【珍惜香港】之前我话过,有啲嘢响得闲果阵会问下
汤博士,但因为篇幅会好长,所以迟迟未写。不过,博士呢次又提起前特首
曾荫权,既然喺咁,我就响度花啲时间,依家就写。
我想问博士嘅喺,究竟依家点睇
庸梁?我 scan 过年半前博士响呢度发表过嘅文章,原来
阁下当日喺挺梁嘅,咁依家算唔算喺
转咗軚?而因应呢个改变,阁下又有冇 review 过自己对
前朝同
曾荫权,甚至喺对
唐英年嘅睇法?我绝对唔喺要抽你后脚,只不过我认为,如果阁下嘅转軚,只喺因为
庸梁达唔到你嘅期望,而并冇对自己嘅
一贯理念作出过
基础上嘅修正,咁呢个转軚,喺冇乜意义。今日你对呢个
庸梁失望,他日你就会期待
第二、三、四个庸梁出现,一个又一个失望,没完没了。
所有曾经
真心挺过梁嘅人,都有一个共通点,就喺
遇人不淑。遇人不淑呢样嘢,唔一定会致命,有啲成功人士都有呢个问题,其中一个典型嘅例子,就喺又搞平价航空又搞数码电台果个电子工业家,喺边个就唔咁直接讲啦。我自去年九月底开始响度留言,对博士嘅文章都好欣赏,不过如果博士解唔开呢个结,恐怕我就只可以赠你一句:
切忌遇人不淑矣!真正嘅大师,喺可以 sense 到宏观里面嘅决定性因素,去判定今日同未来一啲重要嘅事实。
乜嘢喺
宏观里面嘅决定性因素?仲记唔记得响特首选举初期,
庸梁落区拉票,有市民大赞佢嘅
八万五,佢点答人地?佢话喎:
你赞我闹我都好,实事求是啫!其实,
八万五喺咪真喺佢搞出嚟嘅,已经唔再重要,因为单睇佢呢个答案,就已经好肯定,
呢个人绝对唔可以做特首!后嚟佢见势色唔对,又改口话:
八万五喺
彭定康留落嚟芝嘛!一个咁冇承担嘅人,你对佢可以有乜期望?之后好多事,包括明报「一铺清袋」论,梦熊饭局等等,都一一引证咗呢个结论:
有功自居、有错不认;好大喜功、漠视协商;心胸狭窄、拒纳意见;恶者奉之、贤者拒之。
佢呢啲特点,特首选举果阵我以署名
珍惜响 i-cable 嘅留言都讲唔少(参考:
1、
2)。我只喺一个蚁民,唔喺乜嘢大师,我亦唔认为佢呢啲嘢要去到大师级至睇得穿。咁点解当时咁多香港人睇唔出,连博士响果阵都睇唔出?原因可能就如
当日我响 i-cable 咁话:
活在繁荣的大树下,看不顺眼一点枯枝就要换掉整棵大树,港人如梦初醒,实还在梦中。后嚟
庸梁上任后,被发现佢响选举果阵用幅墙封咗个僭建;
原来佢呢个特首运,喺一个横运嚟!咁香港仲点会有运行?跟住个元旦游行,
阿婆嘅说话,一针见血:
一个咁嘅人,几好都喺假!阿婆都可以喺神级,点解?呢啲就喺所谓
睇穿咗宏观里面嘅决定性因素!其实选委投票前香港人仲有一个改变命运嘅机会,呢个就喺我响 i-cable 另一段留言度提到嘅
最后机会:
理大全民投票。响百忙之中,我都要带埋屋企人去理大投
唐英年,就喺因为我知道呢个投票喺好关键,如果我唔投呢一票,对唔住自己良心。果阵选委倒戈投梁本嚟已成大局,不过如果理大嘅结果喺
唐英年跑出,咁阿爷唔单止唔会逆港人嘅意愿,反而仲会对我地
另眼相看,结果选委一定回軚投唐。港人自发投票成功改变选举结果,意义何其重大!唔单止将会改写香港嘅历史,甚至会成为香港普选历程嘅一个重要里程碑!
真喺发梦冇咁早,原来大部分人远道而嚟竟然只喺去投一张
白票,以为咁就代表乜嘢反小圈子喎!如果我喺阿爷,就真喺睇唔起你地啲香港人,俾埋你都唔识拣,仲成个细路咁要反叛,究竟你地够成熟去玩普选未?
