占士师兄太抬举了，只系口痕来吹下水，跟大家学习，以增见识。
所谓宏观，好多时候都系common sense，说来汗颜，到目前为止，所有投资决策都是出於直觉，还未能发展出一个有系统model，仍需为此而努力。
今时今日，仍有很多人看不起祖国，特别系香港人，呢个观念真系要改一改。89至今，祖国由穷到PK嘅落后国家，一跳成为全球第二大经济体系，我同鬼佬朋友们倾，佢哋无不偑服到五体投地，反而同华人/香港人倾，佢哋多带藐视。祖国太多衰嘢需要批评，但亦有好多好嘢值得欣赏。祖国已经冇得返转头，只会越变越好，点样驾驭13亿人口，就要考共产党功力。最近有篇文章《一个广州人看香港的浮沉》，不妨一看，当中很多观点值得港人深思，虽然篇文有d似中共喉舌。
正正因为相信祖国已经冇得返转头(你叫大妈们去返老毛时代咁捱穷得吾得呢)，所以，A股长远来说绝对值得投资。
吾好再俾香港过去嘅光环局限自己，喺现今废青充斥嘅年代，我哋点同国内嘅菁英fight呢？保住「特区」嘅地位，方为香港最佳出路。2007年时上海嘅朋友曾透露，魔都不断有人上书中央希望能取代香港嘅对外窗口位置，老江想试，但吾够胆明目张胆(反老邓路线)。今时今日，魔都早已不放香港在眼内了。水向低流，香港吾够廿年已被祖国吸干。
香港楼价仲值咁贵吗？值，只要保住「特区」同「法制」两块招牌，话之你冇工业冇实业。因为，背后有13亿开始富起来嘅人民，等紧过来享受「自由空气」。目前，共产党对於「自由」绝吾会松手，13亿人，佢赌吾起。所以，香港仲有些少时间优势，而将来其中一条出路，就系成为一个「渡假」城市。
所以，任何侵害呢个城市「自由」嘅举动我都反，例如23条。无他，自私，出於保护自己个人财产嘅「价值」，哈哈！
自由，先系呢个城市最值钱嘅地方(同祖国比)，盼所有香港人明白。帘洁已毁，大家睇路，当你见到「自由」都不保嘅时候，咁呢度嘅楼就吾系一个值得投资嘅好工具。
商品炒作方面，来去都系玩「供求」二字，其中一个重要因素系睇季节，以油价为例，冬天咁嘅价，咁夏天呢？产品售价低於生产成本价，呢种情况可以长期维持？所以见到习大大冇雷公咁远走去同人倾石油，就知系时机落注买。
赚到少少纯粹符碌，绝吾系乜嘢成功之谈，反而好多谢大家(特别系博士)嘅无私分享，令我知道其他人嘅谂法。
学无前后，达(财务自由之境)者为先，共勉之！
App下载
