我非经常性与一些客户或者朋友去一些名店食饭，他们见到伙记介绍一些普通菜式给我，觉得很奇怪，因为当他们去到那些名店时，伙记所介绍的都是名贵菜式，有客户问伙记点解，是否睇唔起我，伙记话唔系，原因是我经常都会去食饭，费事劏我，要劏都会劏一些未见过的生客，其实，做生意有一条不
明文规定，长客冇阔客，阔客冇长客。
政府搞夜缤纷，无论成与败都值得支持，做地产的人就明白，而且非常羡慕，政府为了打击楼市炒家而推出辣招，现在不但楼市冇晒炒家，成交量亦大跌，但政府仍然抱著一动不如一静，至今仍未考虑撤辣，所以政府今次打破惯例为了振兴经济而推出夜缤纷，就算唔支持都唔好柴台。
有人话在夜缤纷夜市，有摊档卖烧卖，20元4粒太过贵，我认为冇问题，摊档明码实价，又唔系以両代斤，唔钟意可以唔买，唔使闹到咁大声，不过亦有人话，20元4粒都可以接受，但双并就要25元，似乎於理不合，其实，这是做生意手法，去街市买餸，菜心一斤12元，两斤20元，大家又唔觉得有问题，香港人几时变得咁小家小种。
有人问我有冇去夜缤纷食烧卖，是否很贵，我话支持政府，早已去了夜缤纷，又买了20元4粒烧卖，贵唔贵我真系唔知道，我只知道如果去夜缤纷都唔买烧卖食，畀人问到都唔知点回答，况且我又不会日日去，下一次去可能已经是一个月之后的事，我并不是常客，做吓阔客都冇问题。
App下载
