有老友问我们公司有冇试过推行WFH,并且话这是世界大势所趋,很快全世界会有很多公司要WFH,如果唔WFH,根本请唔到人。
我见老友讲得咁严重,於是以身试法,自己WFH一个星期,期满之后,我觉得自己很颓,须又唔剃,不修边幅,如果去见客,可能会被人误会是外卖老哥。
WFH第一日,有朋友知道我WFH,叫我去happy hour,我见又要换衫,又要坐的士到中环,大家见面又没有目的,只是讲埋一些无谓嘢,於是婉拒了朋友,但之后都有少少后悔,因为明知有一班老友正在劈酒,而我自己成晚在家里,真系闷到发癫,心里打算如果明天有人约我出去饮嘢,一定唔会托手踭。
到了第二日,自己在家里百无聊赖,不断食食食,又自斟自饮,到了下午,秘书提醒我晚上有一个约会,我知道自己当日食了很多,如果晚上又食,真系唔掂,於是叫秘书替我改期,决定明日返工。
到了第三日,唔知点解唔想起身返工,於是决定尝试多一日WFH,首先唔乱食嘢,好不容易才到午饭时间,见到外卖小哥都唔知几开心,一心等人搵我去饮嘢,但电话都冇一个,又冇WhatsApp,於是问其中一个朋友,佢话大家知道我WFH,决定唔骚扰我,唉,他们不知道,我其实很想有人骚扰我。
原来不但每逢佳节重几斤,原来WFH也可以重几斤,到了第四日,一心一意准备返工,但唔知点解,好似肥了少少,套西装都唔啱身,於是决定做运动,WFH多一日,一边WFH,一边做运动。老实说,已经由早做到晚,一安士都冇减,心里想,如果WFH一个月,岂不是要做过晒啲西装。
到了第五日,与同事开Zoom Meeting,做今个星期总结,唔知点解,我好似跟唔上,究竟市场上有甚么变化,只有同事讲,我做听众,到最后,我向各位同事报告今次成果。我只是话Work From Home 行唔通,如果有人话行得通,佢准备以后唔使返工。