地產論壇
登入名稱
密碼
頁數:
八成新香港人買樓可能被低估
瀏覽人次:23020    回應:17

八成新香港人買樓可能被低估

 

湯文亮博士

紀惠集團行政總裁
2021年10月7日

  有物業代理公司做了調查,有接近八成新香港人打算在香港買樓,在未來七八年,有大約四成新樓供應量會被新香港人消耗,老友話這是假調查報告,點解會有咁多新香港人在香港買樓。

  我問老友有冇買樓,他的老婆、子女有冇買樓,佢話全部都已經買樓,因為唔買就即是浪費香港人買樓的配額,連董建華都用自己配額買樓。我話這就是答案,如果來港的人住了七年,即是已經融合了這個地方,既然融合,如果有能力的話,點解唔買樓,就算用BNO去英國,五年之後申請做移民的時候都會買樓,更何況那些住滿七年的新香港人買樓不用付特別印花稅,理論上100%新香港人都會買樓,除非是財力不足,但如果以優才來港,這又不是問題,所以,八成新香港人買樓可能被低估。

  昨日施政報告有很大篇幅講樓宇供應,如果不是有準確消息,政府又不需要如此大陣仗講土地開發問題,說到底是得罪不少地產商,政府知道未來優才來港的人數量會愈來愈多,如果沒有足夠土地供應,足夠的住宅單位,是很難留住那些優才,樓價升跌是有很多因素,人口是主要因素之一,如果人口數目上升,尤其是優質人口,對樓市會產生正面作用,並不是說樓價只升不跌,而是說有足夠需求可以支持樓市,就算樓價下跌都會比較緩慢。

八成新香港人買樓可能被低估
1. 廢淡只想不勞而穫
2021-10-07 11:26
廢淡話佢自己買唔起就别人都唔可以買,否則就係(抄)樓(炒字都唔識寫,確係廢)。

要共富叫阿爺收歸國有配給畀佢住,否則就係同習大大對著干喎。

總之人有佢冇就唔得。
2. 十一哥
2021-10-07 11:49
刀刀大失所望…突然香港多咗1/4地、咁呢鑊真係飛到離地啦…問天何年何月可還香、不過唔好絶望…而家香港實質已經由特區書記揸fit…現象係呢排出巡9官冇咗角色、今次咁大願景肯定由特區書記規劃…衹係比9官臨別秋波出口、做得成9官冇勞冇功、做唔到…衹因9官隨口吹…老表唔洗上身、不過老表行事執行能力就冇洗擔心。
3. 引刀一快
2021-10-07 11:53
為做新香港人而買樓,同新香港人買樓,都係新客源,買埋買埋,中港一路融合,將來兩萬蚊呎同兩萬蚊一方米,都係一個大灣區。

咪理新唔新香港人,新一代香港人應該考慮大灣區先。
4. 引刀一快
2021-10-07 11:58
十一仔,失望果個係你。
依家唔係飛地,係極速融合。

睇睇我六年前估啲乜,準備好手巾仔防𠼱血啊。
5. 十一哥
2021-10-07 12:01
肯定有偷睇老湯嘅論壇、正苦專注公營房屋以安民、由得私人飛沙走石…
6. 引刀一快
2021-10-07 12:05
乜忌成咁呀?
7. 十一哥
2021-10-07 12:07
刀刀 果然係哀莫大於心死…叠埋心水唔再望還香、看破紅塵修為高。
8. SYB
2021-10-07 12:14
應該是「百份百」人類都/計畫想買樓,但。。。到時管理費,差餉地租。。。已百年歸老
9. 引刀一快
2021-10-07 12:17
果然?

我六年前料到今天,呢個先係果然。

十一仔,有啲嘢,你恨唔到,你怨亦怨唔到,寫乜就隨你喇,哈哈哈
10. 十一哥
2021-10-07 12:25
睇足6年…睇極都返唔到香、由綽號睇到决心、引刀淨一塊…切咗小年頭…佩服…
11.
2021-10-07 12:37
施政報告的重心是

!!【轨道上的大灣區】

骆主任的“房屋揪心”,不是林太每年二三萬公屋可以醫治的。

另一點,林太完成歷史任务了。
12. 引刀一快
2021-10-07 13:00
唔抵得?都係咁話喇。
13. 鳥6
2021-10-07 23:02
董建華何當然收到風,大把利好香港樓市消息,所以最近以首買身份入市。
14. 廢淡只想不勞而穫
2021-10-08 08:38
根據廢淡講法,老董擺明係(抄)樓啦。

咁有錢租邊度都有得住,使乜買樓(托)住樓價居高不下?

咁有錢,要奉獻一半資產出來共富益下佢啦,老董唔願意即係同習大大對著干啦?
15. 飛垃圾好過飛地
2021-10-08 08:41
香港會吸引更多有錢的有本事的新港人落戶,而無錢的可以鼓勵佢哋返大灣區養老。

垃圾堆田區可以搬到大灣。飛走垃圾,香港自不然多咗地起樓。
16. 引刀一快
2021-10-08 10:14
樓上

早早投資大灣區嘅人,肯定有錢過你。
放心,你依家去未算太遲,哈哈哈哈
17. 向泛民说不
2021-10-09 10:21
15楼,你这类人不就是自私,低能,无耻又吾知咩把炮高傲的香港人。凭什么啊,畜生。引刀还像一个人,你就吾系人。飞去英国啦。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。