在过去十日，长时间10号风球以及黑雨重创香港，有收租业主同我讲，今次真系大大镬，估计维修工程要用好多钱，但唔做又唔得，唔做租客有权走人，打算向银行申请一笔维修基金，否则在一时之间都冇咁多现金，希望银行唔会托手踭，我相信如果用嚟做维修工程，银行是乐意批出贷款。
今次真系人算不如天算，不少业主对利息上升早有准备，最有效策
略就是降低借贷比率，但顾得头来脚反筋，估唔到10号风球之后又有黑雨，搞到有不少出租单位水现漏水，水浸等情况，由於时间太长，影响到单位内装修以及结构，大型维修是无可避免，今次真系破财挡灾。
有老友话今次真系多谢政府出招，令到佢不能够多买一个单位收租，否则现在就很头痛，不但无端端要使一笔钱，仲要搵地方俾租客暂住，仲问我们有冇麻烦。
我话冇就呃人，现在真系头痛到癫，好彩公司的同事是一班愿意担当的人，昨日已经与租客联络，解决受水浸影响问题，但事实上差不多每一个租客都有问题，只能够见步行步，首先解决即时问题，有一些单位甚至要做大维修，今次都唔知唔见几多钱，不过都冇办法，如果唔系就唔会叫天灾。
这个故事话比大家知，做收租业主真系唔容易，不但担心楼价下跌，被银行追差额，亦安担心利息上升，现在连天灾都出现，以后搵人买楼收租都唔系咁容易，所以，政府亦可以考虑放宽香港人买第二个住宅单位的辣招税，估计现在即使放宽，买楼收租的人亦不会明显增加，因为大家都唔想在打风落雨时瞓唔着，就算瞓得着都会发恶梦，今次黑雨真系惊醒了很多人，原来买楼收租都有很多烦恼。
App下载
