再有土地流标,呢家再贴旧文……
76. 亮剑 2015-03-20 17:17:48
香港的未来,一系更加成功,胜者全拿!
一系沉沦、不能自拔,沦落到成为中国一个毫不起眼的城市!
『在此之外并无第三条出路」!!
而香港要更上一层楼,唯一要做嘅系「做大个饼」。
而点做大个饼?突破土地樽颈系重中之重,而呢两任特首实施的一连串打房措施,与此「背道而驰」,所以我亮剑一再出文反击!
唔使有林奋强咁叻,只要有常识就知,你限制需求,在生产呢一方面来睇就会减少供应,因为商人做生意,只为逐利而并非做善事,大赚大做、小赚小做、冇钱赚甚至要亏老本不做!
道理非常明显及简单,如果有一间工厂生产一种民生必需品,但政府因民粹唔俾呢个厂佬赚钱,唔俾佢做批发,唔俾人卖啲货俾拆家,唔俾人同大陆客做生意,总之呢样唔得、嗰样不能------咁呢个厂家如果仲走去扩充生产缐,整多啲产品出来「藕」的话,佢个脑一定系灌咗水!
其实大家唔使赖三赖四,想互相推卸责任,大丈夫出得来行,衰咗就要认、俾人打就企定!
一人做事一人当,边个搅边个拆!
代落港私楼度,我怀疑高官唔系几识建筑,如果揾发展同房屋两个局长,走落地盘了解一两个月,可能就知每个地盘起楼程序大约需时多久!
当地产商由政府嗰度收咗块地返来起计,大约 4-7年先变成现楼交匙俾业主(视乎发展规模)。
而楼市一个循环大约十几年,有样与日用品唔同,啲楼通常平嗰阵,啲人唔会去买,系要等待到的楼贵到飞起,先走来盲抢,而唔够人争嗰啲「粉皮」,就喺度鬼揸、猫挖、小露宝⋯⋯要政府「做嘢」!
政府耳朵软,紧喺相对高位狂增土地供应,上面讲到起楼咪4-7年?
咁较好表搅得来咪够钟爆镬罗!
96-97 年为何楼市狂升?其中一个主要原因,系受制中英联合声明,香港每年土地供应上限50公顷,供不应求做就炒家有生存空间。
97-98年点解香港私楼一年可跌咗一半?原因除了楼市有泡、炒家急放逃生、发展商要班水找数及亚洲金融风暴之外,系土地及私楼供过於求!!
千禧年之后数年,那些土地渐渐变成楼宇,上面我咪话楼跌冇人要?你仲话每年私人楼落成量过 3万?咁真是乜蛇都死啦!!
直到曾荫权上场,剩系执呢几万个由董伯伯同 CY搅出来嘅苏州屎,都几年啦!到撹得供求大致平衡之时,点知美国爆次按,咁就算你边个系特首,都唔够胆走去卖地啦,而且咁惊吓嘅场面,你政府攞啲地出来咪盏流标!
08到09冇乜土地供应,呢两年啲楼供应点会多先?
楼市波动源於CY及董伯伯在97年,将香港土地库来个大清仓,而权哥又被双位数空置率吓坏,再被继后金融海啸吓傻,冇去做地!
曾某先俾人整蛊,继而佢整蛊翻人,而呢个人就是都大家认识嘅「老母鸡」