地產論壇
登入名稱
密碼
頁數:
香港最后的人間樂土「沙頭角」
瀏覽人次:23043    回應:7

香港最后的人間樂土「沙頭角」

楊官華

香港專業地産顧問商會-副會長
世紀21(日本)中華物業-創辦人
40萬東京做業主日本置業全攻略作者
2019年10月30日
  香港過去4個月的暴動事件特續發生,可以話令到香港人心惶惶,在這風雨飄搖的日子特區政府剛於2019年10月份香港政府施政報告中引述,放寬800萬以下的樓宇按揭貸款成數,最高可以借9成,香港人首次置業1成首動便可以做業主,而樓價1000萬 元以下的私人樓宇,更可以借盡8 成樓宇按揭貸款,1成首期便可以做業主,消息可以刺激到高收入低存款的家庭置業,加上香港樓價平均各區普遍回落約1成關係,假如4個多月前一層樓叫價660萬港幣,買家需要付首期264萬,上會396萬,但是今天樓價下調到600萬,首期只需要付60萬港幣,540萬上會,高成數按揭貸款,低利息的環境下,目前香港可以話是供樓平過交租,消息的確會帶動香港一二手上車盤成交量,但是香港局勢動盪,嚴重影響市民置業情緒,特別是一些港鐵沿線的地區,成為攻擊破壞的頭號目標,以前說交通方便,今天的說法方便了暴徒,反而一些交通沒有那麼方便的地方相對安全,因為暴徒習慣使用港鐵跳閘出入,港鐵沿線便是高危發生暴動地區。有網友向筆者查詢,究竟全香港那個樓盤是香港最安全的?這個問題對筆者別具意義,筆者有用心找了一下,無意中發現香港境內一個全新樓盤,可以說是世外桃源,人間樂土,不受暴動影響,這裡便是香港境內的地方「沙頭角」,人口約3千多人居住,遠離繁囂,村民友善純樸,自成一角,生活所需一應俱全,這個全新的一手樓盤叫「尚澄」,由遠東發展商打造屬現樓即買即住,可能大家以為沙頭角交通不便,但是今年6月剛剛通車的龍山隧道出尖沙咀只需40分鐘便到達,沿途沒有紅綠燈。
  「尚澄」是香港境內地方,但同時感覺好像受到內地公安武警保護(需要進入禁區中英街才會有公安),就像是堡壘一樣,有部份單位臨海戶戶向南全海景,風景優美,開放式單位售價由港幣252萬起,首期1成只需要26萬起,如果心儀一房一廳約320多萬,首期1成約33萬起(溫馨提示:必需根據實際銀行估價作實),「尚澄」的單位可以話價格仲平過市區一個車位,全新樓盤會所一應俱全,更提供穿梭巴士出入,村口更有一間國際學校,方便小朋友入讀,唯一美中不足的缺點是需要禁區紙才能進入沙頭角範圍,優點就是可以自由出入「中英街」購物,「中英街」地標可以說是別具特色的歷史名勝古績。查詢email:92320233recky@gmail.com
香港最后的人間樂土「沙頭角」
1. 珍惜香港
2019-11-06 01:03
珍惜香港2019-11-06 01:03【向華記致敬】

向華記致敬》呢篇短文,本來就冇諗過會响度 PO 返一個 COPY。講真,我對呢個網站,已經冇哂 MOOD。所謂,大丈夫,有所為,有所不為,我從來唔認為我早前作嘅呼籲,喺啲乜嘢政治行動,我只喺盡一個星斗市民嘅責任,做返我認為正確嘅事 

所以引刀兄話,我地搞咁多動作,冇人敢同我地討論,呢點我無法認同。如果真喺有人咁驚,我想問,你地驚啲乜? 

尋日楊兄 PO 咗段影片,叫大家唔使擔心,仲千叮萬囑,叫各位唔好將佢呢單嘢,提升到國家層面。記得曾幾何時,响一篇回應裡面,我喺咁寫: 

可能會有人以為,寫專欄很了不起。其實在我而言,寫專欄和寫回應,沒有多大分別,反正以前我亦寫過很長的回應,心態和寫專欄一樣。如果要說分別,或許是在於回應是回覆特定的人,專欄是寫給所有人吧。但這個定義在實際運作上是很糢糊的,因為回應不同私信,那是公開發言,全地球都看到。我和其他網友,都有不時借回應表達自己的理念、想法和理論,而這些訊息,會影響到這個世界上,你認識以及不認識的人。這些影響,其實和專欄的都是一樣,觸及到被回應者以外的人,只不過是姿態不同而已。久而久之,我們會和他們建立了一些關係,這是感情關係,並不是普通的關係。我們不能把網友,尤其是那些不認識的,視為一堆文字,呼之則來,揮之則去。因為他們是有血有肉的人,每一個背後,都有著不同的故事,而對我們也是有感情的。 

