地產論壇
登入名稱
密碼
頁數:
樓市反撲追升一成
瀏覽人次:16642    回應:27

樓市反撲追升一成

 

何熊輝

2022年5月7日

  過去兩年多,世界各地都備受疫情打擊,但世界各地樓市,在經濟活動大幅放緩下,仍大幅上升,其中排名首位的加拿大樓市,兩年勁升五成,反觀香港排名位列榜末,升幅幾近於零,但今明兩年,情况有機逆轉,香港有機追落後,令升幅大幅領先歐美加各國。

  現時美加等地,通脹高企,急速加息行動已啟動,面對急速的加息壓力,加國多倫多樓市即時回軟,銀行估價也緊隨下調5至10%,反觀香港,樓價指數連升兩周,放盤叫價也上升3至5%,移民盤的議空間減至2至3%。

  加國樓市下調,表面上跟加息有關,但實際是過去兩年升幅過大,加上工薪完全無法追上,因此就算不加息也要調整。香港過去兩年,大幅落後大市,現在有追落後之勢,因此就算加息兩厘,也難阻其升勢。

  早前多倫多的放盤,隨時可引來十多個買家同時競價,現在輪到香港了,最近將軍澳Sea to Sky十個撻訂盤重新推售,即引來200組買家爭相洽購,平均每個盤有二十組客搶奪。

  一直以來,市場高估了移民盤的數目,原先估計移民的20萬人,可帶來5萬個移民盤,但實際的移民盤,大概只有數千個,最新統計指出,移民盤只佔成交量5%,因此就算移民盤成交價略低,也難拖低整體樓價。

  按現時趨勢發展,第二季樓價可望上升5%,這情况跟筆者於4月初時的預測大致相同。估計下半年反彈趨勢持續,並可望再升5%,令全年升幅可達一成。

樓市反撲追升一成
1. 睇樓量升6%
2022-05-07 20:35
社交距離措施進一步放寬,吸引市民外出消費,同時帶動睇樓活動。10大屋苑佛誕假期3天錄約705個預約睇樓;若單計周六和周日錄得535個預約睇樓,按周跌5.8%。10大屋苑中,4個屋苑的預約睇樓量錄得跌幅,2個屋苑的預約睇樓量則錄得升幅。
2. 大鄉親
2022-05-07 20:57
我係業主如果跌1成我不如繼續收租唔賣何況跌三成,其實無錢唔可怕,無知先係最可。
3. 九龍城9%空置
2022-05-07 21:56
雖然去年私宅落成量銳減,惟市場對住宅的需求仍然持續。差估署最新數據指出,去年全年單位空置量約5萬伙,空置率約4.1%,按年輕微下降0.2個百分點;當中以大埔區的空置率最高,達8.8%,但以九龍城區(包括啟德區)空置單位達8512伙數量最多。大埔空置率達8.8% 
4. SYB
2022-05-07 23:02
追追追,但是錢包唔爭氣
5. ...
2022-05-08 00:31
點解加拿大人工追唔到樓就要跌, 莫非香港人工追到? 睇吓香港有冇能力 一直唔加息 
6. 蝕住賣
2022-05-08 09:10
有個別業主減價沽貨蝕讓離場,馬鞍山迎海.星灣18座中層G室,面積784方呎,屬2房連工人房間隔,座向東北望海景,原叫價1650萬,放盤9個月,大減110萬或6.7%,用家1540萬承接,呎價19643元。據了解,原業主於2018年6月以1623萬購入上址,持貨4年帳面蝕83萬。
7. 淡友呢世莫上當
2022-05-08 10:01
淡淡個個由有呢個宅谷網開始,年年都話樓價太高就快爆煲,起碼跌三五七成先合理(個價要淡淡買得起),堅持咗十幾年,由青年變阿叔,仔女由小學畢業到大學畢業,總之要堅持咪上當。

作者話來要追升一成,幻覺來啫,嚇淡友唔到嘅。
10. 淡友必勝
2022-05-08 11:27
賣唔哂又話滯銷,樓價將跌。
賣得哂又話做咩要急推,未來樓價將跌
淡淡一世買唔到樓係好正常。
直接去租一世樓算啦,反正心目中樓價永遠係跌。
11. 有樓係原罪
2022-05-08 22:00
2016年sample:

3. 張紹銘 2016-12-31 21:35:57
你班好友米得戚。樓價升系假象,人為托起,吾使三個月,樓價就會爆跌。

14. 風險 2016-12-15 02:56:17
加辣之後,加息就來了,香港樓價大跌時期快到,好友風光日子快完!
15. to 14/f 2016-12-15 09:37:15
全城要好友死佢地又點可以唔死?
全民熱切期待


12. 有樓係原罪
2022-05-08 22:05
2015年廢淡話有兩層樓係人民公敵,要打靶。

12. 哈哈 2015-01-01 04:26:31
5年重?資本家搶奪窮人應有資源,理應打杷,身家充工!!
其他資本家自己睇路!

