今日返工在落车时被人截住做访问,问我对国泰炒了三个空姐意见,支唔支持空姐罢工,我话已经好耐冇搭国泰,不置评,对方又问,唔搭国泰是否因为政治或者服务问题,我话两样都唔系,日常生活不应该与政治扯上关系,否则食都冇得食,由於我坐商务客位,服务质素唔错,经济客位我相信比较差一些,但我好耐冇坐经济客位,所以不置评。
对方死缠烂打,於是实话实说,我最担心就是国泰空姐失惊无神又搞罢工,在疫情之前经常罢,就算去年底,在局部通关之下,空姐又要求罢工,除非我买定两套票,否则唔敢搭国泰,至於今次会不会支持空姐罢工,我话支持都冇用,我相信空姐唔敢罢,对方冇乜瘾,头也不回走了。