地產論壇
登入名稱
密碼
頁數:
俄烏戰爭,美國是大贏家亦是大輸家
瀏覽人次:14253    回應:10

俄烏戰爭,美國是大贏家亦是大輸家

 

湯文亮博士

紀惠集團行政總裁
2022年2月27日

  台灣方面對俄烏戰爭評論,認為美國是今次戰爭大贏家,理由是油價上漲,軍火暢銷,最重要就是資金游向美國,美元上漲,美國債務危機解除,仲唔需要加息來壓抑通脹,唔識計數的人都知道美國是大贏家,大輸家當然是烏克蘭,俄羅斯算是慘勝。

  台灣人的評論,多多少少都會偏向美國,但今次話烏克蘭是大輸家就有問題,如果中國武統,大輸家豈不是台灣,我認為台灣評論員今次捉蟲,或者他們對蔡英文政府提出警告,小心美國叫台灣衝,自己鬆,睇吓今日澤連斯基,蔡小姐就應該知道點做。

  無可否認,在有形上,美國的確是大贏家,但在無形上,他是大輸家,試問仲有冇國家跟隨美國號令,有著數當然唔拘,但如果衝鋒陷陣就咪搞,沒有爛頭卒,等於一個沒有小弟的社團,做大佬都是得一個虛銜。

俄烏戰爭,美國是大贏家亦是大輸家
1. 自我陶醉
2022-02-28 10:29
博士完全唔明白“打鐵還需自身硬”嘅道理,如果個個都派兵過去,人哋只會睇住你班傻仔日日燒錢,根本唔需要進攻,已經贏咗,道理就同short 一張期權差不多,只要個市唔郁,時間值就賺到盡。

人哋一直唔喐手,你駐軍駐得一年、兩年,定係十年? 長賭必輸呢!

如果烏克蘭人好似阿富汗班廢柴咁打到嚟就較腳,送幾多錢、幾多兵、幾多武器去都冇用,最終所有嘢都只係落到敵方之手,同倒錢落海完全冇分別,如果烏克蘭人有十足抗敵決心,錢同武器自然會源源不絕運過去。 到普京大帝癲到用核武嘅時候,各國為咗自身利益,必定群起進攻,這時就係俄佬亡國之時。

2. 識唔識架?
2022-02-28 10:40
如果烏克蘭人有抗敵決心就唔會幾十萬人大逃亡。歐盟估計短期內烏克蘭會有400至600萬人逃往鄰近國家。
3. 油價破百
2022-02-28 10:46
美國用油大國, 通脹爆升,不加息,行嗎?
4. G
2022-02-28 10:53
始作俑者攪屎棍,睇佢D航母群就知,攪唔起烏克蘭就會攪南海。
今次開打左,冇咁易比佢停。

5. 引刀一快
2022-02-28 11:16



自我陶醉兄

嗱嗱嗱,開始搭膊頭喇。
6. 自我陶醉
2022-02-28 11:44
引刀兄

放心啦! 俄佬現在處於下風,我對阿爺嘅智商有絕對信心。
7. 引刀一快
2022-02-28 12:51
俄羅斯呢鋪,就係一個爛仔走去強姦烏克蘭美女,夾硬要中國幫佢睇水,中國一萬個唔情願,焗住俾佢威脅,點知爛仔撳唔低烏克蘭美女,仲跌爛咗手機,咁就轉頭要中國做證人指證烏克蘭美女碰爛佢部陶瓷手機,你話中國幾冤屈呢。
10. 自我陶醉
2022-02-28 15:41
引刀兄

你聽得出這個俄國靚女嗰段說話有幾絕望嗎?

佢意思係話:“全世界除咗中國之外,俄國已經冇晒幫到佢嘅朋友,你話點咪點囉!”

哈哈哈! 
11. 引刀一快
2022-03-01 11:20
自我陶醉兄

我覺得我地仲絕望,一路俾呢個邪惡國家食住,佢全世界得返一個國家幫到佢,唔通中國又係全世界得返一個朋友要去陪佢癲陪佢作惡?
12. 引刀一快
2022-03-01 11:21
十一仔,嗱嗱嗱,依家戰況有變,係想買俄佬贏就依家落注,咪過幾日先話俄佬輸頭注係神機妙算乜乜七七早就計好嚟裝烏克蘭。

你太多賽後揭盅馬後炮前科喇。
買定離手喇,十一仔。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。