依家连中学生都话想买楼，80后90后就更加唔使讲，又有人话香港楼市会升多10%；竟然有位80后唱反调，佢就系强泰环保80后CEO兼执董Penny陈昆。
香港楼市仲会升多10%？Penny觉得呢个疑问。咁佢自己有无楼喺手先？佢手上啲香港资产，近年已经放晒，只系仲揸住啲内地楼。睇楼市睇得咁淡？唔系唔系，佢话唔系睇淡香港楼市，仲话明一定会喺香港买楼，因为自己始终喺香港出世，但总之就唔系依家买喎。
宁愿做其他投资
佢仲好认真咁讲，与其依家买港楼，不如攞旧钱嚟做其他投资，闲闲哋20%至30%回报好容易。咁，即系乜嘢其他投资？噢，最重要嗰一句，Penny就系无答。
咁依家唔买，应该几时买？Penny话个人认为楼市走势有高有低，既然香港楼价都高咗咁多年，相信有机会回落。咁佢若然迟啲买，港楼首选地点系？佢话整体以港岛地区为主。Well……
睇到呢度，系咪觉得Penny唔多似本地嘅80后呢？冇错。佢虽然香港出世，但佢家族其实系印尼华侨，喺印尼有唔少业务兼投资，包括地产、酒、重工业等。佢家族亦系强泰嘅大股东，所以Penny美国毕业后，○七年就加入咗强泰，年中仲睇唔少东南亚同中港地区投资项目。所以对於佢嚟讲，投资赚20%至30%好容易罗。
App下载
