地產論壇
登入名稱
密碼
頁數:
烏東有戰爭,美國可以不加息
瀏覽人次:17843    回應:26

烏東有戰爭,美國可以不加息

 

湯文亮博士

紀惠集團行政總裁
2022年2月24日

  大家最近不停講美國加息,令我有多少奇怪,加息對於買美債的人來說,吸引力並不太大,他們只求一件事,就是穩陣,美聯儲局亦知道這個理由,即使通脹去到7.5%,仍然不肯加息,美聯儲局是等世界出現地區性戰爭,有錢人自然會將資金調去美國,是否加息根本不重要。

     拜登個多月前已經講過,美國接受俄羅斯輕微入侵烏克蘭,什麼是輕微,當時沒有人明白,現在大家才知道俄羅斯承認烏克蘭境內兩個自治區獨立成為共和國,而俄羅斯軍隊可以進入那兩個共和國境內保護俄羅斯裔人,這算不算是入侵烏克蘭,美國話算,俄羅斯話唔算。

     俄羅斯進入烏東,無論怎樣解讀,最開心都是美國,據外電報道,烏克蘭境內首100名富豪,有96個離開烏克蘭,既然是走難,當然會預先將資金調走,美國得其所哉,如果其他國家,尤其是在歐洲方面的國家,好似烏克蘭富豪一樣,將資金調去美國,美元上升,美國又何需加息,加息只是浪費彈藥,不過,美聯儲局為了實現承諾,未來兩次議息都應該會加息,亦可能到了今年上限,烏克蘭為了美國犧牲的確很大,但這亦是小弟的責任。

  正當美聯儲局開香檳的時候,美國政府做錯了一件事,就是充公阿富汗政府在美國百多億美元資產,將一半作為911的賠償,另一半作為資助逃亡至美國的阿富汗難民,如果阿富汗仍然很有錢,或者放在美國的資產只佔阿富汗的儲備幾個%,美國政府這樣做亦無可厚非,但現在阿富汗政府窮過蒙正,人民捱飢抵餓,這個做法似乎不人道,亦令到打算將資金調往美國的人多了一重考慮,會不會被美國充公資產,所以,充公阿富汗資產可能是得不償失。

烏東有戰爭,美國可以不加息
2. 引刀一快
2022-02-25 13:25
呢鋪我撐俄羅斯,要保護俄裔呢個理由,名正言順!
咁我祈求我國為咗保護十一仔,快啲駐軍去楓葉國。

3. 自我陶醉
2022-02-25 13:41
引刀兄

唔怕生壞命,最怕改壞名,好叫唔叫烏冬, 擺上枱,畀人食都係命數! 哈哈哈!

至於幻想美國唔加息我估就唔洗諗了,今次加25點已經執到,諗得多諗壞腦呢!
4. 油商
2022-02-25 14:33
打扙推升油價, 油價推高通脹, 通脹引爆加息潮.
5. 引刀一快
2022-02-25 21:35
自我陶醉兄

咁外蒙古有冇改錯名先?咪又係俾俄佬分裂咗出去!俄佬將海參崴改名做“征服東方”嚟串中國人,又有冇改錯名呢?冇,起碼俄佬征服咗十一仔個心先啦。
6. 自我陶醉
2022-02-26 00:02
引刀兄

鬼叫佢叫外蒙古咩? 其實同女生外向一樣,心一早向外,都唔係向內,留得住個人,留唔住個心呢!而且佢都只係搞獨立,唔係畀俄佬食咗,所謂牛唔飲水唔撳得牛頭低,冇理由入佢數呀?

至於海參崴就唔同嘞,個名冇改錯,又真係畀俄佬食咗,梗係要攞返啦!

7. 引刀一快
2022-02-26 09:39
外蒙分裂絕對要入蘇聯數喇,中國版圖原本一塊桑葉,依家變咗隻雞,蒙古分內外,以後搞中國就容易,前年內蒙亂,就係俄佬串埋外蒙搞嘅,有時直接吞,仲未有藕斷絲連咁好駛。
外蒙人係蒙古人,內蒙人要認中國人,咁自然就問題多多。
8. 自我陶醉
2022-02-26 10:04
引刀兄

等我講句公道話,蒙古咪又係霸返嚟,蒙古人入侵建立元朝,我哋一日到黑都話要推翻佢,幾時當過佢自己人? 

即係你去葡京贏咗1000蚊,之後輸返500比金沙,賺咗啦! 哈哈哈!

本來無一物,何處惹塵埃!

9. 引刀一快
2022-02-26 10:16
自我陶醉兄

外蒙外面仲有好大忽係俄佬清朝搶中國嘅,如果真係計原始版圖,果啲消失咗嘅國家冇理由俾嗮俄佬喎。
若果遵照叢林法則,咁我地亦應該濟死俄羅斯,攞返啲地,最多以後接濟下佢,留返呢個人類敵人嚟保持各個人類社會嘅團結性。
10. 一元
2022-02-26 10:28
林引刀,

人類敵人是海盗國家,五眼加倭寇。
11. 自我陶醉
2022-02-26 10:39
引刀兄

"濟死俄羅斯,攞返啲地"
絕對同意㗎,趁佢病攞佢命,現在係最好時機,可惜你冇權話事呢!

