|
1. 阿戊 2016-04-02 08:35:05
|
|
|
2. 介意 2016-04-02 09:08:43
|
今年新楼并不便宜，老实说，黑厕开放厨迷你路台，全部呃紧实用面积，再加上高价管理费。 大发展商并没有因应市况而下调售价。继续惜售策略，直至新盘入伙推冧租金为止。 大西北细价楼回落明显，呢d比较唔会输入肉。
依家鼓吹新手入市接贵价新楼，十几廿年后可能赚。(97买入，19年后，依家有d楼都仲输紧)
希望汤生同能讲出依家买入既真正原因。rather than讲第日会赚呢d行货说话。
|
|
3. 舍神 2016-04-02 09:59:22
|
口决：四出睇楼，冷血回价，佢急你唔急。 买楼要在跌市买，沽楼要在升市沽。唔多唔少要有点勇气。 无农夫会等到最好天气先播种，"天朗气清"就唔系呢个价。
一句到尾: 唔嫖唔知身体好!^^ hehee
投资同赌，都是买 "未来" ，多少有点相同!
|
|
5. 怒妇炒鱼柳 2016-04-02 10:55:01
|
后生仔老嘢心态，楼下跌70%都唔买， 老豆话供楼要供一世，你都傻～ 继续排公屋啦，阿仔！！
|
|
6. SHUN 2016-04-02 10:56:50
|
至少今年不要赌、留多D弹药、下年再赌胜算较大、之前大小赌枱连开30口大、刚刚开2,3口细、就甘快追大、胜算低！
|
|
7. LYC 2016-04-02 11:22:09
|
应该系租客急，业主唔急。 租客个个月都输紧，业主个个月都有人帮手减少负债还有钱袋呢！
|
|
8. Small Potato 2016-04-02 11:29:12
|
当差不多全人类，都预期跌嘅时候，其实都已经可以入市。只有系呢个环境，先较大机会买到D优质单位，而又可以锄价，升市就只有追价。
即使我系海啸既时候入市，当时有好多盘，但都吾容易搵到好野，所以心头好既野，啱就要认真考虑。如果心态系"有钱使惊买吾到"既话，无絶对错嘅，不过就好大机会一世都只有等待同覌望。
|
|
9. 37岁爸爸 2016-04-02 11:43:51
|
依家我真系打算买楼,已经开始睇紧,楼价仲系好贵,而且一路睇,价一路跌,都唔知拍唔拍板好,好忐忑,不过睇完博士近呢几日嘅文章,我觉得真系要早d决定
|
|
10. 自我陶醉 2016-04-02 11:46:07
|
赌博游戏嘅设计目的就系要赢你钱，唔赌咪就系已经赢番本来要输嘅钱罗！
以买大细机会率计，输嘅机会系51.39%，按照大数理论每1000铺，你输514铺，赢只系486铺，500蚊铺要输14000大元，平均每铺输紧$14 或系2.8%负回报，唔赌已经赢番要输嘅钱。
至於，买楼同赌博都系同理，如果有个庄同你讲，你上铺冇买大，即系冇输钱，依家随时买，不论买咩都已经系赢家，因为本来你上铺已经输咗，呢铺你唔买，小心真系会开大喎，我会谂咁系咪想侮辱我智慧。
从实际层面，如果你系自用，你唔买有可能继续要交租，但就唔洗承受捱价嘅风险，你买咗虽然唔洗交租，但系一样要畀息银行赚，要交其他税，差饷，管理费，同时亦会承担下跌风险，所以，无论买定唔买，同样有风险，而风险系来自未来楼价走势，同之前有冇买根本毫无关系。
置业者其实应该评估未来风险及自己承担力，唔系怀缅过去，而系要展望将来。
|
|
11. 如是 2016-04-02 11:54:41
|
绝大多数发展商都预期楼价唔会跌好多，才会行惜售策略，又或者开价高得滞，唯有被迫行惜售策略。若唔好彩有只黑天鹅杀到，到时会唔会开仓大平卖呢！
|
|
12. 鸟5 2016-04-02 12:08:10
|
买左就5好睇，未买就要等2年(供应大)，钱少就应该租啦！市埸升跌都关人事啦。。。
|
|
13. 萧峰 2016-04-02 12:11:23
|
我在想，好多朋友系未真系落街去睇过？ 又或者可以上中原睇下一d优质屋苑的成交价（唔系大西北个d）。
|
|
14. 狗头猫 2016-04-02 12:14:57
|
广东俗语 : 谂得清就冇得拎。 买楼卖楼有时也很讲运。
|
|
15. 十郎 2016-04-02 12:20:02
|
可以这样解释：今年买，就算跌咗，都比旧年买嘅，输少d，输少咗。
|
|
16. Small Potato 2016-04-02 12:20:28
|
见依家D优质盘，肯减少少既，都好快去到货，但都系低估价3-10%内，我成日留意住，系想入货，但层旧楼放吾出😉，又吾肯贱卖，就t唉! 如果当呢D减价盘消化完之后，个市整固一轮后，可望平稳。长期等待同覌望既朋友，最基本都已经输左比时间，始终时间都系成本，时间亦只会系一去不回。
|
|
17. 自我陶醉 2016-04-02 12:21:01
|
狗头猫兄，
赌博要赢有三个重要因素： 1. 风险分析 2. 资金管理策略 3. 运气
除非有人成世都咁好运，否则，没有1、2两个因素配合，最后结果都会系一样。
|
|
18. SHUN 2016-04-02 12:27:17
|
9楼请留意、呢道好多地产商喉舌、你日后做负资产时、呢班托市怪唔会可怜你。周围经济甘差、就算你份工好稳阵、无必要买贵楼！
|
|
19. 如是 2016-04-02 12:27:17
|
萧峰兄，优质屋苑那当然企硬，一来买卖双方都预期楼价唔会跌多，二来过去多年楼价急升养肥左咁多买家，自然僧多粥少。
|
|
20. 萧峰 2016-04-02 12:42:48
|
其实每一次调整，都会震出一d优质盘，但好快被人承接，能否搵到好野，就系考验你的眼光同勇气。
上车盘另计。
|
|
21. 萧峰 2016-04-02 12:54:12
|
to SHUN
你都几无聊，你唱淡冇人理你，人地表达观点，就系地产商喉结，冇证据乱讲就系诽谤。
|
|
22. 观众 2016-04-02 13:05:16
|
话左Shun 系无料人好耐嫁啦 真系吾明人地要买楼 有需要咁都要被人话会变负资产 淡友把口真系呢！
|
|
23. Ann 2016-04-02 13:26:09
|
楼上9楼，你睇左边句要决定买楼？做人要有主见。同21楼你肯定呢度无人系做地产，或者地产代理？
|
|
24. 神算 2016-04-02 13:40:36
|
未必系惜售，会系唔想推冧市价，但疯狂折扣加按揭办法，如果都去唔到货，都几湿滞。
|
|
25. 萧峰 2016-04-02 14:05:09
|
to Ann
做地产、或者地产代理就肯定是地产商喉结？概念混淆吧！
论坛给每个人发表自己观点，只要唱好就是喉结、地代？
|
|
26. SHUN 2016-04-02 14:20:00
|
唱淡就无聊？唱好咪系阴毒罗！几百万债务、一生人幸福、买楼呀…………你班地产佬为左自己开单呀！hk仲有言论自由嫲！人多吹好个市就好？我信李嘉诚都唔信你班害人精！
|
|
27. SHUN 2016-04-02 14:34:00
|
得闲你班友就打电话、叫下D熟客放盘、唔好坐系写字台道玩电话同我斗咀。
|
|
28. SHUN 2016-04-02 14:38:58
|
我一个人吹淡姐、你班所谓好友就甘惊？无料地代…………哈哈哈！
|
|
29. 市民 2016-04-02 14:43:10
|
9楼，你去7楼或者25楼，佢地会揾D地代声称懵盛盛业主放盘比你的。多谢水鱼。（代答 ) 半年后连首期都冇埋！！！
|
|
30. 望东楼 2016-04-02 15:06:30
|
博士，我已经bookmark咗呢页：『 而且，楼价总有一日会升超过去年高峰』立此存照。
咁多位，地代只要成交，不问上落。系度嗌得最大声楼价一定上嘅最大机会系高位入咗货嘅艇户。
大侠，你有冇去太古城之类嘅地方睇吓，报纸就话到劈得特别深，唔知系咪好多deep in the money嘅货。咁当然系旧啲未必衬得起阁下。
|
|
31. SHUN 2016-04-02 15:26:38
|
30楼、我重申一点、有人收左$帮xx商散货、一定会吹好、升市、跌市仲有鬼人买楼、地产股股价亦冧、xx商蚀得仲甘！
|
|
32. 向饭民说不 2016-04-02 15:32:31
|
楼价是否高过以前，最重要的其实是香港是否没落。资金是否追逐香港楼市。
97年之前，因爲香港经济依靠世界工厂角色，所以楼价持续上升。
03年之后楼价，开始上升，因爲大陆重新注入资金，加上08年的美国量化宽松。
今日香港人不要大陆资金，一旦热钱流走，楼价凭咩创新高呢？
真系靠毒媒的塘水滚塘鱼的本土经济？得的话，大陆政府03年就不需要开放自由行救你香港于水火之间啦。
|
|
33. 萧峰 2016-04-02 15:44:35
|
to 东楼兄
我明你想话，我系旧年坐艇嗰个，好肯定话你听，我唔系，一直都话，搵紧楼，好似small potato兄咁，但冇啱价既。入左市，一定话你知。
其实博士都几无奈，依家唔叫人入市，未来就被人吵，依家出声，就等於叫人地买炭。
「去年，我知道有不少人因为爆煲论而没有买楼，如果我唔在适当时候叫他们买楼，他日楼价回升到超越去年他们打算买楼的时候，便会怪责我，话如果没有听我讲，即使当时买贵，但没有买错，唔买就最错」
|
|
34. 望东楼 2016-04-02 15:45:34
|
大侠，非也、非也。记得阁下都系呢几个星期至转view。BTW我最钟意人哋转軚。
|
|
35. 引刀一快 2016-04-02 16:37:45
|
|
|
36. 真真薯片 2016-04-02 16:40:45
|
博士成日叫人今年要买楼
如果搵到劈价盘当然可以买, 但系劈价盘可遇不可求, 要撞手神
至於一手, 今年都系推左元郎, 何文田, 将军澳, 元郎个价绝对唔系平, 将军澳一样, 何文田基本上唔系比打工仔买, 睇怕要等埋将中其他盘同荃湾西/南昌开卖一手先会再减价
|
|
37. 西门吹雪 2016-04-02 16:41:37
|
各位，大侠３月嗰几个星期出去睇楼，体会到ｄ笋盘比人扫紧ma。我早在３月头已经讲个势似反弹。咁大侠体会到个市况同大家分享者。 不过我都吾止一次讲，到底３月呢个系见底坚反弹，定系回光反照呢? 今次我连估都不用估。我谂大侠好快会体会到架啦，大侠到时记得分享下喎 =)
|
|
38. LYC 2016-04-02 16:44:46
|
唱跌个啲人就唔系租屋住,仲吹到有大把楼想买多间tim,唱升个啲就系上年买咗楼,小人之心!
