茶酒一味

　　神州大地一放开疫情防控，就赶集咁返大陆。今次一个多月嘅时间，在景徳镇出发，先去福建探茶山。去福建西北嘅武夷山，有北京朋友交待当地茶庄招待，虽然话唔系官老爷嘅红地毯，有车接送又有茶道招呼，悭咗唔少时间又叹茶享受时光停落来嘅清福，在香港咁大嘅一个国际金融大都会，真系一种冇法想像嘅幸福。当地武夷山学院在我短短嘅逗留时间叫我即席挥毫，讲外国嘅茶酒文化，唔想违背好意，唯有漏夜备稿制作 PowerPoint。宜家内地学院设备齐全，连学生都可以随时帮手搞定。

　　讲起武夷山同欧洲嘅关系，当然是跟武夷山嘅桐木关有紧密嘅关系。十七世纪初明朝末年，因战乱兵燹，当地茶农用松木来烘干过度发酵嘅茶叶，将佢卖俾荷兰商人，殊不知自己不要嘅茶叶竟然跟英法两国大受欢迎，只是东方唔亮西方亮，从此 Lapsang Souchong 闽语嘅音译就变成咗好茶嘅代名词。更想不到的是红茶贸易成为咗鸦片战争嘅源头，大清王朝政权嘅愚昧亦导致咗印度 Darjeeling 同埋斯里兰卡红茶嘅快速发展，世界上最大嘅茶公司宜家竟然是英国嘅 Lipton，真有点不可思议。后来又有朋友盛情安排咗去宁夏逛酒庄嘅行程。每日去四个酒庄一共去咗十二个酒庄，同埋酒庄庄主或酿酒师详细倾当地葡萄园嘅风土，品尝咗酒庄唔少唔同品种嘅红酒。想不到的是十年来宁夏嘅酒庄数量出现咗爆炸性嘅增长。估计十几年之后，宁夏贺兰山东麓贫瘠嘅山脚会出现好几百家新嘅庄园。从外国引进嘅葡萄品种好似赤霞珠、马瑟兰同埋夏多丽等等将来都会散发出华夏特色嘅异彩。

　　在武夷山学院受邀讲《东西方的茶和红酒文化中的创意经济》，感叹茶酒一味，就是话从观色、鼻闻到口感两者都好相似，茶产自中国但是左右世界市场嘅系欧美公司，品牌亦都是一样。今日宁夏葡萄园嘅发展，是否会发挥后发优势，有一日酿制红酒大师同埋品酒大师都出自神州大地呢？且拭目以待吧。