我喺几个月前贴咗张西半山楼建尺唔使一万嘅相出来。

整粒10卡钻石比大家睇下先 ^ ^呢粒唔系太靓, 但系都一层德宝

TO 1 亮剑前辈

我觉得呢位业主系全香港咁多位受害业主既其中一位.点解业主要被惩罚??

细价楼因需求大成交价很高！！

唔知几时系＂组合细楼换大楼″自用的好时机呢？？

得宝花园抢盘 上车客焗提价

香港文汇报讯（记者 苏洪锵）不少屋苑纷被抢高价，吸引睇楼客加快入市，不少细价单位更出现「几客争一盘」情况，其中得宝花园一个中层253方尺的细价盘，获以302万元高价承接，原业主赚近倍离场。另一方面，荃湾丽城花园出现三房单位高价成交。 港置植光远表示，最近牛头角一带细价楼获买家极力追捧，更出现「几客争一盘」情况，新近录得宝花园G座高层4室个案，实用面积253方尺，属1房间隔，业主刚外游回港即获数客同一时间争相洽购其单位，最终年轻上车客主动提价2万，以302万元成功购入单位，实用尺价11,937元。 植光远指，单位向东望开扬山景，内栊有装修，原业主原打算以300万元出售单位予另一买家，最终被买家之「理想价」及诚意打动出让单位。原业主於2010年以152万元购入单位，物业升值近倍。

巴士的点评——唔好搞到楼价升

立法会愈玩愈大，前日人民力量陈志全叫点人头成功制造休会，昨日黃毓民用杯掟特首。

七一之后街头未出乱事，但议会内已经反转。在立法会放暑假前余下的日子，好可能在泛民拉布中度过。

 政治风起云涌，但仍然有唔少小市民唔系点理时事，只系关心楼价。我认识一对三十来岁的夫妇，三四年前沽了五百几尺的自住楼，收番三百五十万，一心想等楼价跌，买番个大DD既单位，结果当然不能如愿，楼价愈望愈升，他们出外租屋租金系咁加，过两年租约满又要搬。

这一阵子楼市又来一个小阳春，小两口子沽左的单位，现价都升到五百万，当然睇到都眼冤。

老婆怪老公「麻鬼烦，做乜沽自住楼等楼价跌」，老公又怨老婆「你当日够话好，你都无阻住我沽楼啦」，总之搞到家嘈屋闭。

老公等左两年买唔到楼，又俾老婆哦，开始按捺不住，话如果楼价再升，佢地被迫都要买番间，「否则呢一世都买唔到楼」。

雖然我觉得好难讲到「呢一世」咁死，但人地搞到出现家庭问题啦，外人都唔好咁多意见，唔系搞到人离婚，唯我是问。
另一个朋友的处境不同，佢系高级公务员，行将退休，个仔做左几年野，想明年结婚，现在等老竇同佢出首期买楼，呢一两个月一边睇，楼价又反弹向上，愈愈心急，因为阿仔最迟都想今年内买到，装修几个月，然后结婚入伙。

现在市区楼中小型单位郁D都六七百万，老竇畀三成首期加手续费装修费，当六百五十万一间楼，个仔都要供近四百五十五万，以二点二五厘息，供二十五年计，现在咁低息都要供两万一个月，系朋友个仔同未来太太收入的一半以上，老竇出鸡、个仔出豉油，都唔系咁易顶。

我问朋友如果加息，阿仔点算？朋友有点沮喪，话「个仔结婚唔通同我两老一齐住咩？唯有希望个市唔好再升，等佢地买楼唔好咁贵啦！」

 呢班等住买楼一族，现在都几惨。因为本年度立法会只剩下几日会期，但包括「楼市辣招」等多项草案都尚未通过，政府争取在本月十五日晚即系本届会期最后一晚通过「辣招」草案，但睇落都有D危，唔知道过唔过得到，若过唔到市场又会收到「辣招无效」的讯息，楼价好可能会再升一浸。