|
|
39. LYC 2016-04-02 17:04:10
|
|
|
40. 真真薯片 2016-04-02 17:15:14
|
博士成日讲今年楼市大造, 所以今年要买楼, 唔买之后又会升返
在下buy博士呢个讲法, 但系今年劈几多好视乎一手劈唔劈, 据报导, 今明两年预计有三万二单位落成, 落成唔系卖楼花, 比较易估亦应该比较准确, 而三万二楼花据报导有六成仲未开卖/卖出, 问题系发展商想唔想拖到入伙都唔卖, 睇入伙期, 大部份新楼系16年尾到17年-18年上半年系入伙最高峯(所以16年万八入伙应该会错, 因为一大堆迟几个月去去左17年, 不过实际上影响唔大), 即系发展商要到16年尾-17年全年先最有动机去推盘, 曾渊仓年头都有同一讲法, 今年卖楼压力未系最大, 明年后年先系戏玉
如果一手今年就劈价, 二手楼一定会多左劈货盘, 咁就今年买, 如果发展商明年先劈, 或者可能明年先多平盘
不过睇暂时既环境, CCL今年内见120机会都唔细, 问题系明年会唔会见110
|
|
41. 细味 2016-04-02 17:19:27
|
竟然推年青人宜家买楼?????
点解是年青人? 值得细味。
|
|
43. 真真薯片 2016-04-02 17:25:11
|
留名睇海天晋做唔做到一Q清加价加推
记得上星期话维港星岸放完价cut优惠, 依家点?
|
|
44. 萧峰 2016-04-02 17:27:54
|
我感觉目前发展商在试紧，用元朗盘试细价楼，用何文田试紧豪宅的市场承受价。
|
|
45. 博士粉丝 2016-04-02 17:37:17
|
去年年初，我估计楼市见顶，所以出售收割。今年我抱悲观，估计楼市再跌20%以上，记著，是再跌及以上。信不信，由你！
|
|
46. 何生 2016-04-02 17:39:16
|
【名家抢先睇】超人其实是看好楼市（何熊辉） | 1,449 | | 建立时间 (HKT): 0402 17:00 |
自去年第三季以来，股市大冧，中国经济环境日差，加上加息阴霾挥之不去，楼价下跌早成舆论共识，不过半年过后，只有铺市冧了，至於中小型住宅单位楼价，仅跌不足成半后，近期出现反弹，原来这个跌市中，穷人楼最具抗跌力。 最近穷人恩物的未补地价公屋，尺价逆市屡创新高，其中香港仔华贵邨的个别单位，以尺价6,066元成交，倘计及补回地价，尺价市值约8,700元，试问现时尺价市值约9,000余元的一般私人屋苑，尺价还有多少下跌空间？值得注意的是，早前跌价重灾区的嘉湖山庄及沙田第一城等屋苑，最近减价盘已大幅减少，成交量亦开始回升。 新盘销情方面，卖1.2万元尺的元朗新盘，已出现买楼人群，一些中价豪宅，登记的认购倍数亦达8倍之多。至於银主盘方面，中小型单位类别的物业，完全看不出有增加的统计数字，反观位於九龙站上盖，曾受强国人追捧的中价豪宅，反而出现个别的银主盘。 最近富豪李超人表示，现时的香港经济是20年以来最差，这言论一出，市场就将之解读成睇淡楼市的看法。事实上，现时的失业率不足3%，工资亦未有普遍出现负增长，最差的经济环境下香港仍有这样的表现，所以楼价一直未有大冧。逆思维去想，超人其实是看好楼市。
|
|
47. 望东楼 2016-04-02 17:58:26
|
31／F Shun君，理论上有呢个可能。但如果条友嘅表现咁差，直头倒米，正路一早俾人炒咗啦，系无？
|
|
48. Koichi Fuyumi 2016-04-02 19:19:53
|
从中Ｘ地产找出来的成交数字 01/04/2016 1期 3座 高层 F室 (租)$13,000 495尺 610尺 $26/尺 $21/尺 31/03/2016 1期 3座 低层 F室 $448万 495尺 610尺 $9,051/尺 $7,344/尺 请教师兄，小弟亦想买番层楼收租，所以计咗一下条数。希望师兄们指点一下。 收入： 12,000 同座同向，高层租13,000，当低层减$1,000 支出： 利息支出，70%楼价，2.15%息，一个平月均5,600 首期机会成本，30%楼价，3.87%息（当买稳健中电收息），一个平月均4,300 交税：1,700 差饷/地租：500(估) 管理费：2/实尺，990 月总支出：13,000左右 总结每月要比1000支出（供楼本金部分当储钱，不算支出） 即是只要每个月贴租客一千蚊住我层楼我就可以搏升值。 请问条数是否咁计呢？
|
|
49. 如是 2016-04-02 19:45:29
|
To 40/F 真真薯片兄，好好的分析，可能有部分按奈不住提早劈价。 To 30/F 东楼兄，请问点解要 bookmark 呀？有乜玄机？
|
|
50. See the facts 2016-04-02 19:46:46
|
要看事实:
1. 滙丰银行集团先话冻薪,被职员按章工作抗议才暂时搁置计画, 2, 关键旅游関门, 3. 太阳报停刊, 4. 星岛冻薪及高层减薪, 5. DHC 関门.
不知到下一个关门是谁?