一个人要有资格去拣,就先要识得响有限嘅嘢里面拣,呢个根本就喺大人教细路嘅幼稚园道理!唔知大家当日有冇去投票?投咗边个?定喺投咗白票?唔使话我知,自己反思。
记得果阵响 i-cable
同挺梁者辩论,佢地讲嘅嘢,不外乎喺话经济好果阵啲富商处处赚到尽,觉得
曾班子向大地产商倾斜,
庸梁以民生为主,唔会同大地产商妥协等等。其实呢样对
地产霸权嘅不满,有时亦出现响博士嘅文章度。博士文章对
曾荫权嘅批评,主要响两方面:
一为政策倾斜大地产商,增加土地供应不力;二为推出 SSD 等打击楼市政策,成庸梁辣招嘅始作俑者。对於呢两样嘢,我嘅睇法好唔同。
曾荫权接手
老懵董嘅烂摊子果阵,只喺一句
「做好呢份工」。呢个人
谦卑正面,能者必拥之,所以一开始我就睇好佢;有人话佢只喺好彩喎,就算真喺好彩又点?一个有运行嘅人做咗特首,香港都会有运行,有乜唔好?况且治港唔喺玩泥沙,个人唔掂点会有运行,呢啲叫
因果关系,睇
庸梁就知。我虽然唔信教,但见
曾氏作为一个虔诚嘅教徒,处事一定唔会逆天而行,后嚟得以证实,此人嘅作风,果然喺
顺住大势走,唔会逆市。
我从来都唔认为有乜嘢
地产霸权,就算有,都只不过喺香港经济结构衍生嘅一个大势所趋。
所谓大势,只能顺,不能逆,因为冇经济,就冇民生;试问如果冇咗所谓嘅地产霸权,最低工资又点可能会 WORK?
曾班子唔喺向大地产商倾斜,只喺顺大势而行,以协商而唔喺对著干嘅手法对人。如果土地供应喺
曾班子失职,咁
庸梁大锣大鼓咁搞又点解搞唔掂?如今庸梁搞到要盲目抢地去破坏香港嘅配套,博士先至知道,曾荫权喺为咗唔想牺牲啲乜嘢?
至於话佢将楼价飙升嘅问题归咎於物业投资者,何以见得?因为佢
SSD 等嘅政策?咁博士有冇谂过,一个作风咁顺势嘅虔诚教徒,点会响
金融海啸啱啱过咗之后,大胆搞埋啲咁
逆市嘅嘢?原因好简单,
曾班子出招,根本就唔喺为咗要打击楼价,呢个只不个喺为出招护航嘅借口。我响
另一篇留言提过,以前嘅楼市,喺以
炒卖主导,果阵嘅供求实况喺好唔清晰。果阵啲地代,会特别优待啲炒家,佢地甚至将用家拒之门外。同一个吉盘,可以响短期内成交 N 次,呢啲所谓嘅成交量,同埋衍生出嚟嘅乜乜指数,根本冇代表性。咁乜嘢至喺
真正嘅供求?
当物业嘅一个成交,喺会导致一个有需要住嘅人或家庭可以攞嚟住嘅,咁呢一个成交,先至算喺 fulfill 咗市场上嘅一个需求。
博士究竟有冇研究过,
八万五真正嘅教训喺乜嘢?
八万五只喺果,真正嘅因,喺
老懵董同埋佢果只头马,即喺依家呢个
庸梁,完全睇唔清个楼市,
将当时嘅供过於求当成喺唔够供应!记得
金融海啸之后,
任总曾经警告过会有
第二甚至第三波嘅风险。
曾班子拣果个时刻出招,唔喺为咗满足响乜嘢电台讲过乜嘢嘅人,而喺因为果阵
正喺楼市应金融海啸调整后反弹嘅时刻,响呢个 timing 顺势出招,对个市影响最细。真正嘅目的,唔喺要打击楼价,而喺要
清除摩货及短炒,令到以上所讲嘅
真正供求实况透明化,避免重滔当年
八万五嘅覆辙!所以我至将佢取名为
曾任改革,呢样嘢,其实唔喺净喺用嚟保护本港金融体系嘅。
曾任改革,喺要楼市导入供求主导嘅正轨;真正嘅目的,其实喺长远保护楼市!
博士讲过好多次,
曾班子出招后,楼价
应声下跌,政府
沾沾自喜,不过谂唔到后嚟会回升得咁快。不过我见到嘅同博士好唔同,楼价下跌,喺因应炒家离场,市场自我平衡至供求主导嘅结果,
后嚟会回升,亦只喺因为市场开始进入真正嘅供不应求。呢啲嘢,
曾班子已经预咗,响供求实况透明化之后,再重订房屋政策,可惜果阵已经供应乏术。如果
曾任改革响
董政时代执行,供求透明化之后,老懵董就唔会睇错市,亦唔会有八万五,香港嘅楼市亦会避过咗果一劫。
最后我又想重复问多一次,究竟博士依家点睇
庸梁?
阁下当日挺梁,咁依家算唔算喺
转咗軚?而因应呢个改变,阁下又有冇 review 过自己对
前朝同曾荫权,甚至喺对
唐英年嘅睇法?
主宰命运嘅,喺人,唔喺数字。所以我重点睇嘅,喺人,唔喺数字。