唔好怪我唔信D政客，因为打到九彩之后，边个得益呢？

若然立法会过唔到辣招法案，楼价再急升，迫到更多市民抢住入市，发展商大举散货，市民接晒贵货，条数又点计呢？

市民若因此而买楼买贵一二百万，真系做多十年都顶唔到条数，最后都唔知问边个追讨。

「巴士的报」是一份网上报纸，让网民随时随地拿手机或平板电腦可以看到。www.bastillepost.com

        wh.lo@bastillepost.com

        盧永雄

 

总之搞到家嘈屋闭 -> 乃是自作自受, 求仁得仁, 正苦有勸大家勿沉迷賭博, 勿病态賭博, 乃至随便賭身家

现在等老竇同佢出首期买楼，因为阿仔最迟都想今年内买到 -> 兒孫自有兒孫福, 莫为兒孫做馬牛

对大陆人嚟讲，香港豪宅系就系贵买，有冇平用就难讲喇，1000万嘅烂鬼cheap豪宅要俾150万BSD，千五蚊嘅酒店可以瞓一千晚，如果一年住两个月，够住17年。净系俾凸嘅部份都可以住十几年，仲有人清潔打扫衛生，仲可以成日转景观。

依家千五蚊市区只可租到重庆大廈果d质素既货. 楼上有时间既话, 可以上去睇睇.

十几年后, 大家估下千五蚊仲可唔可以系香港搵到酒店房牙拿.

引刀一快-----2013-04-12 我系咁讲：『昨天政府公布，香港楼宇整体空置率系 4.3 %，而豪宅系 1O.7%，有啲评论员就话，千尺以上豪宅空置率好严重，政府要做嘢，我真系要妖那妈！

点解豪宅空置率会咁高呢?

首先当然要捉梁粉头馬陈某出来執一劑啦，香港整体豪宅九仟多个单位空置，佢老哥随时喺西九嗰两个盘就包你一成！

第二就系打上十年，地皮供应极度短缺，咁每间地产商手上只得嗰拾块八块土储，唔将佢整靓包花纸，以提高均尺价，当晒豪宅卖，咁跟佢哋搵食嘅人食西北风咩?

豪宅装修要符合高尚品味，要贴合个人喜好，而装修材料随时要欧洲定，所谓慢工出细货，在在影响装修期！

政府呢几年狂抽高价楼水，加政策、加税、加按揭成数，务求令有钱人入唔倒市，中上收入嘅人换唔倒楼！

跟著就话豪宅空置多，唔该CY张开眼睇清楚，现在唔系无人买豪宅，系你唔俾人买、唔俾人换咋！

政府仲话有啲豪宅落入大陆客手上，佢哋唔租唔卖，所以统计署就当晒人哋空置，咁样简直系屈得就屈，首先唔该那些人答我几条问题：——

〉请问每日到港游客，比对全港酒店宾馆落差系多少?

〉请问一个有商务需要嘅大陆生意人，若要来港倾生意，可否隔日就定倒酒店房?

〉请问如果一个大陆富裕家族有喜庆事搅，要齐齐来港渡假，你政府可担保倒人家，能够定到足够嘅酒店房吗?

〉在港有生意嘅大陆商人，如要招呼伙伴客户，使唔使搵地方款待人家?

〉去完广东道入货，唔通可以将那些名牌手袋钟表四围放在酒店房吗?唔见咗揾阿水来负责?

 

咁唔买定一间港楼做定后备，那有起事来，唔通叫人哋瞓公园or天桥底吗? 』

1000万嘅烂鬼cheap豪宅要俾150万BSD千五蚊嘅酒店可以瞓一千晚，如果一年住两个月，够住17年

You forget one most important factor : living in Hotel is expense, money gone to the sea forever.  

Buy a lux property is investment, it could rise up or fall down, but it can still be sold for a price, it won't be zero.