大吓細俾屎餵,連旁邊搖旗吶喊嗰啲食屎狗都要餵飽,如果侵略者同啦啦隊每次都慘敗收場,睇下以後仲有冇人夠膽喐手!


12. 十郎
2022-02-26 11:57


      唔好咁小氣啦 , 蒙古國這種窮山惡水的地方 , 執到都喊三聲 , 蒙古國曾經要求自動回歸 , 中國都不曾考慮。我地睇下蒙古國的資料。

      1------蒙古國面積157萬平方公里 , 是中國的6份1。          
       2 ------ 蒙古國人口是328萬 , 是香港的一半 , 人口密度是1.7人/平方公里。
      3------  蒙古國外滙儲備是3884萬美元 , 十個李加乘都多過一個國家。

      4------蒙古國是中俄之間的一處非常好的天然屏障 , 收回來有百害而無一利。

      5------蒙古國人民對中國非常不友善 , 他們曾經對中國官員 , 公然動粗 , 對中國平民更不用說 , 作個比例 , 他們對中國人的憎惡 , 較中國人對日本人的憎惡尤甚。他們感覺中國人消滅了“元朝”是侵略了他們。

      6------蒙古國最大資源是煤 , 是優質的露天煤 , 中國向澳洲印尼買 , 蒙古國只佔少量 ,現在澳洲有變才向蒙古國大量進口。

      所以不要期望收回外蒙 , 不竟時機未到  , 中國夠強的時候 , 自然水到渠成。


14. 十郎
2022-02-26 17:45


      弊傢伙 , 寫錯左添 , 李加乘有360億美元身家 , 是蒙古國的儲備1000倍。李生 , 唔好意思。😓😓😓



15. 引刀一快
2022-02-26 18:34
死囉死囉,十郎罔腰,你講真講假?

1,你睇睇外蒙外面係乜先,貝加爾湖都係尼佈楚條約夾硬搶嘅呀,依家人地話起水管湖水當石油賣呀。
每年流入海嘅湖水係以萬億立方計,幾分之一就夠整個北方灌溉,好過南水北調多多聲,如果中國可以喺北方建起一個生態屏障,慢慢乾旱同風沙問題都會改善,成個國家氣候都好咗。

2,如果國土都嫌多,咁嘅說話就留返嚟勸俄羅斯,你睇睇俄佬點回覆你。

3,如果蒙古算屏障,咁你叫俄佬劃過另一塊屏障都得咯。

4,蒙古人俾人分咗內外蒙,咪好似南北朝鮮咁囉,唔憎俄佬唔憎美國佬,就係憎中國人,一於幫佢地團聚喇。

5,蒙古要求回歸?中國唔考慮?真定假呀?咪洽我讀得書少喎,蒙古回歸俄佬會放人?
16. 回11樓
2022-02-26 18:46

同意。

朝鮮、越南同阿富汗就係最好教訓,所以而加美國就話,無論點都唔會出兵。英國佬首相上星期講中咗,今日烏克蘭、明日台灣。哈哈

17. 2022
2022-02-26 20:55

美國係大,朝鮮、越南、古巴同阿富汗就係細。

鴉片國首相其實係暗示緊台灣要識做。哈哈


18. 十郎
2022-02-26 23:21


      唔好成日呢埋山旯旮打更 , 又要翻牆 , 你知識貧乏 , 又鍾意拗頸 , 醉姐話齋 , 蒙古霸來的 , 除此之外 , 西藏同新疆都係 , 否則米佬點解整天針對着這兩塊地方。有用的地方就要 , 無用的就放棄 , 你整天要土要地的心態 , 跟俄佬有分別?

      中國歷史是一部戰爭史 , 是一部移民戰爭史 , 自周朝以來 , 北方民族屢犯中原 , 原因是北方蒙古冬天是零下40° , 他們為了改善居住的環境向南侵 , 有冇聽過南方廣東向北走?人家窮途末路求加入 , 你估比就要嗱。摧毀印度文明的阿利安人 , 就是來自西伯利亞 , 苦寒地方的移民。


19. 自我陶醉
2022-02-27 00:40
回16樓

國家有國家尊嚴,學我哋英明領導人話齋“不能誰的拳頭大誰說了算!”  向恐怖分子屈服,就等於縱容犯罪。連自己國家尊嚴都唔捍衛,有咩資格做領導人?

向烏克蘭所有為自己國家尊嚴而戰嘅勇士致敬!
20. 一元
2022-02-27 07:40
乌黑烂的始末

1.都是斯拉夫民族

2.海盗民族惯用技巧,搞分裂别的民族

3. 和香港台湾一样。某班人,数典忘宗,被邪教洗腦。 而致讨厌自己文化,批判自己父亲。 

4. 开始玩去俄语,去俄化,逼害亲俄人士。香港台湾又中。

5.仇恨自己同族,做西鬼的奴才。得不到实质利益,又引火自焚。

!!典型的被isa導演剧
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。