地有責任向中國政府申報國外收入,或者話中國稅局可以查佢,咁樣可以引申非常非常大,恕筆者弱雞只能推斷到呢步。

同樣,貿易戰焗住企美國果邊嘅台灣,常駐上海台灣人超過100萬,估計絕大部分人收入遠勝22K,境內收入多定境外收入多?好複雜,我相信佢地已經諗緊點應付。

廣州已經成為非洲殖民地,合法非法居留者達幾十萬,難管理兼衍生問題多,部分人做兩地生意揾唔少,掃佢肯定話中國種族歧視,損害非洲友人感情,依家不分種族連香港人都掃埋,咁D黑鬼冇說話講喇。

中國近年綠化極為嚴重,而且各地都好多中東人活動,雖然對新疆人抓得好緊,但係唔敢對外國人下重手,籍住稅收調查,可以嚴控呢D人。

一時間就只諗到咁多同病相憐嘅病友,香港人又點呢?其實祖國對香港人嘅情況早就瞭如指掌,唔使靠呢D,如果純為收錢,咁之前唔使整CEPA俾香港吖,要貨唔要人?唔係卦?

相信,往後兩三個月之內,會有相關針對香港人嘅措施出台,未睇到有明顯轉機之前,投資大灣者最好先觀望一下,確認香港人唔係“沛公”之後,再作部署。


 
 
我要回應
我的稱呼
回應 / 意見