讲多无谓，1150万，大陆5年定期约五厘，假设15年维持不变，单息系每年57万五千，够租五万蚊个月嘅楼喇挂？

To 10楼

话时话wor, 前排有个大陆同事问我去HK出trip, 酒店budget得HKD1000? 仲要TST, CWB一带, 我仲话1K果d都可能都好一般, 我又唔知价, 不如你上网search下比个酒店名同地址, 帮你睇下方唔方便啦~~

To 亮剑兄

拆解细价楼癫价潮

特首梁振英昨天在立法会答问大会上表示，他推出的「双辣招」稳定楼市措施「已初见成效」。笔者不知他如何界定「成效」，但事实是，最关乎民生的「上 车盘」细价楼近日出现「癫价反弹」，多个上车屋苑楼价接连破顶创新高，升势比出招前更凌厉。由此看来，细价楼似已对辣招产生「抗体」。

个中原因，一方面由於供应减少，既因业主持货能力强，无必要割价抛货变现，同时受到辣招限制，他们担心一旦沽出单位后不易买回，於是更加惜售，令盘源愈缩愈少。

楼价不跌 收入升毅然入市

可是，笔者认为，对细价楼来说，更重要的因素在於需求方面，皆因近三、四年本港经济持续向好，无论市民收入或财富积累都蒸蒸日上；尤其是基层市民及「上车客」小家庭，受惠於最低工资及就业市场兴旺，近几年无疑处於好景。

例 如房委会日前宣布公屋加租10%，理据是2011至2013年这两年间，公屋住户家庭收入大增了19.27%，这是非常可观的增幅。当然，其中最低工资发 挥一定作用，因公屋住户多属基层人士，是最受惠於最低工资的一群；同期其他阶层人士的收入增幅未必会有这么高，但某程度也反映本港市民收入增加的大趋势。

据统计处调查，本港整体名义工资指数在2010至2013年的3年间，分别上升9.4%、5.1%及4.1%，累计升幅19.7%，跟公屋家庭收入的升势相当一致。

笔 者很了解「上车客」心情，身边也有不少信错梁振英（及曾荫权）的「唔好彩个案」。他们在两三年前本来已勉强够钱付首期上车，不过见到曾荫权及梁振英先后出 招，以为楼价真的会回落，就算不大跌，跌一两成也好。但自从曾荫权於2010年11月推出SSD（额外印花税）以来，细价单位价钱只曾经略为偏软，便再继 续拾级而上。

笔者有些朋友近年饱受女友、老婆及外母埋怨：「三年前已经叫你买楼，你又话信政府，以为楼价实跌，而家？升咗四成啦！当初又唔 听我讲……」不断炮轰之下，就算是坚贞的曾粉或梁粉亦难免动摇，不再相信楼价真的会回落；再加上他们近年收入及财富都上升，三年前原本买得起280万元的 楼，今天已可负担320万元，於是毅然上车，造就细价楼「癫价破顶」。

平情而论，曾荫权及梁振英的「3D辣招」，对於打压炒家及外来投资者 无疑很奏效，但主要见效於豪宅及中大型单位；相反，对於细价楼则只是在3年间压抑了上车客的「刚需」，现在谷谷埋埋一次过爆发出来。换言之，近日的「细价 楼癫价潮」是由积压了3年的购买力开始爆发而造成，未必可以持久。

最重要的是，自由行效应已经见顶，本港经济及就业市道很难延续近几年的好景；而且加息势在必行，上车客现在「计掂数」觉得买得起、供得起的楼，两三年后或许是另一回事。从来在一个楼市升浪的尾部，壮烈牺牲的都是「心急上车客」。

长和系主席李嘉诚对楼市有两句永恒金句，上句「自住几时都可以买楼」，下句「只要自己负担得起」；在今2月的业绩会上，他为下句作出了一点补充，负担得起的意思是可以缴付楼价的50%作为首期，这点值得目前的心急上车客深思。

tyko@hkej.com

放大图片

To 6楼 亮剑师兄

文中提及

"因为本年度立法会只剩下几日会期，但包括「楼市辣招」等多项草案都尚未通过，政府争取在本月十五日晚即系本届会期最后一晚通过「辣招」草案，但睇落都有D危，唔知道过唔过得到，若过唔到市场又会收到「辣招无效」的讯息，楼价好可能会再升一浸。"

请问假如辣招未能在本届会期通过, 是否会被作废? 还是只是延至下届会期作表决? 若只是延迟表决, 为何市场又会收到「辣招无效」的讯息?

