有老友话有一个朋友打算卖楼，问佢有冇兴趣，我话最好不要同朋友买楼，否则就好似两个人对赌，楼市上升即使卖家输了，楼市下跌，买家一定会唔开心，不过，如果朋友有需求，而自己有用得著，同朋友买楼亦无妨。
老友亦抱住这个心态同朋友倾买卖，点知一肚气，业主叫价竟然比市价高两成，老友都唔知点样还价，因为如果
减价超过两成，一定会被朋友话锄价，更何况朋友早已表示，虽然睇唔好楼市，但绝对不会减价，就算是朋友最多都是减2-3％，老友知难而退，连价都唔还，点知业主对其他人讲老友卖唔起，真系激到老友扎扎跳，才记起我话唔好同朋友买楼，买得成就是对赌，买唔成就会比人话买唔起。
如果问任何一个业主卖楼的理由，移民加息都是其次，更加唔会话自己财困，最多人话是睇淡后市，其实，睇淡后市不是理由，点解睇淡后市才是理由，问题是，既然是睇淡后市，那些人叫价应该低过市价，但事实又非如此，那些业主虽然睇淡后市，但叫价又高过市价两三成，所以，我们经常见到一些劈价两三成的个案成交，但成交价竟然与市价相若，由此可见，那些睇淡后市而卖楼的业主口是心非，个口讲睇淡后市，要价又高过市价两三成，如果真系睇淡后市，首先要身体力行，要价低过市价，否则，唔好同人讲话睇淡楼市而卖楼。
App下载