|
|
51. 望东楼 2016-04-02 20:44:56
|
如是君，个句细佬咪已经『』咗罗。呀，应该系with respect to细价楼，毕竟正路讲后生仔系由E仔开始。
|
|
52. 望东楼 2016-04-02 21:07:00
|
48／F，一间楼收几多钱租可以好多外间睇唔到嘅变数，比方装修、有乜家电、租客系公务员定发型师、租客预俾一年租，要你减一成、租系公司交，所以肯俾多五旧，不过要换晒全屋冷气、租务市场唔好，业主俾咗一个月免租。。。。。
BTW，租约系咪一张接一张？使唔使俾经纪佣？家电可以用几耐？装修可以顶几耐？以前懒人就话自己搞掂。你识唔识？管理费：2/实尺：Are you sure？栋楼有返咁上下年纪当然有要大修嘅日子。管理费入面有无包维修基金？
|
|
53. 如是 2016-04-02 21:32:08
|
东楼兄，恕我愚昧，不明你真正意思。
难道细价楼不能总有一日会升超过去年高峰？
|
|
54. LYC 2016-04-02 22:14:52
|
又一个以徧盖全的淡友，全港几十万个企业+最大顾主，拿几单减薪新闻来唱衰经济，都几好笑。 更好笑的是一个淡友问另一个淡友楼价会不会创新高，大家互相吹跌，互相安慰，称赞对方唱跌的分析，暂时忘却交租的痛苦！
|
|
55. 狗头猫 2016-04-02 22:33:03
|
回17楼自我陶醉前辈 绝对同意第2点资金管理策略。 至於风险分析,假设平常人智商100,业主和买家多数是平常人,大家都会做风险分析,结论业主愿卖,买家要比业主更看好才会买,即是买家风险较高。如果谂得清真是乜都买唔成的 。由於买卖公平,买咗之后是龙是蛇,已是后话 。 以上只是空闲写Ｄ嘢驳吓嘴吹吹水而已,但求笑吓。
|
|
56. 回LYC 2016-04-02 22:36:22
|
|
|
57. 不做楼奴的香港人 2016-04-02 23:29:22
|
零售业有排暗淡，主要是大陆人去其他汇价更平和更优质的地方(如韩国和日本)消费，这个情势相信会是中长期性，6月上海廸士尼再开幕，又抢走一批游客，呢紧两三年香港经济几肯定继续低迷。万一大陆出事如政变或经济再加速变坏，咁就...?!不过呢样好难估，政局和经济仲变化紧。 但几肯定系生意再难做左，裁员一定会不断出现。未来两三年楼价仲有得跌，有钱人去其他地方投资好过。唔好俾升左10年的楼市蒙蔽，1997年时大家唔信个市会跌咁多和咁耐，结果....PK再PK罗！！ 年轻人要继续忍耐和等待，不要现在做楼奴，买楼机会多的是，年轻时要投资在自己身上进修增值！！
|
|
58. 买金好过买楼!! 2016-04-02 23:41:01
|
|
|
59. 历史长河 2016-04-02 23:48:41
|
回10楼陶醉兄，
博士的立论冇错，长河以为你的例子倒喺错误。
简单来讲，「赌大小」喺随机机率事件 - 无论连出几铺大，下一铺出大的机率都是一样。
房市升跌或然率则不属这个范畴，用条件机率 (conditional probability)来描述较合适。亦即楼市明年的升跌并非完全与今年走势无关。当然喺咩关系则喺另一个话题。
你所举例子有问题，得出的结论当然就可能有问题。
|
|
60. 望东楼 2016-04-02 23:51:15
|
|
|
61. Koichi Fuyumi 2016-04-03 00:10:56
|
望东楼师兄所言甚是，忘记咗佣金和免租期。 当每24个月搵一次租客，6500佣+6500两星期免租+13000一个月搵租客时间，拉匀要再加一千一个月。 大型维修一般比咗以后，楼价会升番所以可以不计。除非遇上租霸玩野，应该基本维修有限钱。 结果系每个月要贴租客二千蚊左右先有得谂升值。如果未来市况平稳或者升得慢，要每个月搵钱贴租客住屋其实有少少难受。当然要升值有时可能要接受蚀头段少少。 另一个考虑系加息。即使当OC要求回报一样，每加0.25厘息就大约要贵$700息一个月。当一年加两次息（半厘），租金要升番最少$1400（未计交多咗税）先填到条数。所以未来租金会否每年以10%增长。亦是另一个考虑
|
|
62. 如是 2016-04-03 00:28:32
|
|
|
63. 引刀一快 2016-04-03 02:06:29
|
To 57楼 兄台
唔驶咁悲观，上海迪士尼开幕之后，会有一类新游客！就系玩完上海迪士尼之后，好奇想比较一下香港迪士尼有咩区别嘅人，香港加油，咪衰俾人睇呀！
|
|
64. 望东楼 2016-04-03 06:46:56
|
如是君／小刀，我嘅思路跳跃咗，自己都无留意。多谢提醒。你可以话系几时重返呢个位。当时嘅购买力系点？其他资产嘅价格同回报系点？呢个先系大家要问自己既问题。呢个先系真实嘅答案。
女神成日告解我，到你七老八十，比你中条超级六合彩又如何？
|
|
65. 西门吹雪 2016-04-03 07:40:33
|
回48,61ＫF兄 识好似你咁计就吾会喺度日日唱买楼必赚啦。 买中电？ｄ人硬系要觉得买楼先稳阵，个个买股票都输埋条底裤架ma. XDDD 我前排喺呢度叫人买中电，印象中楼市未开始跌，结果比人围左几日呀。
|
|
66. 引刀一快 2016-04-03 07:40:41
|
恭喜LYC兄
56楼果位仁兄话你“庄谐并重，又不阴险”喎，你仲唔向佢道谢？
虽然大家睇法唔同，你的确唔系阴险嘅人，阴险嘅系其他人啫，呵呵
至於庄谐并重，我觉得谐多D。
|
|
67. LYC 2016-04-03 08:16:48
|
楼上个班肯定冇楼收租，供款额大部份系还loan. 我啲租客租了N年都冇转过，好小烦我，因为佢地好怕搬屋，惊我一唔高兴，出信赶佢走，唉，未做过收租佬就发表其伟论！ 你们咪信佢罗，仲好， 将来冇租盘供应，租金继续爆升！
|
|
68. 自我陶醉 2016-04-03 08:55:08
|
55楼 狗头猫兄
如果人人都有做风险分析，点会有啲人认为“楼”, 无论咩时候，咩价位都可以买，唔洗次次分析，而最后都一定会升？就算当人人都有做风险分析，都有好多人眼里只见财路，唔见绝路，世界发生紧咩唔知，连香港经济有几差都唔知，就算知外面差，又觉得自己一定无问题，所以先会有买卖，大家得出嘅结论唔同。
举个例，刚发生一场大地震，连家外街上的地都裂开了，有人会靠经验和直觉即时跑到街外避难，有人会评估情况才决定，在评估风险时，有人会评估有余震或再震的风险，有人会只用眼看，看完家里的墙没裂开，就认为自己间屋无比安全。 因此，每个人最后决定都有分别。除了智商外，经验，判断力，评估方法，每个人的假设和常识，对最终决定都有影响。
|
|
69. 自我陶醉 2016-04-03 09:06:10
|
59楼长河兄，
你个人真系几有趣，一时又话楼市冇人可以预测，一时又话楼市明年的升跌并非完全与今年走势无关，到底系有关定无关？ 2014同2015又有咩关？ 如果有关，咁你已知2015, 咁2016系升定跌？ 2017又系升定跌？点解？
|
|
70. 历史长河 2016-04-03 09:45:17
|
69楼陶醉兄，
如果生仔生女机率一样，则一对公婆生两个仔的机率为25%；
如果已知佢第一胎喺仔，那么佢哋生两个仔的机率则为50%。
前者为随机机率，后者则为条件机率。咁你觉得楼市与赌大细喺一回事吗？喺似随机机率定条件机率多点？
说回楼市，长河一直认为的喺「长升路上有波幅」，不知这算唔算预测？如果我哋同意在很远的未来一日楼的价格喺一个定数（100万一尺），数学上来看则今年的升跌对未来的走势喺会有影响。只不过这个影响会何时体现出来, 好难预测。
你问的问题，长河真的不知，否则也不会采用「够钱就买」笨策略。我唔知唔等於博士唔知，博士现在建议去年冇买的可善价而入，我想佢应该有佢的判断。所以话博士立论正确，而你以赌大细论输赢的例子有误。
|
|
71. 十郎 2016-04-03 09:53:44
|
|
|
72. 萧峰 2016-04-03 11:05:20
|
to Koichi Fuyumi
如果我系你，我会计每个月2000使费，多年后多左层物业，好值得。
|
|
|
73. 望东楼 2016-04-03 11:15:13
|
光一san，好难得系度搵到个用左脑又啱嘴形嘅。
维修后物业价格会上升：啱，正路系比维修价格高添。不过小心个期租约打七折。以呢个价位嘅楼，业主应该倾向维修以平为重心，理论上六个月乜都搞掂。
得闲多啲上嚟分享阁下嘅进展。
|
|
74. LYC 2016-04-03 11:54:04
|
|
|
75. 引刀一快 2016-04-03 13:09:21
|
To 68楼 自我陶醉兄 有D人地震之后，走去庇护站，立马用电脑分析“数据”，然后向未出逃嘅人广播，话数据显示冇危险，千祈咪走呀。
|
|
76. 引刀一快 2016-04-03 13:15:38
|
To 70楼 长河san
“够钱就买”唔够，加埋“唔理赚蚀”，同埋“月入驶唔晒”，咁先可以概括你所讲嘅投资策略。
|
|
77. 历史长河 2016-04-03 13:31:30
|
刀兄，够钱就买当然可以唔理赚蚀，何须重复呢？月入使唔哂？应该喺永远不够才对吧？
够钱就买内含楼市智慧，你先悟悟，小弟得闲时同你交流一下。
|
|
78. 自我陶醉 2016-04-03 14:02:03
|
哗! 做咩长河兄今日谦虚咗咁多，乜你唔系话只有神先知个市升定跌咩？ 唔通博士系神？ 到底你系想擦博士鞋，定系想话我错先咁讲呀？ 哈哈！
有时听人讲嘢唔好只系用只耳，要用个心听，博士有话明年会升？ 唔觉喎！ 博士嘅目的今日都讲得好明显吓! 佢叫上年本来要买楼嘅人今年买，系一个保险，而唔系对后市嘅预测，如果有人要扮醒目未听清楚就走去入多两层博升，咪祝你好运罗！ 但系蚀钱就唔好找博士麻烦喇!
|
|
79. 引刀一快 2016-04-03 14:05:20
|
长河san
乜唔系刁兄咩？
唔驶“悟悟”声嘞，好似疴屎唔出咁，哈哈哈哈。
只要加上“唔理赚蚀”、“月入驶唔晒”呢两个标签，大家自然识得对号入座。
我细个嘅时候，钟意听POP Jazz，又系有钱就买，由黑胶到CD，乜都紧缩全部钱就系买音乐嚟听，今时今日的确好多成为经典，但系几乎全部喺网上可以免费听。当年可以花十五份一嘅价钱租嚟听，casssette几蚊dup咗佢，咁我嘅少年人生就丰富得多。
香港始终只系一个城市，就好似广州，以前属於番禺，后来反过来将番禺变成辖下一个区，地方大咗好多倍，顺德咁有米嘅地方，佛山话吞就吞。
|
|
80. 萧峰 2016-04-03 14:27:43
|
博士上年叫停本来要买楼嘅人，佢觉得自己有份责任系适当时侯话人听几时入市，咁先系有交代。以博士江湖地位，如果预期明年跌的仲甘，佢会叫人地依家入市吗？
|
|
81. 引刀一快 2016-04-03 14:36:29
|
自我陶醉兄
长河san讲嘢客气咗咁多，你咪又陪佢河蟹下罗。你睇我依家几内敛。
|
|
82. 自我陶醉 2016-04-03 14:40:19
|
萧兄，
乜你听到我话博士预测明年跌咩？ 唔知我讲咗边句令你有咁嘅谂法呢？
|
|
83. 自我陶醉 2016-04-03 14:45:05
|
引刀兄，
我都冇咩唔和谐呀！ 坏习惯有时好难一次改哂!