小弟不太清楚立法会的规则, 还请师兄赐教, 不胜感激!

请问假如辣招未能在本届会期通过, 是否会被作废? 还是只是延至下届会期作表决?

-------除非立法会加时,否则下届再接再厉!

若只是延迟表决, 为何市场又会收到「辣招无效」的讯息?
请看下列文章。

 

财团或延卖楼 

倘未如期加印花税 

楼价恐升3成

特首梁振英表示，立法会因为拉布造成严重塞车，若下周三提交立法会审议的双倍印花税法案，未能如期通过，炒家投资者或活跃起来，亦不排除地产商会拖慢卖楼计划。 

其实 CY 已预知楼市将会爆边，现在报定案同搵定替死鬼！

150万BSD嘅五年定期利息，1500蚊晚嘅房都可以每年住50晚，点解要进贡俾香港库房？

到港唔一定过夜，过夜唔一定宾馆，你想表達边様？

当然系过夜计啦。

 

定唔到房就冇得落脚嘅大陆人，可以不理！唔会系可以一炮俾百几万BSD嘅人。

我识几个手持商务签证既强国生意人，都有定酒店的烦恼，有人就此买件私楼脱苦海!

亮剑兄，人家咁多人，一间屋够住？人家成日大龙凤要自置物业搞喜庆？呢样牵强咗D。

千零个一间有可能系三房。

依家招呼伙伴客户唔兴喺自主楼，因爲唔想俾人睇得咁透，招呼朋友又唔同，呢家嘢我又识少少喔。

他们买既楼，定必有豪华会所，而呢D 会所十之八九只限业主入会。

酒店有夹万服务挂？为几件货买屋嚟防盗？又系好似牵强咗D。

落得来香港单单买几件野吗?

有喜事唔识安排乡亲住宿，有起事冇屋就要瞓街，呢类人边有钱边会隔山买牛吖，亮剑大哥，咪玩喇。

物以类聚，同有米玩开既亲朋好友会系穷人吗? 几年前你知唔知强国一组客，买新楼就如买西饼，系半打, 一圈咁扫呀!

依家豪宅买唔到香港户口。

买完指定基金再买楼唔俾?

依家D钱落香港，又冇出国咁保险。

买完香港楼再买第二个国家既楼系咪唔得先?

现在炒家绝晒迹啦，短炒等於自杀，唯一个形格似但个名唔系炒家，将楼价炒高弄低嘅只有系发展商，例如陈鸡中。

公屋本来系帮助低收入人仕有瓦遮头....冇错！
但出现公屋厂户=强占政府对低收入人仕的福利,而政府唔跟进就....超错！
政府乱攞公家钱去起居屋,只为去满足唔够能力但又想"拥有物业"嘅人....本来乱用公帑就系有错.但又冇人理.就当佢.....冇错吧！
但政府出招要全港业主的资产蒸发,而去满足想买私楼嘅人.就系......大错特错！
就好似"逆最低公资"咁！.....为咗唔想平均工资太高,拉高通涨,令低收入人仕生活困难,

to 19楼 亮剑

谢谢亮剑兄解释!

Half of a 德宝 　：）

到港唔一定过夜，过夜唔一定宾馆，你想表達边様？

当然系过夜计啦。

过夜就要买楼？唔系挂！！？？

 

定唔到房就冇得落脚嘅大陆人，可以不理！唔会系可以一炮俾百几万BSD嘅人。

我识几个手持商务签证既强国生意人，都有定酒店的烦恼，有人就此买件私楼脱苦海!

咁我问你，你觉得几多个有“定酒店的烦恼”嘅强国人，会攞咁多钱岀嚟解决问题？要解决定酒店问题系咪一定要买楼？我假设你所讲呢位兄台经常需要落香港公干，我提一个方案：

1150万，大陆5年定期约五厘，假设15年维持不变，单息系每年57万五千，够租五万蚊个月嘅楼喇挂？长租咪唔驶烦罗。

亮剑兄，人家咁多人，一间屋够住？人家成日大龙凤要自置物业搞喜庆？呢样牵强咗D。

千零个一间有可能系三房。

唔好玩喇，三间房仔你用嚟照顾乡里乡亲？

你原问题系“〉请问如果一个大陆富裕家族有喜庆事搅，要齐齐来港渡假，你政府可担保倒人家，能够定到足够嘅酒店房吗?”

