【珍惜香港】TO:19/F 历史长河
两篇回应?喺边两篇?叫得做
「篇」嘅,应该有番咁上下长,唔会真喺果两个
「沙发」嘛?哈哈!
长河兄谈重力波,足以引发我写长嘢嘅灵感,可惜力不从心,就姑且先分享
两段片,呢两段已经总括哂,今次发现嘅所有公开资讯。
记得自己从小热爱天文,三十年前
哈雷彗星回归,通宵就喺要等日出前一刻。当晚天气唔好,冇星空背景参照之下,惟有计好彗星大概响边个山头升起,再用双筒喺咁扫。
结果云间呈现一秒,果一秒嘅景象,毕生难忘。呢颗最壮观嘅世纪彗星,大部份人一生只能见一次。下次回归,就算有命,我对咁嘅眼,都未必再俾我睇得到啦!
当时,
理论天文喺我至爱,真喺乜书都睇,当然唔少得
相对论。以高中嘅数学能力,要完全睇得明,喺非常困难,因为谈相对论嘅书籍,都喺充满大学级嘅数式,所以我主力响理论方面著手。其实,科学最困难嘅,唔喺数学部份,而喺理论,所谓,
一理通,百理明,好多时,问题都喺出响最基础嘅部份。
Ronald 话,理论物理喺
「猜」。当年诺贝尔奖,为相对论颁授与否,
引起好大争议,就喺因为呢个理论,唔喺嚟自实验结果,而喺从修正物理学基础推算出嚟,被当时好多所谓权威人仕,视之为「猜想」,甚至喺「病态」。结果,诺贝尔奖委员会,惟有以
光电效应名义颁俾爱因斯坦,仲要指明佢嘅获奖演说,唔准提相对论,喺唔喺好讽刺?
历史上伟大嘅科学发现,都喺嚟自当时科学界一啲
尚未解决,或者
牵强解决嘅难题同疑惑,最后通过摒弃旧有嘅基础信念,以
划时代嘅理论激发出嚟。就好似
「日心说」咁,简单直接解决咗,当时以
「同心球」牵强解释嘅行星
「逆行」现象。
相对论都喺一样,
Sugar 姐提及嘅
「以太」,正喺果阵科学界对
绝对静止嘅假设。简单一个问题:地球自转,又围住太阳公转,成个太阳系,又围住银河系公转,银河系,又随著本星系群响宇宙里面奔驰,咁实际上,我地郁得几快?宇宙间,又有乜嘢喺唔郁?有冇一个
「唔郁」嘅参考空间?
光波既然可以响真空传播,光嘅速度就喺相对於静止嘅速度,而通过量度唔同方向光速嘅差异,咪轻易搵出我地自己嘅绝对速度罗!呢个就喺著名嘅
「迈.莫实验」。结果,当然喺失败,任何方向量到嘅光速都喺一样,难道,我地先至喺
「唔郁」?吓?唔通
「地心说」番生?
爱因斯坦就索性摒弃咗「以太」,
将光速定为任何参考空间嘅不变常数,呢个就喺
狭义相对论嘅基础。通过光速不变原理,就可以推算出,相对移动嘅空间,会向对方嘅时间轴倾斜,咁时间轴,就成为与三度空间睇齐嘅第四度空间。一个基础嘅修正,就改变哂旧有对时空嘅理念,再延伸至一切同质量、力学、能量等嘅相关修正,喺对整个物理学
连根起嘅革新。如果大家有读过基本电磁学,应该学过,带电物嘅移动,喺会产生磁场,但既然,根本就冇绝对嘅移动速度,又何来磁场?原来,通过狭义相对论嘅公式,已经可以推算出,电场同磁场,根本就喺同一物。
速度喺相对,咁
加速度又点?简单讲,物质受重力推动,就会加速,就好似物件下跌会加速一样。所以,加速度嘅相对性,通过
等效原理,就引申至重力嘅范畴,於是成就咗
广义相对论。
重力,已经唔喺乜嘢「力」,而喺物质响扭曲嘅时空里面,继续移动嘅自然现象。物质嘅移动,带动扭曲嘅时空移动,就形成
重力波,以时空波浪嘅模式推进。
其实,
理论,都喺通过对事物嘅观察、体会,补充现今科学领域嘅缺口,从分析未解释到,或持久被牵强解释嘅难题,而开创出嚟。所以理论,唔喺无中生有嘅猜想,
而喺对真实世界嘅理解,喺科学嘅基础,一切科学嘅「因」。所有实验,冇理论嘅背后支持,喺冇意义;而数学,亦只喺依附理论嘅一件工具。唔知我咁讲法,会唔会好难明?
或者,我打个简单比喻。一件事情,重复发生十次,喺唔喺代表,第十一次,一定发生?如果我地只喺睇住呢啲重复数据,而唔先去
立论解释,背后推动事件重复发生嘅
「因」,咁凭乜嘢去武断,第十一次,一定发生?任何一件微小嘅基本因素改变咗,都可能足以令第十一次唔发生,何况,喺大环境嘅改变?
呢度嘅长期网友,应该会记得,我曾多次提及,
金融扭曲呢样嘢。当金融扭曲,发展到
第二波后,
第三波前,我就发表咗
「环球经济新常态」回应系列,到
第五波之后,再出埋
「环球经济新常态之续」。跟住呢?我已经冇再提金融扭曲啦!点解?