|
|
84. 引刀一快 2016-04-03 14:49:41
|
自我陶醉兄
咁我又唔认为呢D系坏习惯喎，论坛冇火花边度好玩嘅呀。
|
|
85. 萧峰 2016-04-03 14:54:12
|
「博士有话明年会升？ 唔觉喎！ 」
最少博士预期明年唔会大跌先会讲，旧年未入市的朋友可以考虑入手啦。
|
|
86. 自我陶醉 2016-04-03 15:10:11
|
博士话最多跌多15%, 畀3成首期跌15%都最多系等於投入额冇咗一半啫，唔算多! 唔算多! 哈哈！
|
|
87. 历史长河 2016-04-03 15:13:30
|
回78楼陶醉兄，
我话博士立论正确，而你举例反论唔正确，好简单，唔好搅复杂。博士睇升睇跌我都未知，而短期升跌向来也唔喺我关注的。
如果有一日我认为你正确，我都会帮你擦的，加油啊。
不过你若对今次回避讨论议题，都冇问题，我唔喺想向你求证乜也，只是指出误区。
|
|
88. 自我陶醉 2016-04-03 15:20:38
|
长河兄，
如果有日我讲嘢你觉得正确，我一定要好好检讨到底自己有冇讲错。 哈哈！
|
|
89. 历史长河 2016-04-03 15:26:23
|
|
|
90. 萧峰 2016-04-03 15:37:51
|
所以话，买楼讲到尾系一个态度同勇气既问题。
一个未落过水嘅人教人游水应该注意的乜乜，系好无谓嘅一件事。
|
|
91. 自我陶醉 2016-04-03 15:42:30
|
又系喎，有勇气唔怕蚀一半，几时都买得喇! 呀！ 唔记得话你知，博士上年话估跌几个巴仙，今年先话最多在高位回3成，希望博士之后唔洗再加码喇!
呀，今日又学到嘢，原来睇跌就等於未买过楼。 真系唔讲都唔知㖭!
|
|
92. LYC 2016-04-03 15:43:04
|
好明显楼上位淡友根本从来都未买过楼，大概一直都冇上车的能力，却说三道四话买楼E样个样，风险高，实死冇生，同佢吹水都晒时间晒气！
|
|
93. LYC 2016-04-03 15:51:11
|
从你一直以来的回应，就知你冇本事买楼啦！ 唔系只因你睇跌咁简单，算吧啦你，努力工作去搵首期啦，再炒多几年股票，天桥底实有你份！
|
|
94. 历史长河 2016-04-03 15:52:10
|
我相信以陶醉兄的能力Full pay 20层应该唔问题，不过佢想半价入，可以买40层啫。
|
|
95. 阿 Dee 2016-04-03 17:03:21
|
讲起淡友，我记得以前有个叫杨卫隆，成日教人管理风险，依家唔知去咗边。
|
|
96. 引刀一快 2016-04-03 17:29:09
|
LYC兄
激将法系冇用嘅，Full pay20层嘅钱买40层，边个唔想？
|
|
97. 引刀一快 2016-04-03 17:31:23
|
自我陶醉兄
睇跌就要瞓街喎，我依家去霸个靓位先，到时租俾LYC瞓，呵呵呵呵呵
|
|
98. 老饼 2016-04-03 17:37:37
|
睇跌要训街?博士旧年睇跌咁我得闲去天桥底睇下见唔见博士踪影先.
|
|
99. 历史长河 2016-04-03 18:17:03
|
老饼兄，不好光看表面，博士资产配置中物业占几成？佢去年有去货吗？有入货吗？
所以天桥底喺揾唔到博士的，可能能搵到长河。
|
|
100. Oscar Lam 2016-04-03 18:26:07
|
引刀兄，
广州现时楼市如何？前几天去上海，上海刚出了新条例限制外来人口购房，港澳则不受此限。
|
|
101. Oscar Lam 2016-04-03 18:31:43
|
另外，国内刚出台的购房营业税改交增值税对国内房地产发展亦可能有深远的影响。
|
|
102. LYC 2016-04-03 18:37:34
|
唔好歪曲我意思，我系指长期毫无理据认为楼市实跌，所以唔买，再加上自以为股神咁炒股票，下埸会点，不用多讲，现在天桥底啲靓位已经长期有人用被铺霸位了！ 我一直都系好心提醒淡友，完全系冇恶意的！
|
|
103. 引刀一快 2016-04-03 18:37:40
|
Oscar Lam兄
广州依家楼市活跃咗好多，标价出现两极分化，明显就系针对外地人唔知价。
原来上海放限？上海一直都系骨子里排外，可能觉得港澳买家素质高D，可以衬番佢个城市挂，具体情况我深入D了解再讲。北上广深都限购，依家多咗好多场外配资，到时推冧楼市嘅，极可能系冇归属感嘅外来人口。
|
|
104. Oscar Lam 2016-04-03 18:46:34
|
引刀兄，
上海对港澳人士并未放限，依旧是一个家庭一套。刚出台的政策对国内非上海户口提出更严厉的限制购房。
|
|
105. Oscar Lam 2016-04-03 18:51:38
|
LYC兄，
自醉兄是真股神。炒几年股后，真的有可能买几层楼收租，不可不信。哈哈！
|
|
106. 自我陶醉 2016-04-03 18:55:07
|
引刀兄
咁你都信？ 唔买楼就要瞓街的话，条街一早已经爆棚喇! 几时轮到佢瞓。 呵呵！
|
|
107. 老饼 2016-04-03 19:39:46
|
我跟博士一样,虽然看淡楼市,去年也没有作任何买卖,好彩还不用训街.
|
|
108. 引刀一快 2016-04-03 20:11:27
|
自我陶醉兄
我信架！就算人地LYC兄唔系亲身经历过，估计佢都系亲眼见过唔少睇淡嘅人瞓街喇。
李+X今年睇淡，咁就可能要喺天桥底铺一层金箔俾佢喇，系咪？
L=Lee Y=？ C=cheng，同 李？成 差唔多架咋，唔信佢信边个？
|
|
109. LYC 2016-04-03 20:14:02
|
另一点就系一直唔买楼，系好难楼换楼换上大价楼叹下开心下威下，租金始终都系跟随通涨上升，长期都系通涨而唔系通缩架。我始终都谂唔明点解可以长期唔买楼去租屋住，一直都唔明我啲租客谂紧乜，不过，我当然唔会点醒他们呢！ 欧洲富豪大迁徙，香港都系其中一个目的地啊！
|
|
110. 引刀一快 2016-04-03 20:15:40
|
LYC兄
何谓“长期毫无理据”？
系你长期对人家嘅理据视若无睹啫，经济唔好，讲咗一千次喇！
|
|
111. 萧峰 2016-04-03 20:33:49
|
我绝对相信自醉兄系股神，毫不怀疑。
但一个股神唔等於理解楼市逻辑。
「博士话最多跌多15%, 畀3成首期跌15%都最多系等於投入额冇咗一半啫，唔算多! 」
以上好典型系股市短炒思维。
|
|
112. 自我陶醉 2016-04-03 21:31:22
|
Oscar兄过奖了，小弟的问题是唔识讨价还价，又唔喜欢追人租，自问亦冇把握自己做收租佬成绩可以跑赢REIT 及一衆收租股，所以，他日有幸唔玩股票，我会选择做吓领滙股东或买啲有优质资产嘅收租股，1年收4、5厘， 而大部份时间ROE都有双位数。
|
|
113. 自我陶醉 2016-04-03 21:38:26
|
萧兄
你估换转系李超人，佢又估个市会跌15%, 你话佢会唔会用现价投地？ 唔会又系唔系有短炒思维？
|
|
114. LYC 2016-04-03 21:38:42
|
刀兄，淡友系好主观地希望经济差，楼市跌，所以睇样样野都系好差。我又觉得经济唔系太差，个别行业系差咗少少，但唔足影响整个经济，更加唔会导致大量人要断供，贱价沽楼，反而好多其他行业正增聘人手，所以楼价已经调整完，将会平稳向上啊！ 股市短炒一定输，我唔信这些so-called股神，因为年轻时都试过研究过用不同方法炒野搵钱，最终当然系失败收场啦！
|
|
115. see the facts 2016-04-03 21:45:26
|
LYC 你狗眼看人低, 我讲事实, 你可以不同意, 个人攻击就太无品了 。你只是睇单边市罢 。