咁嘅情况，我觉得个个都系会安排酒店解决，100个都唔会有一个例外。

依家招呼伙伴客户唔兴喺自主楼，因爲唔想俾人睇得咁透，招呼朋友又唔同，呢家嘢我又识少少喔。

他们买既楼，定必有豪华会所，而呢D 会所十之八九只限业主入会。

都话唔一定会用自己屋去招呼伙伴客户，豪华会所又如何？

酒店有夹万服务挂？为几件货买屋嚟防盗？又系好似牵强咗D。

落得来香港单单买几件野吗?

香港近年出过几多单酒店失窃吖，买D嘢惊成咁就边度都唔驶去喇。

有喜事唔识安排乡亲住宿，有起事冇屋就要瞓街，呢类人边有钱边会隔山买牛吖，亮剑大哥，咪玩喇。

物以类聚，同有米玩开既亲朋好友会系穷人吗? 几年前你知唔知强国一组客，买新楼就如买西饼，系半打, 一圈咁扫呀!

呢样我又知道喔，咪就系呢D人有份炒高香港楼市罗。买嘅目的就系投资、利用、攀比，因爲佢地钱来得容易夹离奇，又离奇地容易，言归正传，佢地唔系为解决订酒店麻烦而买香港楼，酒店嘅总统套房系几时都唔会爆满嘅。

依家豪宅买唔到香港户口。

买完指定基金再买楼唔俾?

俾，不过讨论嘅系有冇必要，系冇。

依家D钱落香港，又冇出国咁保险。

买完香港楼再买第二个国家既楼系咪唔得先?

买边个先都得，不过讨论嘅系有冇必要，系冇。

这是最大的坏消息。

---

我有个大款客有件凯旋门向海，用嚟放杂物。

我太太有个世伯，已经移民多年，但佢在堆填区附近，仲拥有一件两房作渡假屋冇出租，他每年只於农历新年前后，回港小住个零月啫，原因就正如我所谓的因素。

To 亮剑兄

"那有起事来，唔通叫人哋瞓公园or天桥底吗?" 

To 31楼

你提供的两个答案都不是，佢都未得閒处理佢手上啲物业，佢在国内最少仲有两间屋仔掉空，一间在養羊，一间装修好，后者每周有工人去搞衛生，睇吓啲花花草草。

你世伯件两房系留喺香港嘅根，同大陆人买港楼意义上大相径庭--------

首先呢个系我老婆既世伯先真。

其次将軍澳呢件野，系佢几年前先买的，一手入绝冇租过俾人住，而他在港仲有铺同有私楼出租用以養老。

点解我会写上面 D 野?就系我老婆问佢世伯点解唔将层新楼出租收翻笔，他的答案正正就系农历新年香港好难定酒店！

其实如果你设身处地来想，当你都好似果位世伯咁有米，每个月单单收租，都可收到拾几二十万，咁兄台都会好似呢位世伯咁做，会用金钱来买个方便。

 

买楼住、租酒店住。富爸爸、穷爸爸的分别。

富爸爸买楼收租，穷爸爸租楼住，将钱存放在银行收息。

回38、39楼，

唔系穷爸爸与富爸爸的思维逻辑有别，而系成日惊楼价跌与无所畏懼的用家的分别！

留番同97班楼蟹讲，叫佢地再接再勵喇。

唔好话成日话人惊楼价跌，其实可以系“睇楼价跌”同埋“等楼价跌”。

To 37楼 亮剑兄

同意引刀兄所讲，如今香港楼对国内人的吸引力已大大减低，无端端比大笔BSD你，你以为人地D钱真系全部贪番嚟或者執番嚟？又或者为咗洗黑钱无计？如果真系純粹为找一个地方落脚，现在港深两地交通十分方便，可以在深圳华僑城买间千几二千尺大宅都系几百万人仔，在香港行完夜街，可以打电话比个司机在口岸STAND BY等我然后接我返屋企，又或者干脆攞埋个中港牌都得。我唔算系看淡楼市，亦系坚持唔卖楼的死硬派，不过对香港楼市前景始终唔敢太樂观。问题一日梁振英当政，我唔信佢会眼白白睇住目前一间300万嘅细价升到400百几万仍然坐视不理，佢一定会将之打沉。所以引刀兄如果唔系太等住用的话，确系可以睇定定先。

