長實趙國雄：趕賣樓避險

向來語出驚人的長實「樓神」、執行董事趙國雄早前突然「轉軚」，指出新盤開價過高，超出市民負擔能力，現時投資買樓風險較高，由於樓市受到外圍及政策因素影響，預料下半年樓價有下調壓力。趙國雄多次強調自己未能看透後市，「十幾年都未試過咁睇唔通」，所以長實會「快啲賣樓，仲要賣得快好世界！」

趙國雄認為，現時投資住宅物業風險大，自住可考慮，但必須量力而為。趙氏又指，希望政府收手，不要再出招，「政府仲有好多招擺喺袋，唔好逼佢，否則發展商經營環境仲困難。」