19楼井兄，咁你应该参考穷人如何去解决问题吖MA，而不是在大酒店食饭，再与 大排档相比。哪... 醒你喇：
hkm.appledaily.com/detail.php?guid=55711120&category_guid=7015342&category=instant&issue=20160930&top=4h&top=4h
升斗市民苦等数年终於上到楼，层公屋随时由二人世界住到仔女开枝散叶，所以家阵好多租户就算银根掹掹紧，都肯花多啲钱做装修。近排有装修公司提供「装修全包宴」，11万装修费包设计、连工包料同订造家俱，40日内将粗陋的交楼标准打造成温馨窝居。
好似邓生邓太咁，六年前开始排公屋，去到旧年12月先获派安达邨一间二人公屋，面积大约234方尺，到今年6月收信通知交楼，就即刻开始同装修公司倾点样打造安乐窝，本报记者亦开始见证单位一间灰白丑怪的水泥吉屋点样响40日入边改头换面。
住得公屋，份人通常贴地。6月中收楼当日，邓生邓太企响连地砖都无嘅水泥地上边，望住几张手绘概念图，略带期待咁话，希望整个装修方向以实用为主，「我地谂住个厅大啲，最多偷多啲位摆野。颜色方面就想浅色啲、舒服啲，所以成间屋都油浅蓝色。」
公屋装修免租期得14日，另一边厢，旧居租约期亦都就快到期，装修迟咗唔知点算好，所以佢地收楼之后，随即交匙畀后装修公司，极速开工，去到八月第一个周末间屋已经住得。
装修完的公屋，起居空间铺淡棕色木纹砖，全屋墙身油晒做天蓝色，感觉舒服。公屋交楼标准无间隔，设计师安排窗前地方做睡房，用一组通顶衣柜同趟门分隔开，房入边升高地台做床，加埋客饭厅多个组合柜，够晒位摆邓太心爱嘅鞋。厨房同厕所装晒假天花，遮咗部份核突喉管，厕所再加埋镜柜同枣红色边洗手盆柜，入到起干净舒服。
八月初入伙当日，以十分做满分，佢地两个畀间屋值八分，「一开始嗰时得啲图，佢唔砌出黎，你都唔知会唔会同我谂嘅、或者佢画嘅有唔同。依家间屋出黎果个效果张图或者我地谂嘅八、九成似」。
记者：陈东阳、陈家恩
摄影：黄耀兴、梁颖贤
App下载