顺民兄，我都系咁谂，慢慢睇，因爲依家时势的确唔系几好，观望中。

42/f 引刀兄，

To 47楼 Oscar Lam兄

To: 48/f 引刀兄，

To 49楼 Oscar Lam 兄

To 49楼 Oscar Lam 兄

讲真，你所讲十个有九个赚，如果97入市而今日仲系蚀紧嘅人，我都戥佢难过，除非有大把唔志在，得一间供紧就惡顶。

TO Oscar Lam 兄

以今日楼价只系CCL峰值低几个巴仙计，无论几时卖楼都只系得好少人有得赚几个巴仙，因为连埋赚嘅钱都再买唔番同一个单位，所以应该系100个卖咗楼，最少97个实际上蚀咗。

懶人兄嘅讲法我要慢慢參透，开眼界了。

买唔番同一个单位，系今日啫，唔系以后嘛，唔买住罗。

TO 55 引刀一快兄

买唔番同一个单位，系今日啫，唔系以后嘛，唔买住罗。

楼价长远必升，理论上愈迟买，买唔番嘅机会就愈大，所以唔买住等跌，得要准确把握短期波幅低位入市，买入后长揸胜面必高；如果所谓长揸嘅年期超过三十年，则据历史观察，任何时间买入都必赚，所以愈年青时愈勇置物业，而又持有不卖者，到目前为止嚟睇，全部发过豬头炳，就算到2050年都好大机会靈验，除非通涨由今日起消失。

说得对

To 56楼 懶人兄

53/f 懶人兄，

51/f 引刀兄，

56/f 懶人兄，

TO 60 Oscar Lam 兄

懶人话之前卖咗楼嘅100人之中，约有97人实际上蚀咗，系用幼稚婆乸数，街市做生意计，卖咗再买番同样货量有无得赚。

但若以投资角度系，卖岀价出过买入价就系赚咗，并无須要再买番同一样货量嚟讲，近来十个卖楼有九个赚，系100%正确无误。

更正：卖岀价高过买入价就系赚咗，

【珍惜香港】59/F、64/F、65/F 懒人兄

呢样嘢，咪就喺我早前成日提嘅资产守衡定律罗！

其实，所谓楼奴，只不过喺一个心魔啫。呢样嘢，将本嚟喺置业安居呢个积极正面嘅人生目标，扭曲成一个消极负面嘅输赢心态；卖走自住楼租楼等跌，就正正喺嚟自呢个心魔。

半年前，我就喺咁覆一个自以为喺楼奴嘅人：你根本就冇输过，点解要输唔切？

拥有物业自住，本嚟就喺一件賞心樂事，外面个市起起跌跌，关你乜事？讲乜鬼输赢？楼价升咗一倍，一定会跌番一半架？楼价跌咗一半，又一定会升番一倍咩？呢样嘢，边有保证架！自住物业，根本就喺无价，点解要蚀钱卖？一日唔卖，一日都唔会输；供楼又喺供俾自己，到咗退休果阵，唔使再憂住屋嘅问题，置业安居，就喺咁简单。千祈唔好为咗一个输唔切嘅心态，随便蒸发自己嘅资产。

好多人太著眼个楼价，其实，物业嘅风险，从来都喺响业主嘅供款能力度，而唔喺响个价度。一个 500 万嘅物业，八成按揭，同一个 400 万嘅物业，十成按揭，响同样嘅息率之下，风险都喺一样。一个人嘅供款能力，就即喺佢嘅搵食能力；有冇物业，都要搵食啦！唔喺供，都要租，边计得咁尽？压力，喺嚟自一个持续搵食嘅人生，而唔喺嚟自一个要供嘅物业嘛！成败，喺取决於一个人嘅人生观。