我是睇双边市的。只是现时环境, 我觉得要再跌多15% 才值得入番间, 再落再入。如果我睇错, 个市今年内如果上到中原指数160以上, 我就会放1间, 再上再放。所以个市上或落我都无所谓。
事实6. 穆迪及标普降中港评级。
如果你不明白这些事实对香港经济的影响, 去问吓那些关门企业及冻薪的员工和商铺业主吧, 或者问吓要发债的公司。
就算这两天海天晋卖了两百伙, 都只是小儿科, 因为是临海货, 你看吓何文田个市啦。
如果你用双边市的角度去睇个市,你会更明白四叔和汤博士等的言论。
|
|
116. Jerry 2016-04-03 21:58:02
|
就算无楼又唔一定要训街既，如果需要训街，除左私隠度低D，老婆儿子不愿意外，面积应该比豪宅大，哈哈！债息，股息都可以对冲租金既损失。有高手把楼加按或变现后，再用杠杆买债收息，应该已可对冲租金既损失，余下既钱仲可以有钱养车，买下零食杯面买多部五十寸4KTV叹下，哈哈！
领展当年上市才9元多定10元左右，现家40多元，仲未计多年来收左10多元既股息。十年来稳稳定定有五倍回报，也算不俗。
听说醉兄已是财务自由，可能每月收股息债息数十万，对冲豪宅租金不困难，哈哈
引刀兄，公共空间不能出租，犯法，哈哈
|
|
117. LYC 2016-04-03 21:59:24
|
讨价还价其实系市场学一们学问，每次同租客商议租金而达成共识，当中一些心理战，猜测对方谂乜，想点，对方是否好惊冇屋住，惊搬屋，企图大我有间平靓正的屋要搬走等等，成个过程都几好玩架。有一次个租客竟敢唔回覆我，我过了数星期后，通知佢一个月后搬走，佢即时道歉，以后都唔敢呢！ 事实上，我接触所有租客都准时交租，惊我收回单位，唔敢打搞我。
|
|
118. 萧峰 2016-04-03 22:12:45
|
自醉兄，
说短线思维是因为，楼市系一个很笨的投资方式，和股市完全两个概念。如果想低位入市而承受唔住短期继续寻底的市场，就真系唔洗考虑楼市啦。
如果你闲闲地都有高於5%投资年回报，当然系睇唔上投资楼市啦！
|
|
119. LYC 2016-04-03 22:13:01
|
你现在用领展$40+讲番当时$9冇乜意思呢，当领展$9时，你能预知现在$40+吗，当中上上落落，能揸到现在吗？ 太多变数了！马后炮系人都识得吹！
|
|
120. 占士 2016-04-03 22:14:39
|
各位师兄，在股票市场只有5%的人是真正赚钱的，我认为自醉兄，Jerry兄及弼兄等都属於那5%的高人，他们在股票市场获得比物业市场更高的回报是可以肯定的！如果可以的话，希望几位师兄和大家多分享股票市场的投资策略和成功经验，让我们可以多多学习！哈哈
|
|
121. 萧峰 2016-04-03 22:19:20
|
训街系一个比喻，但次次出现即被围攻，我谂，系因为呢度淡友都系亿万富翁，所以特别唔忿⋯⋯哈哈！
|
|
122. LYC 2016-04-03 22:24:04
|
大侠，大部份淡友都系租屋住，边有咁多有钱人呢，佢地俾我讲中了，心中不安因租屋住好冇安全感，佢地好惊真系老来要天桥底，我感觉到我的租客都系咁，但又唔敢买楼，佢地惊跌。好奇怪，我都唔明跌有乜好惊！
|
|
123. Oscar Lam 2016-04-03 22:30:09
|
回112自醉，
自醉兄在股票投资上有丰厚回报令人佩服，在下一直认为很难在股票市场上赢钱。我亦赞同不是每个人需要买自住或投资物业。是否买楼因人而异，投资自己熟悉的领域便好了。
对於长线物业投资者而言，我对物业价格不算敏感，入货时主要看自己的负担能力，但也会看timing，最主要不要在楼市气氛最高峰时入货，即千万不要追货，如去年初的楼市高峰期。对於未来楼价走势，我相对乐观，估计再下调5-10%左右应差不多了，之后将保持平稳向上，但也难大升。
|
|
124. 萧峰 2016-04-03 22:37:05
|
琴日听一个旧识讲，佢女7年前买左楼，赚左30万即走左，依家想买返？？？只有继续租。
第一层物业，系必需品，唔系投资。
|
|
125. 引刀一快 2016-04-03 23:37:18
|
LYC兄
“淡友系好主观地希望经济差，楼市跌，所以睇样样野都系好差。”
呢个就系强加於人喇，我话你知，我不知几唔想大陆经济差，唔单止直接对我有害处，大陆经济跌对好多贫苦大众可能会系百上加斤，我从来冇仇富呢味嘢，而且好关注低下阶层苦况。 经济系差，我就讲差，冇半点违心。
至於想唔想楼市跌，呢个就系好复杂嘅问题，不如你答我，你想唔想仲好喇。
我只能够讲，呢个楼价对应往后几年嘅展望，系唔合理。
|
|
126. 引刀一快 2016-04-03 23:50:40
|
To 116楼 Jerry兄
LYC口中嘅淡友，个个都系汪洋大盗、流氓地痞，点解唔可以霸桥底收租？
50寸 4K，我部电脑都用紧，两千几咋喎。
|
|
127. 引刀一快 2016-04-03 23:53:51
|
To 124楼 萧峰兄
新闻卖过有人前几年短炒赚一亿，都系各有成功失败例子啫。
如果呢位女士好好善用呢30万，或者又会又一番景像啫，咁先叫正能量嘛。
|
|
128. Jerry 2016-04-04 00:08:49
|
LYC 兄：
不用紧张，我没有持有领展，只是在昔日论坛大好友法子兄FB看到而矣。他买入的时候是09年，18元持有到今天，收了九元息。我相信也有人一直持有至今，小弟便无缘份啦，哈哈！
我只是说出其中一个对冲租金既方法，无话叫人买股票。相反，我告诉过好友群，和多种投资产品作比较，物业从穏定上，风险上，回报上，透明度，能控度，可用性，它应是最好的投资。
萧兄： 我同意每个人应该持有自住楼，我有楼住，也有租收！＾＾
好友和淡友（容许我这样说）都有好多FALLACIES。例如夸大了持有物业既成本，出租俾人既成本，成本系会随时间增多或减少，不能一概而论。每一间屋都系独一无二
即使大部分人投资股票系输钱，但不代表所有人都系。
本来想讲训街，但既然系比喻，就无谓啦，哈哈！唔系一阵就品酒论训街，哈哈
唔好意思，近来写一遍文有关CRITICAL THINKING，所以讲多左，有得罪就多包涵！我针对系事件而已。
|
|
129. 萧峰 2016-04-04 00:44:23
|
Jerry兄，
我好同意，每个人投资系自己最擅长/最舒服既地方就好，唔洗面面俱到。
我自己都有投资股票，但咁多年来，冇蚀，都冇点赚，唔比得你地呢d高手。反而楼，虽然笨笨地月月供、月月收租，反而有得着。
引刀兄，
悲天悯人，失敬失敬！
旧年我对大陆经济更加悲观，今年也一样，但有一点请留意，供给侧改革迟迟冇出台，或者说没有一个人有当年朱总理的气魄和手段，敢去彻底改革，敢去撼动。今年阿爷反而又用刺激楼市来刺激经济，你估，未来仲唔系呢条路上越行越远？ 我都希望我错，当我乱up ！
不过，品酒论训街，有几有趣哦，哈哈...
|
|
130. 引刀一快 2016-04-04 01:12:46
|
萧峰兄
依家最大问题，唔系楼市泡沫、唔系货币问题，系文化同生态嘅问题。
无论点挺楼市，国家喺国际上地位跌，D嘢嘅价值就系跌，终归都系要嚟一次大镬嘢。
我成日踎喺大陆，你话我会唔会望大陆经济差吖？
|
|
131. Jerry 2016-04-04 08:27:32
|
萧兄：
十分认同，投资自己熟悉的就是最好的投资。你的笨方法可能是最有智慧的。哈哈
我拿领展出来讲的原因是：第一是我从没持有这只股票（可能比较客观）第二：想说明，收息股回报也可以很不错。它的股息率相对其他reits低，只有4%左右，因为市场把佢当作高增长股。有位铺王教我，民生铺已是最差的，未来只有愈来愈好。领展就是把政府没能力做好既，资源整合，做番好佢。所以公司过去多年能有高增长。但未来只能稳定发展。第三：我从不建议人买股票，除非阁下做好功课。第四：它是股票既笨投资方法，不适合作短炒。
任何既投资工具，只要系稳定，能带来源源不绝正现金流，复息下去，回报甚丰.