 

楊兄惹上麻煩,亦不忘對大家作出交代,我非常欣賞,亦好感動。其實,楊兄話哂都喺呢度一個專欄作家,大家之間,可能喺朋友、網友、同行、同窗、同欄、同乜都好啦,總之就喺一種緣份。楊兄一向將呢度,同另一邊嘅言論分開,但請問各位,只喺一句「支持」啫!一句「支持」,有乜嘢問題?難道只喺一句「支持」,都唔可以寫? 

不過楊兄話,有好多朋友聯絡佢,想提供協助。我諗,或者當中,有包括呢個網站嘅人呢?既然喺咁,我就改變主意,將《向華記致敬》呢篇短文,响度 PO 返一個 COPY 啦!最後,當然唔少得呢一句: 

 支持楊兄!!!
 


向華記致敬
 
珍惜香港
法團專業投資者
SMIEEE.MSc(ICDE)
http://facebook.com/hongkongtruevalue/
2019年11月5日
記得我同楊兄,有過一面之緣,佢俾我嘅印象,喺一個真性情嘅人。 

尋日楊兄終於親自出片,交代咗佢响新加坡嘅遭遇,話說佢俾人跣咗一鑊,可能會有一段時間,返唔到嚟香港。 

今時今日,响黃黑惡勢力之下,夠膽死發聲嘅,就俾人私了兼老屈,做生意果啲,真喺可以連間舖都俾人燒埋,佢地隨時可以影你,不過你影佢地呢,就喺死罪。香港,又有幾多人,可以好似楊兄咁,肯拋個身出嚟,高調向黃黑說不? 

向華記致敬
 

近呢幾個月嚟,我對朋友同各位嘅呼籲,都喺離唔開呢兩句:

全力支持警隊!全面否定黃黑! 

我想請問大家,以上兩句所表達嘅,喺唔喺政治立場? 

喺?咁亂拋垃圾,人見人憎,又算唔算政治口號?舉報貪污,人人有責,又唔通喺政治訴求? 

楊兄話,佢唔識得政治,其實好多香港人,都喺唔識得政治。我地只求一個安定同正常嘅社會,一個大致可預期嘅環境,俾我地默默耕耘。早期香港,黑社會當道,周圍去收保護費,你唔肯俾,就唔使旨意有運行,當時警方反黑,就要用到非常手段,市民大力支持。依家啲黃黑之徒,一個唔 LIKE 就打到你殘,燒你間舖,真喺仲衰過黑社會。市民被起底、針對、欺凌、私了,啲傳媒成日話,喺因為「政治立場」唔同,我想問,難道唔想交保護費,都叫做「政治立場」? 

我地要求嘅,唔喺乜嘢政策,或者乜嘢理念,只喺可以生活、工作、營商嘅最基本環境。警民合作,撲滅罪行,根本就喺公民責任,講乜叉政治?我地否定黃黑,唔喺關乎佢地嘅政治理念,或者對政策、體制嘅取向。佢地要跪拜啲乜嘢「神像」,就唔該返屋企自己拜個夠,做乜要搞啲無辜嘅人? 

我地否定嘅,喺向罪惡傾斜嘅「民心」!
2. 華記真漢子,真男人
2019-11-06 07:56
支持華記,希望華記茶餐廳在香港開店,不過要等暴亂平平息息後
3. MMX
2019-11-06 11:15
支持楊生,支持珍兄!
4. 閒人1
2019-11-06 11:36
支持華記, 祈求佢早日平安返港, 支持珍惜香港兄, 為理發聲, 香港仲有正能量!
5. CD ROM
2019-11-06 13:49
支持華記!!!

因為地產網與華記有一面之緣, 也希望透過地產網表達對華記既支持!!! 
6. 八十後小蟲
2019-11-06 19:41
相信楊生受唔起呢種支持
7. Alex Yeung(華記)
2020-02-10 01:14
非常感謝大家支持!
要跟大家說句sorry,現在才回覆,因為今天要留言實在唔容易,因為怕影響到人家個平台,所以要好小心!
再次多謝大家、特別是珍惜香港的一篇文章,無言感激🙏
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。