【珍惜香港】TO：5/F 法子
其实阁下提到
仲裁，已经令我联想起张炳良话会再研究
租管呢件事。
乜九唔搭八？租管关仲裁乜事？咁又喺，两者嘅层次差天共地，不过呢个唔喺层次问题，而喺
基础理念嘅问题！
之前我
讲仲裁，讲到好火，后嚟我向博士
道歉，跟住竟然有人
响我后面讲埋哂啲乜乜
租管同
空置税；呢个人真喺唔识趣，我同博士道歉，喺因为语气太重，而唔喺立场转軚！如果政府真喺玩租管，我喺会好似我讲仲裁
果篇嘢嘅最后果段咁话，攞番段留言出嚟！因为我讲嘅
基础理念问题，正正就写咗响果篇嘢嘅最后果段里面：
必买必卖必租！
一个公平嘅商业交易，喺基於
合约精神；而一个公平嘅合约，喺要双方完全
了解及同意里面嘅 terms，先至可以 commit。而响一个商业合约里面，
价钱，就正喺一个最重要嘅 terms！冇一个
确实嘅价钱，commit 啲乜？
响呢个世界里面，只有一种交易，未知价就要 commit 咗先，呢种交易有个名堂，叫做
赌博！
点会喺赌博呀？虽然冇一个确实嘅价钱啫，但喺我地有个
「机制」嘛！大家就喺去 commit 呢个「机制」，由呢个「机制」run 出嚟嘅价钱，就必买必卖必租，咁咪可以保证呢个交易，一定唔会告吹罗！哦，原来喺咁！咦？响赌博里面，大家都喺 commit 一个游戏规则，而呢个游戏规则 run 出嚟个价，又喺一定要接受喎！
如果喺赌博，无论个「机制」喺点，个价都由
天决定（出千除外）；但如果喺一个第三者判定嘅「机制」，咁就即喺人为啦，
人为去定价，双方就一定要跟？果个喺乜嘢人？专业人士？政府？我咁多球买咗个物业，我钟意自住又好，放租又好，空置又好，关你政府乜事？我租咗俾人之后，点解人地只要肯俾由政府呢个
第三者定嘅租金或者加幅，我就一定要
一世必租俾佢？租约一喺唔签，一签就一世？有冇搞错！层楼喺我嘅，定喺你嘅，定喺政府嘅？不如咁，你政府立例要所有雇主一喺唔好请人，请就请一世，除非个雇员唔同意由政府呢个第三者定嘅人工或者加幅，否则唔准炒，睇下会点？
当日我之所以批
仲裁，唔喺因为方法有错，唔喺因为「机制」唔啱，而喺因为个
基础理念，根本就有问题！政府要达到施政嘅目标，喺应该制订
积极正面嘅政策，
鼓励羊群
自愿去配合，而唔喺搞埋哂啲
消极负面嘅嘢，
强迫人地去做。就好似我
前晚发果个梦咁话，喺要令到啲人自愿消费去刺激经济，而唔喺去抢！如果庸梁真喺有严重地产商畏惧症嘅话，就不如揾唐英年帮帮手，叫佢带几支私人珍藏嘅红酒，过去同啲地产商摸摸杯底，唔掂倾到掂；有时啲嘢，
唔一定喺个价嘅问题，一啲
双赢政策嘅配合，一样可以达至共识。
董曾当年就喺冇呢个大将之风，
矽港计划先至会告吹。所以点解我果次咁话，如果曾荫权真喺要道歉，对象应该喺几十年嚟为香港打江山，最后将自己毕生嘅技术转移到内地，沦落到失业嘅香港科技人才，而唔喺啲小业主。不过鼓励
酒店投资，董曾反而又识得向发展商提供
拆售嘅优惠条款喎；人地当年肯
淡市投资，今日
收成正果喺
理所当然，况且要舒缓楼市供求，酒店易过工厦啦，何乐而不为？点知庸梁一招莫须有，就将呢样嘢硬拉落嚟；同呢啲食碗面、反碗底嘅人做生意，真喺冇下次。
所以话，以前香港搞
租管，点解搞极都喺一镬粥咁，唔喺因为方法有错，唔喺因为「机制」唔啱，而喺因为个
基础理念，根本就有问题！租金、楼价，本身就应该由
市场决定，就算政府要做嘢，都应该喺通过
积极正面嘅政策，例如提供税务优惠之类，去
鼓励业主
甘心情愿咁租平啲，而唔喺搞埋哂啲乜乜租管去迫佢地就范！
不过咁，庸梁呢种咁好大喜功嘅人，一刀切嘅简单嘢就啱佢，租管咁复杂，唔会喺佢杯茶。呢样嘢，我好似
之前提过，但喺如果俾佢搵到个
Shortcut ... 咦？仲喺正月喎，唔讲啦！
App下载