|
|
132. Desmond 2016-04-04 08:51:24
|
131楼 Jerry 说得对，我在25元买了领展，持有至今，回报不错，我还持有其它房托包括 778, 2778, 435, 808 等，主要用来收息。
|
|
133. 萧峰 2016-04-04 09:00:13
|
引刀兄，
哎，看看朱总理10前的金融改革目标，没一样实现，大陆国际地位怎能不下跌，股市开放没？金融市场开放没？rmb自由兑换没？.........只有一条路可改变，就系继续深化改革。tpp，好明显就系国际势力对中国的堵截。真心希望一带一路真系有用！
Jerry兄，
冇错，尤其在hk投资方法很多，市场自由，资金出路亦多，只要把握自己胜任的投资即可。希望Jerry兄，今年大赚！哈哈
|
|
134. LYC 2016-04-04 09:04:27
|
刀兄，你搞错了因果关系了，就算大陆真系经济差，但是同港楼系冇因果关系架。事实系大陆资金泛滥，不断南下扫楼呀，点可能跌呢！ 淡友正是用了短炒的方法应用在唔应该短炒的楼上，结果晨早卖楼.被迫捱贵租多年，都好难克服贵买再上番车了。 佢地的确系主观愿望唱跌而睇唔到客观事实。 海天晋大卖加推，加推尺价仲贵，淡友之前认为冇可能，会冇人买，而后劈价，根本都莫视买楼需求超强。成日话一年供应万七伙单位系好多，又唔谂下需求系多过供应N倍，事实系好多人揸住钱等入市啊！ 单一股票有太多变数，管理层，经营商风险等等，亦唔敢投放大量钱落去，所以好难靠股票达到财务自由啊！
|
|
135. 引刀一快 2016-04-04 09:13:42
|
LYC兄
如果唔系大陆09年4万亿救世界，香港楼价点会推到咁高吖！
一窝蜂嚟，一窝蜂走。
|
|
136. 引刀一快 2016-04-04 09:16:09
|
萧峰兄
呢个问题淩驾政治层面，搞改革嘅人，改革咗佢自己未呀？未吖嘛！
|
|
137. 萧峰 2016-04-04 09:33:38
|
引刀兄，
冇错，正正系大陆09年4万亿救世界，将香港楼价推到咁高！但你觉得买楼的内地人会一窝峰卖楼再把资金运返回大陆吗？
|
|
138. 引刀一快 2016-04-04 09:54:43
|
萧峰兄
一窝蜂嚟嘅系资金，一窝蜂走嘅，不一定系楼市，可以系对香港嘅好感，呢样先叫大镬。
睇睇亚洲电视，你会明白好多嘢。
|
|
139. Jerry 2016-04-04 10:00:11
|
萧兄： 谢谢！ 也祝你找到岩价既心仪单位。其实小弟也一直找盘中，可能是名校网关系，叫价硬个石坚。
祝好运！ ＾＾
|
|
140. 萧峰 2016-04-04 10:39:41
|
Jerry兄，
冇错，靓校网冇点跌，最多嗌价冇咁进取。
搵到心仪单位，记得分享啊！哈哈
|
|
141. 香港土著 2016-04-04 11:01:03
|
137楼萧大侠: 点解你觉得大陆资金真系要离开香港的话，一定要返大陆呢？
|
|
142. 萧峰 2016-04-04 11:22:57
|
土著兄
我正正觉得佢地唔会运返大陆，因为依家大陆有钱人，系用尽方法想将钱运出来，例如，买hk保险等....
可能我讲的唔清楚，或者话，班之前系hk买楼既有钱人，系咁既经济环境下，仲唔想保住海外投资？（当然佢地亦可以买海外物业）
|
|
143. 香港土著 2016-04-04 11:29:34
|
|
|
144. LYC 2016-04-04 14:48:16
|
刀兄，睇楼急升，放盘量急跌，新楼超贵都热卖，有钱人扫货。你啲粉丝正在盲目地等待你所期望大跌（黑天鹅），不过唔知洗唔洗等10年8年啊，等待的成本其实都唔细啊，越等，桥底等你的概率就不停上升呢！
|
|
145. 香港土著 2016-04-04 15:01:33
|
LYC: 照你所讲楼市咁好景，即系你都支持政府唔减辣、唔放宽楼按？
|
|
146. LYC 2016-04-04 15:45:51
|
土兄，冇所谓啦，唔放宽咪慢慢升，放宽咪升快啲罗，睇住博士几时出货咪跟著做罗。博士揸重货都未惊，有乜好惊呢！ 身边啲后生仔女，有首期，要结婚自住，都话惊跌唔敢买，走去租屋住，抢爆租盘，租金想跌都难，一年几万对新人结婚，细价楼其实都冇得跌。
|
|
147. 打工仔 Andy 2016-04-04 20:52:54
|
今日有人同我讲, 有人个仔两年前买左上车盘自住, 不是高价买入, 到现在还有钱赚! 不过呢个后生仔同老头讲, 供楼好辛苦, 无得去旅行, 无得自由洗钱, 真系唔知佢想点, 真想同佢讲,供得咁辛苦, 卖左佢租楼住啦! 唔想捱, 那会有明天, 上车从来不易, 无得玩辛苦过去死, 呢d人跟本不要买楼, 租楼咪好罗!
|
|
148. 打工仔 Andy 2016-04-04 20:56:05
|
不要以为帮人上车会有人多谢, 呢个世界好人难做, 所以都系租楼好! 哈哈哈！
|
|
149. 历史长河 2016-04-04 21:07:42
|
打工兄，所言甚是，同意租楼好。
我们这一代以捱世界、赚钱为乐，年轻一代想法不一样啦。所以收租事业仲未到最辉煌时代，有排做。
|
|
150. 萧峰 2016-04-04 21:17:37
|
曾经一个地代讲过，佢第一层楼都系好辛苦储到首期，真系节衣缩食，所以人地依家做左收租业主，好似LYC兄咁。
|
|
151. 引刀一快 2016-04-05 10:07:36
|
点解一定要收租唧？我D大陆屋全部养猫狗金鱼，一间都冇租俾人。
|
|
152. 引刀一快 2016-04-05 10:12:11
|
LYC,你唔驶喺桥底等得咁辛苦，你踎到甩晒d牙都唔会见到我，你储紧首期嘅时候，我已经食紧东江水。
|
|
153. Koichi Fuyumi 2016-04-05 10:18:33
|
|
|
154. LYC 2016-04-05 11:37:33
|
点解啲人咁有趣，问个连自住楼都冇的淡友点计买楼收租，超搞笑！ 港铁上盖（日出除外），高层开扬靓装2手楼，收楼即晚租出，平管理费，洗乜计，冇得输，10年8年后租客帮你找埋条尾数架啦。买股票就肯定赢粒糖输间厂，当然楼上班马后炮股神除外。 海天晋楼花都成万五元一尺，超远站，我宁愿买1期好过！
|
|
155. Koichi Fuyumi 2016-04-05 12:27:55
|
LYC 师兄， 其实小弟倾向相信师兄不是地代而是真心相教导我们投资心得的。因为要有成交先要有好友淡友。像师兄这样的好友言论只会鼓励令业主不放货，对成交（地代维生的基本条件）是完全没有帮助的。 话说回来，人有分好友淡友，但数字是没有的。 一个448万单位，七成供二十年，月供~$16,000，的确大部分是本金不是利息。但利息怎麽少，还有会有~$5,600是利息。买楼收租，支出不止利息。不计空置期佣金等有争议性项目，每个月固有的成本还包括本金机会成本(~$4,300)，交税、管理费差饷等(~$3,200)亦是支出。如果收$12,000 租，其实每个月系贴差不多一千蚊帮补租客住屋的。 当然利息除本金增加而减少，但取以代之是本金机会成本亦会增加。同一条数来的。 以上其实说明，很多业主以为租客帮自已供楼，其实事实上以现时的租金和楼价做标准，租客只需每月花费$12,000就有一间要每月付出$13,000成本的单位居住权，其实是业主帮补租客的居住成本。 当然帮补租客居住成本但换来一个投资机会是好是坏，则是另一条数。从资本增值角度看的是未来供求；从收租佬角度，要睇租金走势和资金成本（简单非全面说法：经济环境影响租金；利息影响资金成本）等再作分析才有定论。还好买楼和做炒房不一样，做下分析还是够时间的。
|
|
156. LYC 2016-04-05 12:59:33
|
好似你咁机关算尽，算吧啦，点讲你都唔会明，去炒股票吧，祝你发到猪头，有钱过李+x.
|
|
157. 毛毛 2016-04-05 13:39:59
|
to155/f, 首先多谢ching详细分析买楼收租既成本，但有一个重点我唔系好明，你话基会成本系$4,300，假设你出几十万成本首期买楼收租，即系唔买楼你拿住几十万每月可有$4,300回报? 即一年有5万多元回报 (约10%)? 有什么投资俾买楼收租风险低而有10%回报呢?
|
|
158. Koichi Fuyumi 2016-04-05 14:09:41
|
毛毛师兄， 448万楼要134.4万首期。 回报以中电股息（3.87%）计，贪其股息稳定。 1,344,000 * 0.0387 / 12 = $4,334/month
|
|
159. 引刀一快 2016-04-05 14:21:39
|
To 155楼 KOICHI FUYUMI兄
兄台咁有心机写咁多嘢俾LYC兄睇，想必系唔多了解LYC，佢反驳唔到你，即时走位话你“机关算尽”，系咪好晕呢？
兄台计漏咗一样，就系首期款项嘅回报，如果计埋机会成本就更高。
|
|
160. 引刀一快 2016-04-05 14:21:46
|
To 155楼 KOICHI FUYUMI兄
兄台咁有心机写咁多嘢俾LYC兄睇，想必系唔多了解LYC，佢反驳唔到你，即时走位话你“机关算尽”，系咪好晕呢？
兄台计漏咗一样，就系首期款项嘅回报，如果计埋机会成本就更高。
|
|
161. LYC 2016-04-05 14:27:56
|
刀兄，佢好明显系你租楼日日赚啲粉丝，都无话可说了，只能祝佢继续赢落去罗！
|
|
162. 西门吹雪 2016-04-05 14:51:56
|
刀兄~KF已经讲左首期既 机会成本，不过计少左DSD既机会成本~~ XDDD
估唔到LYC咁快出反台推牌呢招~~我仲估佢会0系"买中电"呢个点去攻击KF~~或者又出必杀技，训街+天桥底攻击。唉，LYC系咪近排唔开心?? 攻击力无以前咁强...加油呀~~盲好需要你!!!