积极正面嘅人，今日跌低，他日总会爬番起嘅；
消极负面嘅人，今日赢咗，他日都会输番突啦！

TO 66 珍惜香港兄

兄台对於自住物业睇法系属於瀟灑一族，觉得自住楼好似系心头好嚟看待，无須理会佢昨日、今日、明日价值几多，总之负担得起就心安理得，人到咗呢个境地可以讲系好写意，懶人今日雖然不富有但都明白兼体会到。

但系今时香港一个住宅单位，可以用价值不菲嚟形容，要做得到咁瀟灑，真系要有一定财力同心理质素至有条件，呢啲阶层嘅人唔少，但系无咁好能力者而又想去拥有一间自住楼嘅人，佢地嘅心态可能系截然不同，尤其是首期系借来嘅，要还又要供嘅，楼价升跌一定系好在意同惶惶然，懶人因为后生时同细佬夹份供一层楼就系咁环境，好深刻嘅体会，供完楼月尾几日要借钱开饭头嗰一年，一世记得，如果当时计过负担得起至买而唔去慳去搏，捱过咗嗰个难关储存咗基本实力，好可能今日一个单位都未能拥有。

无足够能力去搏可能得，可能失，唔去搏系咪就可以一生安稳？97年去搏同03年去搏，成败天淵之别，人生际遇无常难料，懶人只一生拼博，从来抱謀事在人，成事由天心态，逆境时捱系视作当然，顺境时就会稳守加进取，性格到今日都无变。

67/f 懶人兄，

TO 68 Oscar Lam兄

兄台与珍惜香港兄都是有学问，有见识，聰明而充满正能量的人，是前生修的福；懶人小时不懂学问好，苦头嚐得够，人倒学会开心过一天，不开心又过一天，只要今天挺得过，明天会更好，转眼几十年，原来真的今日比昨天好，但愿与兄台、珍惜香港兄共勉之。

先同懶人兄讨论下先。

TO 70 引刀一快兄，早上好。

 

引兄对意见交流好认真，即表示尊重对方，同时兄台对内地非常了解留意，亦樂意於分享，论点有前瞻性、啟发性，系懶人觉得尊敬嘅地方。

 

引兄第一点提到：香港将来嘅人口密度，可能因开发更多地而不升反跌、同时内地好容易覓地替代、或足以与香港競争嘅理想地区；第二点提到：香港将来与国内嘅交通将更高速、方便、四通八達，可能会将香港现时優势分流，对国家嘅重要性、唯一性降低，从而影响咗香港将来嘅地位；第三点提到：香港将来2047年一国两制极限日到来，所有地契都可能发生业权重新处理危机，担心将来物业价值。

 

懶人觉得引兄提岀呢三点，隱含对香港前景担憂，或岀於现时香港乱局引发或加深，应系人之常情，但呢三点存在不确定性，同时系两刃刀，一就系就令香港从此步於末落，一就系就令香港以后更加重要，结果如何就正如引兄所言，端视亞爷对香港嘅定性同长远策略。

 

懶人試以亞爷嘅角度去谂，香港单就百年来喺全球嘅名气、成就、獨特性而言，等若国家一项光芒四射嘅名牌，应该无咁容易再创造、被取代或被放棄，香港在政治、地理、民生、经济各方面都紧紧掌控於国家，任何乱局不容易生根，况且今日国家政治手腕及人才、经济实力、国富兵强、谈判籌码己不同於往日，处理香港问题绝不会鐵饼一块，观乎之前23条立法系国家之重，亦以审时度势态度容緩变通处理；至於特首无能禍港不会持久，且看董建华政经失误下场，CY愈行愈近矣。

 

懶人深信，香港未来几十年仍对国家有重要政治、经济、对外缓衝、对外試探、对外宣传、对外溝通价值，在国内政治大改革前，其作用洽如政治防火牆，国家不会轻易放棄香港咁不智，引兄最担心嘅事将来可能系对香港最有利嘅事。

 

