9. 亮剑 2015-04-27 11:23:34
我想讲呢几年政府这打房措施点解唔 work!
不如现在做一个角色扮演,首先系买家:
上车客……手上只有百零万,明知两房同叁房平均尺价比较平,但在首期不足下,焗买火柴盒。
家庭客……有个BB就要返幼稚园/小学,希望揾个有合理房间配置、座向好及楼层较高的楼盘。
投资客……希望揾D出租机会大,租金回报比率较高的楼盘。
投机者……找个楼花期长、又有水位的楼盘搏短线。
大陆客……揾件人无我有,可 彰显身份的靓嘢,为求心头好,可不借腰间钱。
其次到发展商:
为求利润最大化,发展商会因应客路,而开各种不同尺码既则,去就上述呢几类客。
上车客……起D一或两房的火柴盒,就他们的毕值。
家庭客……好座向及高楼层的两房或三房会卖俾佢哋。
投资客……低层而座向较差者,因为平均尺价较低,但回报率较高,最合他们的胃口。
投机者……整D楼花期较长、又俾少少水位的楼盘,俾佢哋搏短线。
大陆客……成个项目执倒几多、食粥食饭,就睇呢D特色单位、天池屋、独立洋房卖成点。
发展商呢种运作模式,可确保佢哋D发展项目,喺合理的时间内,清咁大部分货,赚最多既钱,咁当佢哋的资金回咗龙,咪又搅过第二件嘢,做到货如轮转的最高境界。
但喺09年10月尾,政府取消投资收租者无得做按揭保险,同时收紧2千万楼的按揭成数到六成,咁买入豪宅作长线收租者,开始大减。
10年2月尾,政府加你2千万楼的SD。
10年4月尾,政府出9招12式,又规管一手楼花销售,咁发展商变现开始面临压力。
10年8月中,政府出3招14式,楼花无得摸售,投机的炒家坐晒艇要焗揸。
10年11月20日,SSD开始出炉,短线客争相走避,但另一方面,弍手供求开始产生微妙的变化,当时已有人指出,SSD会做成有实力的业主惜售,反而令供应减少,但政府当然扮听唔倒啦。
12年10月底,CY见楼市唔死,再次出招,呢次除了在SSD禁赛多一年外,还加上BSD,如此这般,除咗首次上车者同家庭客外,边个去买一手楼先? 发展商资金不能回笼,仲会同你搏命去起楼?还会去为旗下土地更改用途来起屋?那些过百亿的招标项目,仲唔步步为营?咁唔够面粉点变面包出来?
13年2月23日,政府仲要出埋DSD, 呢句「人蠢无药医,医翻成白痴」真的好贴切!你CY咁搅,请问那些换楼客点换楼?
发展商起落嘅楼,有大小不同嘅尺数,全无影响的上车者力有未逮,有能力者你政府又唔俾人去买,咁发展商仲同你大大注搏拉柴??
现在剧情的发展,就是发展商排队食尽你政府及半官方 机构的土地储备,再同你慢慢讲古!
香港人口组合中以60后为主,因此在80年代尾,90年代初就系佢哋置产的高峰期,想当年我喺9O年代初首置果阵,我的同学、同事及同辈,有几多个人有咁好彩,可得家人强劲火力支援?
因此当时大多数新楼楼盘,都会开 A及B类型单位,贪佢细细粒容易食。
开发商都系挑通眼眉之辈,因此「冧深」房价要就当时买家的收入水平,系共识。
随著呢十多弍十年时光飞逝,我身边唔少同辈的人工早已三级甚至十级跳,层楼换了几转,或者一变二、二变四, 现在呢班60后,其实好多人都已经供完最少一层楼,甚至就来供完第二第三层楼,咁他们的子女的置业能力,就绝对唔系单睇那班8~90后的收入水平,而系睇埋佢哋嘅老豆老母,有无实力同肯唔肯跌!!
香港其实不缺细码楼,而持有呢D楼嘅业主,为数不少其实好想将名下那间几佰尺换作900上。
但政府就系咁将D地去限尺限量,加埋打房政策骨子里,系迫人上细码货,咁发展商为求去货,将狂起火柴盒,那么中小型楼就会於下一个周期,产生供过於求的态势。
点解政府唔反思将D土地,用来起800~1200尺单位,然后鼓励那些揸住400~600尺的60后小业主楼换楼?
咁一来可增加价格比较相宜的中小型2手供应。
二来可改善60后小业主的居住环境。
三来当换楼链启动咗,那开发商旗下的土地资源就会被释放。
在香港,一块生地要变成楼宇,随时系一个楼市周期,即拾几弍拾年,现在政府大错已成,下一波细价细码楼的伙数将会供过於求!
如今补救方法系开发商在起火柴盒果阵,请预留部份相连单位可於日后打通,以备之后将呢D单位作捆绑式销售。