|
|
163. 十郎 2016-04-05 14:52:19
|
|
|
164. 萧峰 2016-04-05 14:53:23
|
to 157 楼 毛毛兄，
此种情况下，千祈唔好反驳人地。
未来楼市升，但损失左痛快洗钱的机会，可能都怪你。
未来楼价跌，更加系被人误导，赖晒你。
楼价升时，capital gain会唔会分俾你？当然no 啦。
|
|
165. LYC 2016-04-05 15:06:31
|
西门兄，佢咪同你一样，幻想收股息够交租，租客日日赚紧业主钱，傻下傻下，你睇下博士几有钱，10租客9个穷光蛋就知啦，都废事点醒佢！
|
|
166. 西门吹雪 2016-04-05 15:09:22
|
LYC~~做人唔好咁快放弃，比多D正能量~~呢度D好友好需要你架~~如果咁快收皮，好多你既盲好FRIENDS会失望架~~其实，我一路都讲买楼长查必胜架LA~~唔好气馁呀!!!! XDDDD
BTW，忙了说，我从来唔靠股息交租，亦无咁讲过，股息对我来说太慢了~你别把所有人当成同一个呵~~XDDD
|
|
167. 毛毛 2016-04-05 15:31:40
|
to 158/f, 多谢解释，我宜家明白你既计法，其实我自已都有计过呢条数，你既计法都好准确，税,差向地租,管理费加埋 3,200都差唔多，所以LYC都冇反驳你! :p 但我都会选择买物业收租，因为通帐预期，大家都相信货币在长时间系会眨值 (当然会有通缩周期，但长远黎讲，货币系会眨值)，相对有形资产长线会升值。当物业有升值既时候，因为有借贷,有杠杆，所以回报亦会较多。当然下趺时，损失会较大。所以买楼收租预左要守，系长线投资。但十年, 二十年后，我相信收租回报会高於买中电。
|
|
168. kts 2016-04-05 15:43:42
|
166, watch out, stock mkt will adjust again
|
|
169. 西门吹雪 2016-04-05 15:50:31
|
回KTS~如果而家先WATCH OUT会唔会慢左D，PUT左几日鸟，反而差唔多要止赚了~
|
|
170. kts 2016-04-05 15:55:49
|
then sit well, u can consider to hold longer
|
|
171. LYC 2016-04-05 15:57:31
|
有租客帮手，租金长线实升，10年都唔洗就供完啦，第三层唔洗5年，第四层唔洗3年，第五层唔洗1年，跟著咪印印脚罗！ 用大量钱买中电或其他，万一有乜东瓜豆腐或股灾，肯定要预早几年去天桥底霸定位！ 不过无论点讲都好，啲醒目仔点都会去炒野搵快钱架啦，否则财富点会集中才我们手中呢！
|
|
172. 西门吹雪 2016-04-05 16:04:47
|
回K兄~收到了~~谢谢赐教~~
LYC就系咁啦~无错啦~~加油!!! XDDD
|
|
173. 萧峰 2016-04-05 16:11:06
|
LYC兄，
真系唔洗讲咁多啦，长河兄分享佢既投资秘笈，一样俾人challenge。
淡友咩继续淡罗，旧年又唔见咁多淡友。
|
|
174. 真心问 2016-04-05 16:18:31
|
坐喺度唔知边个会喺淡友，其实个个都发过猪头，睇版喇！
|
|
175. LYC 2016-04-05 16:33:23
|
大侠，近排得闲咪吹下水罗，谂住好心点醒班淡友，我都知佢地唔会听架啦，反而会话想人接火棒，乜乜物物，等等。因为佢地根本冇钱买楼，又或者惊跌，惊失业，好多野惊，不过就唔惊老来要瞓街，大概年纪尚轻吧又或者早年沽了买唔番。不过，好多野要未雨绸缪啊，否则机会一过，恨错难返呢！ 好似西门这些马后炮股神，我就见得多，吹就吹到赢了好多钱，点知发现原来住劏房，真系笑死人！
|
|
176. 西门吹雪 2016-04-05 16:58:36
|
咩 劏房者~~人地训紧天桥底架~~都不知几凉爽~~人地见你唔开心咪支持下你，点知好人当贼扮... 又0系度玩呢招~~~好啦好啦训街就训街啦~~心情有无爽D?? 有无纸皮施舍下呀，有钱阿伯 XDDDD
BTW，如果你比得起钱，我都可以比D唔系马后炮既TIPS你既。一系打个八折比你LA~
|
|
177. 萧峰 2016-04-05 17:03:38
|
天水围一个81岁女租客死左一个星期先被发现，唔怪得之前有网友话对老龄租客都几担心，租俾老人变凶宅都好无奈。
|
|
178. LYC 2016-04-05 17:12:37
|
正是，根本年纪大系好难租到屋住，俾晒成年租业主都唔会租俾你住。其实，香港冇一个自住楼系好危险的！公屋唔合资格又或者排紧，屋又租唔到，还有什么办法呢？
|
|
179. SHUN 2016-04-05 19:12:31
|
焕然一居大把醒目仔啦…………什么邮轮码头、核心区…………咪又无人楝楼、什么刚性需求……呢班功仔无去做负资产就表现左市场啦！托市怪物。
|
|
180. LYC 2016-04-05 20:00:05
|
可怜楼上又搞错晒，这班买家虽然唔买焕然，但是将会入市扫私楼1手或2手。细价楼又多一批买家扫货，想跌都难！
|
|
181. Koichi Fuyumi 2016-04-05 20:59:34
|
除了基本计算外，还想请教一下大家，特别是前线地代的看法。 - 将军澳新地楼（香港打工仔最爱）一日扫清
- 何文田豪宅（中国同胞最爱，本地打工仔不能付担）收唔够票或卖唔出
如果小弟大胆假设最近入市以本地刚需资金为主，未知前线地代是否有相同感受呢？
|
|
182. 如是 2016-04-05 20:59:45
|
市建局比其他发展商诚实得多，人地「唧牙膏」，佢就请大家早D拣楼，怕大家唔知楼价跌紧。 焕然一居的售价（原价）同现时的其他新楼楼花差不多，仲平左少少，仲要楼花期短。
过多几日，仍系咁多人缩沙，可推断实力有番咁上下的（刚需）已衰了，更何况甚他收入猛猛紧呢。
|
|
183. LYC 2016-04-05 21:51:56
|
淡友睇野太表面和一厢情愿！焕然订价咁贵有人甩底系意料中事，竟然还有3成买家买喎，唔通他们是傻的吗，唔通他们冇睇报纸啲所谓劈价新闻？他们一定计埋地点折扣等因素，发觉焕然都值得买来自住啊！ 唔通放弃买焕然就代表他们冇刚性住屋需求？他们一系买私楼，一系抢租盘推高租金回报，投资者将加入一齐抢买，如果这批买家选择等待，随后焕然慢慢地卖晒，新楼越卖越贵，2手冇盘，他们将会后悔莫及呢！
|
|
184. 如是 2016-04-05 22:03:18
|
|
|
185. 不爱争论 只睇事实 2016-04-05 23:33:14
|
http://www.am730.com.hk/article-307881
不少屋苑见底回升！？
|
|
186. LYC 粉丝 2016-04-06 00:15:13
|
我一星期内租咗七个单位，推高咗D租金兼令市场少咗租盘，等你班淡淡无屋住，通通瞓桥底！
|
|
187. 引刀一快 2016-04-06 04:09:55
|
人家睇淡梗系唔啱听，LYC重口味系正牌桥底香辣蟹，做炒家遇辣招，变晒蟹要瞓桥底，2002、2003左右我见过一个卖书嘅人，做楼蟹傻咗，每三句话就讲一次负资产！冇谂过咁快就见到佢有传人。
|
|
188. SHUN 2016-04-06 06:39:26
|
游客走了（当中太多因素）吉铺渐多、行下街就睇到、有钱人、包括李生、何生（打赌河童者）都公开认为经济唔掂、仲信呢道D大好友（收$吹到楼市几好）嘅人买楼、负资产做梗啦！
|
|
189. SHUN 2016-04-06 06:42:46
|
LYC………………LYC粉丝……………………LYC表弟………………你都几多身份喎！…………哈哈哈！
|
|
190. 西门吹雪 2016-04-06 08:25:08
|
无言，佢系咪有ｄ吾妥…网主如果肯帮手check check, 我买$100蚊186系佢自己post 架。输左我捐出$100。
我真系有ｄ惊…估吾到我一直同紧ｄ咁既人打交道…打左个冷震…
|
|
191. 毛毛 2016-04-06 08:48:08
|
我又觉得佢唔会用分身，佢叫日日都理直气壮叫淡友训天桥底，佢立场坚定，咩都讲得出，洗咩用分身!! 哈哈!!
|
|
192. LYC 2016-04-06 09:25:33
|
网主请出来证明，西门兄准备捐钱吧！ 我洗咁无聊分身，傻傻地！
|
|
193. 引刀一快 2016-04-06 14:10:06
|
To 189楼 SHUN兄 190楼 西门兄
186楼LYC 粉丝系揶揄紧LYC，你捉错用神。
佢即系话“租 . 七 . 晒”D单位。哈哈哈哈哈
呢位兄台玩紧LYC咋！
|
|
194. LS 2016-04-06 14:22:48
|
LYC 兄,
我开始佩服你, 无论咩news经你解读后都是利好楼市消息. 谂谂下, 突然好担心香港前景, 我唔知香港有几多淡淡, 但如照兄台所讲, 淡淡要训天桥底, 咁都几得人惊. 好保守估计, 就当香港有90%好友, 10%淡淡吧, 即系黎紧会有70万人训天桥底, 我觉得政府而家应该咩基建都叫停, 全力起天桥, 否则如何容纳70万人训天桥底?
