1. 有见地 2019-01-03 18:51:46
|
跌到你唔信,再跌到你迷信,跟著发展商提供免首期,免供款,任住,送埋管理费、送埋所有家俬,只要你肯住。
|
2. 有见地 2019-01-03 18:51:46
|
跌到你唔信,再跌到你迷信,跟著发展商提供免首期,免供款,任住,送埋管理费、送埋所有家俬,只要你肯住。
|
3. 望东楼 2019-01-03 21:55:13
|
唔惊、唔惊、唔惊,最坏情况揸佢一、三、五十年实返嚟,有买贵无买错。
|
4. 引刀一快 2019-01-04 05:11:05
|
王弼兄
广州嘅三号线本来都系有同一问题,上落班时段令人畏惧,不过广州地铁一直蜘蛛网式发展,慢慢就会缓解,唔知香港得唔得呢?
|
5. 引刀一快 2019-01-04 05:19:24
|
东楼兄
呢铺就唔同意你讲法,一、三、五十年实返嚟系冇多少意义,十年返嚟就唔怕,不过三十年后,中港仲有冇关卡都唔知,果边系一半至十分一价钱咋。
|
6. 望东楼 2019-01-04 08:22:35
|
小刀,最近班硬好潜晒水,可能北海道大风雪搞到迟咗返嚟撑场,所以唯有再帮佢哋客串返一次。 有同事自称佢由上水要粒半钟先返到公司(红磡转车),希望沙中线完工帮到佢。 不过小弟相信长远嚟讲会系home office主导(细佬旧公司十多年前已经玩remote desktop),非必要系唔会返间所为公司嘅,而且根本就无一张阁下专有嘅写字台。
|
7. To 6 2019-01-04 08:37:40
|
楼哥, office 的确系好多余, 如果讲远少少, 九龙湾外围有大量吉货, 事实是, 根本冇咁多的所谓商业活动, 也不一定要咁远水路为左去上班进行所谓赚钱的活动。
|
8. 自我陶醉 2019-01-04 09:16:23
|
东楼兄,
LYC上几个月先出团,佢话自己都衬低入咗市上火星,由於暂时未知仲有几多光年先到站 。同车嗰啲都应该冇咁快返到来啊! 哈哈哈!
|
9. 真真薯片 2019-01-04 09:34:02
|
刀兄,香港基建成本(时间+金钱)系宇宙第一,一条铁路线由研究开始计闲闲地起十几二十年,佢起好果阵我都退休了
|
10. 腥港人 2019-01-04 09:47:03
|
当新界二线非铁路上盖都贵到追平九龙非铁路嘅二线屋苑,甚至超过埋嘅时候,新界楼唔冧到趴喺度都无天㻒啦。
第一城细房最贵炒到五百几万,而差不多尺数嘅得宝当时都系五百几万。新楼更加炒到两万蚊尺,唔爆破都无咁多傻仔买啦。几年前搬入沙田嘅价钱讲紧比九龙东平到10-15%,大西北可以再平多10-15%,够cover车钱茶钱之余,叫做空气好啲先会考虑,更加唔计近一两年大西北都卖到颠价果啲新楼。
|
11. 引刀一快 2019-01-04 12:38:52
|
东楼兄
原来兄台做配音,又几传神喎! 上水去红磡要个半钟的话,睇怕系两边都唔近火车站,我有朋友喺旺角坐van仔去粉岭,都系个半钟。
买嘢就网购,返工就网返,变相系用光纤传导,星空奇遇记D创作都几超前。
|
12. 引刀一快 2019-01-04 12:44:12
|
自我陶醉兄
LYC依家学麦迪文喺火星用粪便种紧薯仔维生,等紧架兜大湾嘅飞船返家乡呀。
|
13. 引刀一快 2019-01-04 12:46:55
|
真真薯片兄
呢样系香港嘅特色,如果学广州咁嘅发展,香港可以搞半小时生活圈。
|
14. 自我陶醉 2019-01-04 15:11:21
|
引刀兄
你真系睇得起佢,到佢去到火星,可能已经老到冇力种薯仔了。
|
15. 望东楼 2019-01-04 15:14:43
|
自醉兄,
唔同人买(或者卖)同一件资产嘅动机可以系完全唔同,大家计嘅数都唔同,所以未必系零和游戏。比方中资高价投地、买物业我估主要系玩资产外逃,如果你以为系内地资金睇好香港地产前景同佢哋一齐高追,咁就。。。同一道理,细佬外地都有啲小钱罂,以投资回报就绝对惨不忍睹,不过万万一香港有乜依郁,细佬都仲有返绿竹。我会安慰自己:心之所安系无价。
|
16. 不同遭遇 2019-01-04 15:16:37
|
纳米楼系狼英同茅波嘅杰作,而今一个做咗政治贵族,一个荣升司长,可谓政绩骄人。而接咗货嘅纳税人,记得继续交税俾司长出粮啊!
