今早去到茶餐厅,有客人话刚从几位师奶炒家买入一个车位自用,他发觉师奶炒家只是赚了几万元,似乎是为他人作嫁衣裳,有其他客人不明白。
老板话这几位师奶的确唔话得,大拿拿攞咁多钱出嚟炒车位,又要俾4.25%印花税,好听啲每个车位只是赚得几万元,唔好听就是代政府收印花税,因为客人无论直接同原有业主抑或同师奶买,都只是需要付100元印花税,政府今次真系要多谢几位师奶。
老实说,炒楼炒车位唔同炒股票,股票张张都一样,楼同车位每个都不同,方向好,位置较佳的一定可以卖走,最后可能会有大约20-30%货尾,而事实上货尾唔系咁易卖,几位师奶慢慢就会知道,不过,炒楼就是这样的,冇人够胆讲一定赚钱。