|
|
195. LYC 2016-04-06 14:40:43
|
|
|
196. 西门吹雪 2016-04-06 15:00:37
|
咁马后炮总好过一路讲住楼市升，楼市一路跌既。 btw, 如果吾想比tips 某人。有冇方法展示我吾系马后炮呢？2016首三个月手风极顺，吾通我印哂ｄ月结单出来公绪於世咩？
刀兄讲起又似系，我的$100蚊就捐出来比网站吧。有冇捐款帐号？是我自己理解错了，抵输的 xDDD
|
|
197. LYC 2016-04-06 15:12:23
|
西门兄，你太sensitive,我唔系讲你，因为我唔知你是否住劏房。不过，好多什么CFA或者乜乜A啲投资顾问，吹到自己炒野好叻，其实系住劏房！ CCL都只不过跌了几个%，如果落票买劈价盘，相信冇得输（当然唔系好似你咁短炒自己层自住楼啦，如果好似你咁炒法，相信要开始积极啲在天桥底霸位了）
|
|
198. 惜缘 2016-04-06 15:21:24
|
LYC兄
在下都明白兄台出於一片好心，但是，「比喻唔买楼就要瞓街、瞓天桥底」呢句说话就值得斟酌。
|
|
199. 西门吹雪 2016-04-06 15:22:34
|
我点炒法你又知？！ 单单头３个月我脤面已经赚了本金50%。无记错，我应该做过十次八次交易，有买升买跌落，系全部赚钱的！相信住酒店都够很久了吧。
我已经讲过一百次自住楼系吾应该卖。吾信你check history. 白纸黑纸咁都要屈我。定系你理解力有问题？讲左一千次看淡吾代表无楼。你个5.9万个千万富豪，有63%看淡楼市，佢地３万几人全部无楼？！！吾好咁啦，阿伯，剩系识讲嗰几句！！
|
|
200. 西门吹雪 2016-04-06 15:23:32
|
|
|
201. LYC 2016-04-06 16:08:00
|
啊，真对不起，原来唔系西门兄短炒自己层自住楼，晨早沽了，咁一定系同你同声同气的孖生兄弟了！即是多过两万个千万富豪睇升，20万个5-10M的有钱人睇升，还未计大陆泛滥的资金呢！平均80多岁，60+退休，子女靠唔住或者冇，业主唔租屋俾老人家，资产过公屋上限，希望各位短炒王真系老咗都可以短炒租酒店住吧！
|
|
202. 西门吹雪 2016-04-06 16:14:46
|
而家同你讲有冇人睇升睇跌咩？？！！ 而家讲紧睇淡系咪一定无楼呀，你话睇淡一定冇楼老来训天桥底ma. 咁个3万几个千万富豪系咪全部无楼呀？？？！！！吾够人讲就扯开话题？？
|
|
203. 历史长河 2016-04-06 16:16:05
|
吹西兄勇於公布战绩，令人敬佩。长河最近心态有些转淡，也想跟大家学点股票知识。不知吹西兄今次大战役中投入资金占总资金比例？
|
|
204. 西门吹雪 2016-04-06 16:40:15
|
河兄说到关节处。我曾说 "我就是太过著重保本，所以许多黄金机会都只是赚粒糖" 可见占比不多。不过三个月的回报相信也够我呢ｄ穷Ｌ住好一阵子劏房既。
|
|
205. 历史长河 2016-04-06 16:58:32
|
|
|
206. 西门吹雪 2016-04-06 17:11:35
|
河兄，对不起，我的东西不是免费的。当然，空口说白话，哪有人相信？如果有机会见面，我可以给你证据的。
|
|
207. littlemun 2016-04-06 17:21:59
|
原来西门兄呢一年头三个月在股票市场帐面比较本金赚50%... 真心佩服！！
|
|
208. 历史长河 2016-04-06 17:23:32
|
吹西兄，我绝对信你。如果「品酒论太监」可以成事，一定当面向您请教。我不贪心，能挣几盒怀面就可以满足啦。
|
|
209. 自我陶醉 2016-04-06 17:35:43
|
|
|
210. LYC 2016-04-06 19:02:44
|
睇跌唔一定冇楼，但是冇楼个班淡友就一定系睇跌。香港多过4成人住公屋，如果一个人系睇跌，佢冇楼的机会系好大啊，都唔错得晒呢！
|
|
211. 西门吹雪 2016-04-06 19:25:14
|
|
|
212. 自我陶醉 2016-04-06 19:47:56
|
冇楼个班淡友就一定系睇跌!?
到底呢位阿哥知唔知自己讲咩？ 话明系淡友，有冇楼都一定系睇跌喇! 瞓醒未？ 有冇淡友一定会系睇升？ 又有冇冇楼嘅好友系睇跌？ 哈哈哈！
|
|
213. 自我陶醉 2016-04-06 19:51:36
|
|
|
214. 打工仔 Andy 2016-04-06 19:54:19
|
|
|
215. 历史长河 2016-04-06 20:13:52
|
|
|
216. 一个解释 2016-04-06 20:29:04
|
|
|
217. LYC 2016-04-06 20:57:56
|
这是 conditional probability, Pr(冇楼|睇跌）一定系好高啊！ 创新高，老友！
【谷底反弹】嘉湖尺价7,691元 今年新高2016-04-06 20:30:00 HKT 楼价经过大半年调整后，累积跌幅逾一成，个别地区跌幅更达两成。新界上车乐园天水围嘉湖山庄，两房户一度失守「三球」，低见280万元，尺价更跌穿六千元。但随着平盘已被消化，楼价止跌回稳，两房最新造价更冲上340万元，尺价冲破七千元，料创今年新高。
|
|
218. 历史长河 2016-04-06 21:37:40
|
一直以来都喺以小机率事件反证大机率事件喺错的，今次也不例外。
我都认同大部分冇楼的都睇（盼）跌，虽然有楼冇楼都唔喺问题。
|
|
219. LYC 2016-04-06 21:52:27
|
所以佢成日吹佢有大把楼系冇意义的，因为概率唔高，即是可信性极低，因为大概1%睇跌系有楼，99%睇跌系冇楼，咁我都冇讲错呀，我一直个point都系讲紧大部份人呢！ 今年余下9个月，楼价将会缓慢地向上推升，好奇怪地，淡友不停地唱衰经济差，所以楼价实大跌的理论，其实经济差只局部发生在他们四周，其他人经济系稳中向上啊！
|
|
220. 市民 2016-04-06 22:44:52
|
系咪儍架！10单劈价先有一单止跌回升，仲要系平过上年的，粉岭，西九，屯门，马鞍山，太古度度都减成十几二十% ，呢D你唔讲。聪明人唔知以为又创新高呢！
|
|
221. ming 2016-04-07 11:13:53
|
最近有个问题和朋友谈论，港珠澳大桥通车之后会不会出现有人口转移呢?
如在东涌工作既人群，会搬过去拱北或者坦州既可能性大吗?
|
|
222. 自我陶醉 2016-04-07 11:19:46
|
真系几好笑，鷄虫论太监，搵多几条鷄虫已经够哂脚喇! 仲洗咩搵其他人？
又果然系崩口人忌崩口碗喎，话咁快已经帮你引咗几条出嚟喇！
Conditional probability? 咪以为求其抛个term就可以抛到人先得㗎! 唔答你只系废事嘥气，你话 “「赌大小」喺随机机率事件 - 无论连出几铺大，下一铺出大的机率都是一样。” 你又知唔知你呢个讲法一样系有condition 要fulfill, 如果三粒骰仔唔系完美，你嗰个讲法已经有问题，仲有，同一个骰盅，同一个人按同样咁多吓，三粒冇可能完美嘅骰，原先向上系6，同三粒原先向上系1嘅骰，你又系咪肯定下一铺出大同细嘅机会系完全一样？
你仲识赌咩？ 21点你又识唔识？ 每个stake holder要唔要牌对庄爆唔爆都有影响，呢啲咪系Conditional probability罗！用21点比喻投资的话，外围环境就系庄同其他参与者嘅牌面，以6幅牌计，庄Ace面爆嘅机会只有11.5%。 连庄咩牌面都唔睇，就决定12点唔要牌，即系你输嘅机会接近9成, 唔睇咪就系送死罗！
所以我话你买楼咪好似阿婆买外币咁罗！ 经济周期唔识，经济状况唔知，分析唔懂，嚟同你吹理论，不如番学校搵教授吹喇! 哈哈！
|
|
223. 历史长河 2016-04-07 12:07:40
|
陶醉兄，请稍安勿躁。当你得闲时，我哋品下酒，论咩都得；如果你抗拒论太监，可以论桥底，论瞓街，论业主烧炭，论阿婆，咩都得，只要你高兴。要论赌都可以，Blackjack 博大精深，要另辟专场，长河也可以借此重温少年时光。
唔好扯得太远。既然你明白 conditional probability, 咁你话你以下言论正确吗？楼市喺否真的可以用赌大小来比喻吗？区别在哪里？请仔细想下，唔好侮辱你智慧。
「至於，买楼同赌博都系同理，如果有个庄同你讲，你上铺冇买大，即系冇输钱，依家随时买，不论买咩都已经系赢家，因为本来你上铺已经输咗，呢铺你唔买，小心真系会开大喎，我会谂咁系咪想侮辱我智慧。」
|
|
224. 引刀一快 2016-04-07 12:35:13
|
To 171楼 LYC兄
原来你系纸紥铺嘅伙记，年年清明都睇住D纸紥品发白日梦。
|
|
225. 引刀一快 2016-04-07 13:01:09
|
To 196楼 西门吹雪兄
网站大把钱用唔到嘅，你一百蚊捐俾就近有需要嘅人就得喇，大家都相信你爲人。不过如果捐俾瞓桥底嘅人，先要问问佢系咪叫做LYC，系就必须俾加一！因爲佢系桥底大亨！
|
|
App下载
