星期一早上公司开例会，有同事话有一个食肆租客，因为生意太好，垃圾增加，希望我们可以加强人手协助清理垃圾，否则就会将垃圾倒出街，我话食肆好生意是好事，垃圾增加，大家可以协商解决，但如果要胁就冇得倾，我唔信食肆够胆将垃圾倒出街，睇吓佢仲有冇人帮衬，保证生意一落千丈，食肆只不过靠吓，而且食肆亦要遵守大厦公契，公契亦清楚列明各业主或者租客要妥善处理自己垃圾。
日本政府话万事俱备，在8月底就会将
福岛核污水排放入太平洋，除了得到国际原子能总署lAEA认可，仲有超过100个国家表示冇问题，只有中国，香港等30几个国家或者地区反对，有同事唔明白，点解有咁多国冇反对，其实同我们的食肆租客倒垃圾出街一样，只有附近的店铺反对，街头巷尾的就话之你，最好倒多啲，冇人去帮衬那间食肆以及附近的店铺，他们反而可以多做生意。
至於日本够唔够胆排放核汚水入太平洋，我个人认为是唔够胆，因为排放核污水与食肆倒垃圾不同，核污水一经排放，是冇得返转头，如果发现异变生物、海产等，日本是玩完了，食肆倒垃圾出街，如果影响生意，只要立刻停止，最多影响几日生意额，唔会搞到食肆执笠。
其实地球就好似一幢大厦，大厦有大厦公契，有地球公契，乜嘢可以做，乜嘢唔可以做，有很多事就算在本身国家都唔可以做，排放核污水影响全世界，如果联合国因IAEA认可而任由日本排放核污水，如果出事，不但日本玩完，联合国亦可以收档，所以，我够胆讲日本不敢排放核污水。
有老友我毋须做咁多分析，只要问吓有资歴玄学家，我话问都冇用，如果玄学家话不会，最后日本亦没有排放核污水，玄学家一定会领功，但日本即使最后排放，玄学家仍然冇输，他们会话早已知道日本会排放，但天机不可泄漏，既然玄学家唔会输，点解要问他们。
App下载