基础物理,有个 TOPIC,喺讲弹弓呢味嘢。
弹弓,弹下弹下,拉长放短,都几得意。每个弹弓,都有佢嘅特性,即喺拉到几长,就要几多力。不过,如果你拉得太长,佢就会开始
「扭曲」,拉超过或持续多次拉近一个叫 YIELD POINT 嘅位置,弹弓就会变形,一旦变形,呢个弹弓嘅特性,就会改变,
而改变,亦喺永久。
所以点解我成日话,
今时,唔同往日啦!仲用旧思维去谂嘢,已经不合时宜。好多基础因素,甚至宏观嘅大环境,都已经改变哂,而呢啲改变,唔喺暂时,喺恒久,呢个就喺所谓新常态。
既然喺新常态,又何来扭曲?将来嘅发展,只会向前,番唔到转头,
咁点解,仲要怀缅过去?仲要攞住啲有限嘅数据,去同
97 果阵比?唔好以为,求其将啲改变咗嘅参数,加埋入去个 CURVE 度修正,就可以得到你想要嘅答案。好多关键嘅改变,尤其喺
慨念同结构性果啲,喺搵唔到公开又有代表性嘅数据参考。唔肯从最根本嘅原始因素开始,
重新立论,去睇清楚呢个新常态嘅真面目,只喺执住旧信念、旧理论去
牵强修正,根本就冇意义。
又如,
长河兄谈逆向思维,我都几认同。如果你只喺认为羊群盲目,所以要逆羊而行,咁你就同羊群一样咁盲目。不过,如果你能够以羊群行为,作立论嘅基础,推算出呢啲行为,点样具体影响到未来嘅结果,咁基於呢种对
真实世界嘅理解,而作出嘅,无论喺顺羊而行,定喺逆羊而行,都唔算喺盲目啦!
至於股市、楼市,讲开又讲,呢度,有个好奇怪嘅现象。我见唔到有人,会好过份咁,斗胆叫人冇能力,借财仔都要迫上车。但总之呢,鼓励人买楼,唔知点解,会俾人轰,话公开鼓吹呢啲嘢,会累人接乜棒、乜资产之类。正月流流,有啲嘢,都喺乜下乜下好啲。大家应该知道,
呢度喺地产网,响地产网,鼓励人买楼,有乜问题?至於理据充唔充份,合唔合理,好多时,
喺角度问题,唔好睇少呢度嘅读者。如果,怪责人地只讲好嘢,我谂呢排,好嘢以外嘅,都俾其他人讲哂啦!咁人地只讲好嘢,又有乜问题?
更奇怪嘅喺,轰人者,有部份反而会鼓励人买股,话买股好过买楼喎!其实,买股又好,买楼又好,总有人发达,有人乜乜,唔好攞啲个别嘢摆上枱。大家可以自己做个统计,睇下认识嘅交际群,同各界知名人仕,上咗岸嘅,喺因为买股多啲,定喺买楼多啲;乜乜嘅,又喺因为买股多啲,定喺买楼多啲。唔好同我斟酌,上咗岸嘅定义,自己谂,明我意思就得。总之,
话得人地鼓吹人买楼,会累人乜乜嘅,搞乜叫人买股?好多嘢,由基础睇起,就变得好简单。所谓,
一理通,百理明嘛!Ronald 话,
预测言论者,分四个派别。如果硬要将我分派,可能喺第 4 派罗!不过,话我喺第 4 派,都只喺啱咗一半,点解?因为我根本唔喺乜嘢,预测言论者,而只喺一个,
真相追求者。我对物业,喺以
「值」为先,「价」为次,咦?有分别咩?呢一点,好关键。
遘到
「值」,记得几日前,
我回惜缘兄,话正月流流,唔想俾人问候。
蓄芳兄回应,话我
立不败之地,点会俾人问候。跟住我响另一边,低调回应话,
喺美丽嘅草率,唔知我咁低调,有冇人留意到?其实,我回惜缘兄嘅内容,的确喺有啲草率,令到蓄芳兄,有意或无意咁曲解咗,应该要删除
「市个」两个字。不过,原来蓄芳兄自己都太草率,佢话,CCL 点跌,都追唔切地产商起楼,所增加嘅楼市值喎!讲真,如果 CCL 响某一年内跌一成,应该唔算太过份吖?但要地产商一年之内,起出全港总私楼多一成出嚟嘅,咪仲劲过八万五?两个草率,就令到我唔使俾人问候,仲唔喺,
美丽嘅草率?
为咗答谢蓄芳兄,我就卖大包,
DEMO 一下,乜嘢喺
立不败之地啦!
因果关系,就喺咁微妙。正如光速不变,一个微小嘅修正,就爆发出,将整个物理学,连根起嘅革新。如果唔喺
长河兄撩起,都唔会正月流流,写篇咁长嘅回应,冒俾人问候嘅风险。咁嘅篇幅,虽然可以上
专栏,但我一於放响长河兄嘅回应箱入面。冇法啦!正月嘛!
我俾人问候,当然要入长河兄数,话哂,冇阁下嘅触发,我都唔会响,
呢个时候,写呢啲嘢。写得嘅,除咗啲乜乜之外,当然唔可以就住就住。
哈哈!
长河兄,呢铺你走唔甩啦!唔好谂住删文,你会连我咁辛苦写嘅回应都删埋,咁就仲大件事!
正月未过,跟住呢句,梗喺唔少得。
新年快乐!!