2015年鬥地主行動正式開始
13. 2015斗地主正式開幕 2015-01-01 06:08:08
所有擁有两間屋以上既都是港人公敵。。。。。。。不過啊梁特首都好以是靠地產發家,擁有很多半山物業。
13. 有樓係原罪
2022-05-08 22:35
10年前也是前前度新特首上場,淡友的願望同今天一樣沒變。

要樓價跌到就晒佢自己上車能力,可惜幻想同現實總有距離。

. 一基層市民 2012-08-17 05:27:20

唔通基層市民冇資格買私家樓?如果月入2萬5左右,身邊有40-50萬積蓄,都係屬於基層市民,唔通叫中產階層咩?

就係我們呢班人俾CY政府害死,以為佢上埸後樓市大跌,點知.......,總之好鬼嬲!

32. 也是基層市民 2012-08-17 08:18:16
買私家樓並不難, 我樓上單位頂樓連天台也只賣一百萬三十萬,步行5分鐘就到地鐵站.如果有時間,你可以去葵興光輝圍走走,仍然有好幾個唐樓低價出售, 最近我聽到一些傳言,地產商開始暗地裡進行收購了.
33. 亮劍 2012-08-17 09:19:25

現在香港理論上人人有屋住,起碼叫做有瓦遮頭,港人想上公屋、抽居屋及買私樓,只係想改善居住環境,而要買私家樓者,加多樣希望資產增值,想喺層樓度賺少少錢養老!

人生有目標,好得很!但應該從正面出發,自強不息!

希望 CY 整冧樓市,俾你低位入貨,講句唔好聽,「心地唔好」!

今日你望 CY 特登整冧個市俾你半價買樓,咁第日啲 90 後又可唔可以同樣理由,叫嗰陣時嘅特首,特登整冧個市,俾那些無殼蝸牛半價買樓呢?

 

私樓價格升降全賴長官意志,真係揾鬼去買都得!泥水佬開門口,過得自己都要過得人呀!

14. 廢淡只想不勞而穫做業主
2022-05-08 23:34
當年80後咀咒60後;跟住90後又鬧70後,現在90後上了車的,好快又畀10後咀咒,總之你有佢冇就係你唔啱。
15. 何熊輝 是最準的樓市專家!
2022-05-09 00:34

何熊輝 是最準的樓市專家!
16. CCL 有機會九月份破頂
2022-05-09 00:38

【樓價指數】CCL連升2周 最新報182.74點 中原研究部:短期有望重返新春時水平


港島樓價率先重返新春前水平,樓價見底回升5周計,
港島CCL_Mass累升4.49%。
九龍CCL_Mass累升3.16%,
新界西CCL_Mass累升3.11%,
新界東CCL_Mass累升1.00%。
研究報告
16:04 2022/05/06



18. 專玩踢爆
2022-05-09 01:19
私樓價格升降全賴長官意志,真係揾鬼去買都得!泥水佬開門口,過得自己都要過得人呀!

呢度有個屆屆望特首打救,可以畀佢早年賣完自位賺一筆,今日又可低位再買樓嘅(賭博淡)。
19. 貪新忘舊
2022-05-09 05:53
新一代只會想買新樓, 如柏瓏都可去到20000 尺。 最重要是靚會所, 有西鐵。 依效應在10 年前瓏門賣10000 尺開始。
當年你亦不會想像瓏門會跟太古城同價, 超越美孚跟星河!
舊樓像condom 式被遺棄, 反映我們不念舊!
20. 淡友真面目
2022-05-09 09:24

唔通基層市民冇資格買私家樓?如果月入2萬5左右,身邊有40-50萬積蓄,都係屬於基層市民,唔通叫中產階層咩?

就係我們呢班人俾CY政府害死,以為佢上埸後樓市大跌,點知.......,總之好鬼嬲!

好有興趣想知基層市民想買什麼樓?

市區?廿年內?有 club house, 泳池,大露台最好有埋海景?


如果唔係咁不切實際,10年前二字頭市區舊洋樓大把選擇,樓上個光輝圍佰幾萬都有。


嘈係因為心頭高出手又低難以圓夢,揾籍口。


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。