|
17. To 16 2019-01-04 15:36:28
|
又唔可以咁讲, 系地霸谂条桥出黎阉埋最后一亳子购买力啫, 唔信可以去问吓邓不利多, 有时买唔起都系焉知非福。
|
18. 十一哥 2019-01-04 15:47:57
|
王仔 而家股市系~诱敌深入…聚够之、追揸追沽谂住手快薄咳…大部份瀬嘢、呢排就底得林、跌到冇乜成交时就帮庒、又次次好心有好报喎 !
|
19. To 17楼 2019-01-04 16:27:35
|
正常情况下,纳米新楼冇人买,所以当时政府要出辣椒配合,冰封二手楼,要上车,根本冇乜选择。 当然,最坏时候未到,当供应大增时,就真系前无去路后有追兵。
|
20. 路人xx 2019-01-04 17:35:46
|
2019年一月,多年来的楼市好友,通通都埋没左系历史长河里面⋯
就只有各淡友,多年来,毫无间断,继续发声。祝弼兄,引刀,自醉,薯片,及一众淡支们,希望一如你们所愿,楼市下跌,好让各淡友可以估啱返一年咁多。
如果中原指数跌番去118,本人更希望送一支香槟给引刀兄庆祝一下。
祝:新年快落
|
21. 真真薯片 2019-01-04 22:40:29
|
|
22. 高兴得太早 2019-01-04 23:25:30
|
CCL在2019年跌3成,也只不过跌回2015年初的水位。2015不上车的淡淡,输足5年60个月租金,而且又错失五年超低息供楼机会。
2015至2019年全力投入股场的股塔,输钱机会绝对大过在2015年上车的楼塔。
大家一起快乐!
|
23. 望东楼 2019-01-05 08:39:05
|
当然啦真真,你而家淡即系一世淡,即系一世帮人交租。佢哋心目中系无转view,无转軚,只可以揸电车或地铁或火车。
不过话事话,得个两厘零gross yield,实收厘零,如果唔系嫌搬嚟搬去麻鬼烦,交租都唔错。
硬好应该话:楼价同一年前比,只系还原基本步,冇乜升跌,任你噏,个大市都只系微跌几个巴仙。乜你冇睇到啲股票跌到仆街咩?除咗政府债卷、黄金同埋现金,请问有乜其他资产系过去一年内out perform我啲物业吖?
|
24. 自我陶醉 2019-01-05 10:03:33
|
东楼兄,
当然有! 买跌得唔得? 呵呵!
其实大把都跑赢楼市喇,领汇仲破紧历史新高,中移动有升有息,咪以为美股跌好多,其实大部分跌嘅都系早两年升到阿妈都唔认得,现在只系获利回套,外币方面,买yen 避险一样有钱入袋,再叻啲,炒埋英国硬脱欧,揸yen沽镑赚到笑,连美元定期都3厘楼上喇! 就算系白痴,咩都唔买,全年揸现金,活期一样跑赢为咗唔洗俾租,买咗大西北嗰啲喇! 仲未计那些俾一、两成辣税买嘅傻B呢! 输少过两成都已经跑赢。 哈哈哈!
|
25. 日日赚 2019-01-05 10:16:59
|
仲有,早几年入700, $480 出货,$250再入,赚到笑. 做到做唔到唔紧要,做人最紧要系自我陶醉.
|
26. 向泛民说不 2019-01-05 10:22:26
|
自醉,老美打贸易战以为可以挂中国毛,看来是失败了,因为美股也崩跌,同时估计加息周期也完成了。也就是说香港供楼利息都是最多加多0.25低过3%.比20年前本人向政府借的首置还要低 .
