寻找它乡的故事

其实应该系寻找既他投资工具，这几个月睇得太多香港楼市 / CCL 升定跌的讨论，睇得有啲闷，所以积极寻找海外物业投资机会，发觉到一啲都唔简单。又唔知地区好唔好，又唔知价，又唔知点打税，又唔知货币会几时先至跌完，乜都唔知，仲惨过小学鸡。买一间嫌麻烦，买几间唔够胆，真正又要威，又要戴头盔。我唔系李超人，可以攞百几二百亿投资两间海外公司（系投资，唔系撤资，李超人多多得罪。）

最近研究加拿大 condo / apartment 物业，但系原来物业管理费食咗租金三份一，地税每年1%，你唔将物业卖出就OK，一旦你买出去，政府就食你25%利润，2.5% 经纪佣金，又要请会计帮你搞（洗咁多钱我系经纪佣金及会计师最愿意俾，因为只系佢帮我解决问题)。如果别无他选，把财富滚存都可以，但眼白俾地政府食咗咁多点都有啲唔舒服。

当海外没有投资机会的时候，香港比起来就系一个冇咁差嘅选择。我唔系楼价升死硬派，但系对一个投资者来说，我真系别无他选。毕菲特曾经讲过，商品例如黄金石油等等，本身没有能力创造财富，你买了之后只是等下一位愿意比更高价钱买而已，但生意或物业本身能够制造 value， 即系话每年都会收息或回报。但股票波动令很多人食唔安瞓唔着，喺呢一种情况下，楼价大跌的机会很微，由其是有实力投资者手上的豪宅。

或许，我始终都会拣个海外地方投资，但现在仍然系学习阶段，一日来买一日都学唔到野。又或者因为咁闷，我又想买股票了，但对一个从未在股市赚钱的人来说（好彩都未蚀过钱，咁多年都系打个和）这是否明智决定？

全球印咁多银纸，早几年令资产价格膨胀，膨胀完了，啲钱再可以去边度？是否继续膨胀？如果唔继续膨胀，咁啲钱究竟去左边？这段时期我肯定有人赚钱，仲要系赚好多钱，不过我唔知边个。可能系 Wall Street 班友，呢度有冇高手答到我？我只系觉得市场上高好多现金寻找出路，个个都想个楼市跌的时候，个市真的会跌吗？

最近王弼翻译 Beyond Democracy 英文版我都睇过，简单易明，值得一看。再推荐一书 Capital in the 21st century。虽然我唔同意作者的解决方案，但其客观事实值得参考。