今早去到茶餐厅，有客人话真系唔明白，有很多香港人从未去过新加坡，或者不了解新加坡，但经常将新加坡与香港作出比较，当然是新加坡点好点好，香港点衰点衰，理论上搭紧香港条船，冇理由望条船沉。
老板话人不少人唔满意自己老婆，赞到别人老婆不得了，唔通条友砰砰砰过别人老婆，当然唔系，老婆永远是别人的好，人之常情而已，其实一个老婆容许老公讲别人老婆好，才显得她的量度，如果冇量度，交都有得打。
客人话他从来唔敢讲别人老婆好，老板话咁即使话俾人知阁下老婆很恶，大家又听唔听到有新加坡人讲新加坡政府唔好，当然听唔到，不过，每年移离新加坡的人亦不是少数，如果好满意，又点会离开新加坡，而事实上离婚率最高的就是平日唔敢话自己老婆唔好的人。
上一则：
下一则：
Javascript must be enabled to use this form.
敬请留言者自律。本网站保留删除/堵截任何留言的权利。
App下载
新加坡与香港作出比较，当然是新加坡点好点好，香港点衰点衰，理论上搭紧香港条船，冇理由望条船沉。