至於对物业睇法同投资处理，如何对应香港前景，引兄大智大慧，必然暸然腦中，无用懶人多言了。

【珍惜香港】TO：67/F 懒人兄

回想几十年嚟嘅起起跌跌，依家讲番转头，梗喺瀟灑啦！其实，当时面对嘅每一个浪，都喺战战兢兢架！

积极正面之路，从来都喺咁难行；成魔之路，总喺好直接，好吸引嘅。就好似 Star Wars 里面果个 Yoda 咁话：「The dark side of the Force, are they. Easily they flow, quick to join you in a fight. If once you start down the dark path, forever will it dominate your destiny, consume you it will」。原来，睇 Star Wars，都可以学到一啲人生哲理架！

我嘅人生，最黑暗果几年，官司纏身，生意赚埋都唔够俾律师费，真喺几乎搞到连饭都冇得开。最简单直接嘅，当然喺认输，再加一个破产，就可以脱苦海啦！当时我嘅代表律师都喺咁话，人地财雄势大嘛，点斗？不过，我冇拣呢条成魔之路，点辛苦都要捱过去。几年苦战，累积经验之后，就连律师都炒埋，玩自辯罗！最后对方终於顶我唔顺，举手投降。当时若果有一念之差，我就冇今时今日啦！

其实，莫讲话自住物业，作为一个物业长线投资者，都喺咁嘅态度。我喺响 97 前嘅高峰期上车，金融风暴嘅前一刻，仲买咗两个物业收租。时至今日，果两个物业，我仍然持有；依家佢地嘅楼价，莫讲话番哂家乡，仲升咗唔少添；不过，都喺果句，继续收租，冇谂过卖喎。

懒人兄都喺一个积极正面嘅人，共勉之啦！

To 60、61楼  Oscar Lam兄

To 63楼 亮剑兄

To 懶人兄 

「因为香港嘅底气，完全来自英国殖民时代」，呢句说话系好多思想左倾嘅人从来唔肯承认亦唔会讲，同时引刀兄亦很瞭解国家及黨的心意。其实现今香港仍有好多人的思想还左过江青四人帮，同我接觸很多国内人的思想相差甚远，开明还不及国内人。引刀兄移居国内多年，但仍坚持使用原体漢字实属难得，在下敬佩。还发觉引刀兄的中文和漢字运用功力突出，可唔可以告诉我你年少时讀边间学校？

顺民兄，过獎过獎唔敢当，呢度文底比我强嘅人不胜枚举，顺民兄你亦系当中文气斐然嘅一个。至于我讀过嘅学校，都系仅仅比“负名校”略佳嘅普通学校啫。

TO 珍惜香港兄、引刀一快兄、Oscar Lam兄、顺民兄、亮剑兄、各位网友。

各位兄台晚上好，懶人人生经验中，看着年齡相若的人，今日有名或有利，表面得体风光，其实只有少数人生来就一帆风顺，多数人都经历过多次惊濤駭浪、辛酸历鍊而得来，挺过的许多酸甜苦辣衝击，难以一一为外人道，超人李嘉诚先生系个中表表者，系懶人偶像，縱然再十世亦难望其背项。

珍惜香港兄稍稍提及过往其中一段官司经历，懶人己可体会其中苦况，承受压力之大、精神负担之重、经济困境、情绪困擾日以继夜地折磨着，确是苦不堪言，佩服珍惜香港兄坚毅不拔、决不卸责、誓不低头勇气；懶人亦試过打官司收租霸楼，不过其艱难处相对而言系小巫见大巫了。

慨嘆人生充满淚水与歡笑、嘗試过失败然后成功、捱过失去苦痛之后再欣然得著，说生命多姿多采，想必如此。

72/f 珍惜香港兄，

78/f 懶人兄，

原来引刀兄系新法仔，唔怪得之。我有两个青梅竹馬好友都系新法仔，当年会考成绩好唔错，中英数都攞A同B。唔系偏见，由於以前系金字塔式教育，所以中五仔都叻过现在的中七。至於懶人兄成日话自己讀书少，我麻麻地相信，系大智若愚者。

咁顺民兄你嘅老友梗系讀A班，我就系C班仔啫。