拉布，又叫冗长演说、冗长辩论，系议员喺议会利用议事程序，延迟或押后一啲佢哋反对嘅议案。呢啲行动包括用拖延动议、特登缺席令到唔够法定人数开会、陈述一啲超长或冇意义嘅演说。拉布只会出现向法治、民主社会 [未记出处或冇根据]。
而议会议长运用权力去中止拉布嘅手法，就称之为「剪布」。
喺美国参议院，当一啲少数派唔够票否决佢哋反对嘅议案时会采用嘅策略。
美国参议院喺1917年加入规程终结辩论，之后再喺1949年、1959年同埋1975年修订过。而家就需要整个参议院议席五份三人或以上先可以终结辩论。虽然对拉布有咁嘅限制，但拉布依然有机会发生。
香港立法会第一次拉布系喺1999年12月1号，建制派议员为咗通过解散民选嘅市政局同区域市政局嘅草案，由民建联嘅谭耀宗同埋曾钰成发起。
香港立法会第二次拉布系由2009年12月至2010年1月，财务委员会申请广深港高速铁路香港段拨款引用过。议员透过不停发问拖延。会议由2009年12月18号开始，再喺2010年1月8、15同16号续会。
第三次拉布系喺2012年5月，由人民力量两名立法会议员黄毓民同埋陈伟业，喺议案《2012年立法会（修订）条例草案》会议里面，一齐提出一千三百几条修订。
第四次拉布系喺2012年10月至2012年12月7号，立法会嘅财务专员会审议长者生活津贴，社民连嘅梁国雄「拉布」，要政府消除「长者生活津贴」嘅资产审查嘅规定。梁国雄话会在吓年嘅《2013年拨款条例草案【修订】》中拉布。
第五次拉布系喺2013年5月，由人民力量同埋社民连在内嘅三名立法会议员梁国雄、陈伟业、陈志全同埋独立议员黄毓民，喺议案《2013年拨款条例草案》，要求推动全民退休保障同埋「派钱一万」，政府话如果立法会唔喺5月15号嘅「死线」前「剪布」，就暂停对医管局同大学嘅拨款。之后曾钰成喺5月13号决定引用议事规则同埋依据两条《基本法》条文作「剪布」，喺5月14号中止辩论同埋开始表决710项修订。
第六次拉布系喺2014年5月。
由於香港特区政府立法会系唔完全民主选举制度下产生[1]，条例政策推出有时唔能够表达市民诉求，拉布方法可算系民选议员抗争手法嘅一种。
世界纪录[编辑]
最长嘅拉布发言记录系南卡罗莱纳州参议员 Sen. Strom Thurmond 喺1957年8月嘅发言。因为佢反对公民权限制而唔停讲咗24个钟头18分钟。
自从有咗终结辩论嘅规程后，最长嘅拉布记录系74日。喺1964年一班南部州份嘅参议员拖延一条有关公民权嘅法案辩论。
App下载