当然老美挂毛成功,令汇率波动利息上升。甘就另计。泛民狗一直配合美国玩这招。
|
27. 望东楼 2019-01-05 10:27:22
|
自醉兄,你提到领汇有勾起细佬嘅不愉快回忆。。。 如果大家风险胃口比较细,细佬强烈推荐日圆(投资期大约六个月)。仲有啲(比较上高风险嘅,投资期大约系四到八年)好嘢要等过两个月细佬买够先话俾大家听。
|
28. 望东楼 2019-01-05 11:19:26
|
日赚哥,千祈唔好劳嘈。我下星期帮大家搜罗吓有乜同CCL有强烈相关性嘅其他投资,比大家参考参考。
|
29. 自我陶醉 2019-01-05 11:35:24
|
东楼兄,
乱局中,日圆系值得买嘅保险,但千祈唔好用嚟买日股和日本楼,否则随时呕凸。
25楼
你系咪Let You Cry? 莫非你系嗰个交一两成辣税嘅傻B? 咁客气,一开波就让我两成,跑赢你冇难度啊,躺着也跑赢,洗咩自我陶醉啫? 嚟紧贸易战双方妥协,股市又可以炒一转,全球都去杠杆,到时希望楼市可以跟升喇! 收租日日赚,不过记得保住分工啊!
几乎唔记得话你知,买楼收租要俾息,千祈唔好计漏开支,谂住可以自我麻醉啊! 哈哈哈!
|
30. 明睇谈就要租?! 2019-01-05 12:18:00
|
其实我吾系好明睇谈就要租呢个concept. 小弟我2009开始一直睇好楼市,著手入货。2016年2月高峰期已经有18个物业。有住宅,铺位,工厦。2016主要入工厦,因为dsd, 而且觉得锁三年,住宅流动性较差。2018年第二三季,我既物业已经只剩下三个。自住楼卖左都要租,卖乜鬼?其实,我估呢度好多人都有过比我更多的物业。睇好咪买多啲,睇淡就卖紧啲,无感情。系咪啲人自己得1,2个物业,所以觉得别人睇淡就要租楼?担白讲,我住紧既物业已经跌5,6球,但我反而想佢跌多啲,因为这只是我现在很少部份的投资。
|
31. 睇谈就要租?! 2019-01-05 12:42:08
|
加多句,我吾系想吹嘘我有几多。我想讲既系吾好睇小别人。一个婆仔都可以俾人电骗几千万。天外有天,人外有人,就算吾计王先,汤博个啲成功人仕,这里比我更富有既淡友,相信亦不在少数。我很少回应,只是最近看多了,有些忍吾住。
|
32. 望东楼 2019-01-05 13:12:47
|
|
33. 呵欠 2019-01-05 15:02:39
|
|
34. 睇谈就要租?! 2019-01-05 15:21:52
|
望东楼先生,我不太喜欢谈这些,说对了就平白无端送钱给别人。说错了就害死人…自己的投资对自己负责就已经足够了。
|
35. To 30 2019-01-05 18:01:17
|
|
36. morgan 2019-01-05 18:44:29
|
财爷警示经济下行风险来源:香港网 财政司司长陈茂波在网志中大敲警钟,指外在环境在未来一段时间可能会时好时坏,反覆波动,而从大趋势评估,2019年全球市场面对的挑战将比2018年更大,而且下行风险正在增加。中美贸易战,国际间的摩擦,英国能否落实有秩序脱欧,息率趋升的同时,美国联储局亦按计划缩减资产负债表,将成为困扰全球市场的不稳定因素,美国虽然今年初经济增长强劲,但随著减税和财政政策的刺激作用减弱,明年的增幅料会减慢,欧元区和日本都受到结构问题制约,来年表现亦会较今年逊色。市场人士也普遍认为,在港府大折扣的资助房屋因素影响下,楼市在未来一年仍会继续调整,预计2019年全年将下调10%。
|
37. 望东楼 2019-01-05 19:48:26
|
每个人嘅环境,性格等等各种主观、客观因素唔会一样,理解他人嘅维生素可能系我嘅毒药。况且历史唔会一模一样咁重演。不过尊重阁下选择。
|
38. 引刀一快 2019-01-06 00:12:55
|
对比一下,呢度三四年前主流“台柱”嘅讲法,卖楼嘅人,全部都系抵死嘅、冇胆嘅、总之买咗就唔准卖。 今日呢?讲卖楼就唔会俾人围攻嘞。
|
|